اۆتونوميالى رايون «پىكىر» جاريالادى
جەكەشە ساۋدا - ونەركاسىپشىلەرگە كەپىل زاتسىز، كەپىل ادامسىز شاعىن سومادا قارىز اقشا تاراتىلادى
2020.03.19 17:11 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى ۋاڭ يۇڭفي 3 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىنەن ۇعىسۋىمىزشا، 3 - ايدىڭ 12 - كۇنى «اۆتونوميالى رايوندىق قازىنا مەڭگەرمەسىنىڭ، اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىنىڭ جانە حالىق بانكەسى ءۇرىمجى ورتالىق تارماق بانكەسىنىڭ جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا توتەپ بەرۋ بويىنشا شاعىن سوماداعى امانات قارىز اقشا ساياساتىمەن جەكەشە ساۋدا - ونەركاسىپشىلەردىڭ جۇمىستى، ءوندىرىستى قالپىنا كەلتىرۋىنە قولداۋ كورسەتۋ جونىندەگى پىكىرى» جاريالانعان. «پىكىردە» مىنالار ورتاعا قويىلعان: بانكە سالاسىنىڭ فينانس قۇرىلىمدارى قاراستى اۋماعىنداعى جەكەشە ساۋدا - ونەركاسىپشىلەرگە بەلگىلى مەرزىمدىك كەپىل زاتسىز، كەپىل ادامسىز شاعىن سوماداعى قارىز اقشا تاراتادى، ءوسىمى لايىقتى تۇردە قازىنادان كوتەرىلەدى.
جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ۇشىراپ، وندىرىستە جانە تيجاراتتا قيىنشىلىققا جولىققان اۆتونوميالى رايونىمىزداعى جەكەشە ساۋدا - ونەركاسىپشىلەردىڭ قارىز اقشا العىسى كەلەتىندەرىنىڭ بارلىعى ءوندىرىس، تيجارات شارت - جاعدايىنا جانە سايكەستى قارىز اقشا قايتارۋ قابىلەتىنە يە بولسا، تارتىپكە، زاڭعا بويسۇنسا، ادال، سەنىمدى بولسا، زاڭ بويىنشا تىركەۋگە الىنسا، شاعىن سوماداعى امانات قارىز اقشا ساياساتىنان يگىلىكتەنە الادى. جەكەشە ساۋدا - ونەركاسىپشىلەر فينانس قۇرىلىمدارىنا ءبىر رەتتىك شاعىن سوماداعى امانات قارىز اقشا ءوتىنىش بەرە الادى، قارىز اقشا 80 مىڭ يۋانعا دەيىن، قارىز اقشا مەرزىمى 6 اي بولادى، بۇل ساياسات 2020 - جىلى 3 - ايدىڭ 11 - كۇنىنەن 2020 - جىلى 9 - ايدىڭ 11 - كۇنىنە دەيىن اتقارىلادى. ءوسىمى سايكەس مەزگىلدەگى بانكە قارىز اقشانىڭ بازارداعى نارىقتىق ءوسىم مولشەرى بويىنشا اتقارىلادى، ۇكىمەت قازىناسى ءوسىمنىڭ ％50ىن كوتەرەدى.
«پىكىردە» مىنالار باسا دارىپتەلدى: قارىز اقشا جەكەشە ساۋدا - ونەركاسىپشىلەردىڭ جۇمىستى، ءوندىرىستى قالپىنا كەلتىرۋىنە، وندىرىسكە، تيجاراتقا قاجەتتى شيكىزاتتار، جابدىقتار، تاۋارلار ساتىپ الۋعا، قىزمەتشىلەردىڭ ەڭبەكاقسى، ءوندىرىس، تيجارات ورىندارىنىڭ جالداۋ اقىلارى، سۋ، توك اقىلارى سياقتى وندىرىستىك شىعىستاردى تولەۋگە جۇمسالادى، ءۇي ساتىپ الۋ، قازىنا باسقارۋ، وتباسىلىق بۇيىمدار ساتىپ الۋ سياقتى وندىرىستىك، تيجاراتتىق ەمەس شىعىستارعا جۇمساۋعا بولمايدى.
جەكەشە ساۋدا - ونەركاسىپشىلەردىڭ شاعىن سوماداعى امانات قارىز اقشاسىنا الەۋمەتتىك اۋماق، اۋدان (قالا، رايون) ”2 دارەجە بىرلەسىپ قاراۋ“ ءتۇزىمى اتقارىلادى. اۋداندىق (قالا، رايون) حالىق ۇكىمەتى، الەۋمەتتىك اۋماق باستى جاۋاپتى جولداستاردان، ارنايى قىزمەتكەرلەردەن جانە قارىز اقشا بەرۋشى فينانس قۇرىلىمىنىڭ قىزمەتكەرلەرىنەن قۇرالعان جەكەشە ساۋدا - ونەركاسىپشىلەردىڭ شاعىن سوماداعى امانات قارىز اقشا قىزمەتى كەڭسەسىن جەكە - جەكە قۇرىپ، قاراستى اۋماقتاعى جەكەشە ساۋدا - ونەركاسىپشىلەردىڭ شاعىن سوماداعى امانات قارىز اقشا وتىنىشتەرىن قابىلداۋ، قاراۋ جانە قارىز اقشا بەرۋشى فينانس قۇرىلىمدارىنا تانىستىرۋ سياقتى قىزمەتتەرمەن ارنايى شۇعىلدانادى. شاعىن سوماداعى امانات قارىز اقشا الۋ سۇرانىسى بار جەكەشە ساۋدا - ونەركاسىپشىلەر ءوندىرىس، تيجارات جۇرگىزەتىن جەردەگى الەۋمەتتىك اۋماق قىزمەت كەڭسەسىنە قارىز اقشا الۋعا ءوتىنىش تاپسىرىپ، قارىز اقشانى ۋاعىندا قايتارۋعا ايقىن ۋادە بەرەدى.
جەكەشە ساۋدا - ونەركاسىپشىلەر ۇستىنە الاتىن ％50تىك قارىز اقشا ءوسىمىن ماۋسىم بويىنشا قارىز اقشا بەرۋشى فينانس قۇرىلىمىنا تاپسىرىپ وتىرادى؛ ۇكىمەت قازىناسى ۇستىنە الاتىن ％50 ءوسىم قارجىسىن اۆتونوميالى رايوندىق قازىنا مەجە ەسەپتىك ورنالاستىرۋ ارقىلى ماۋسىم بويىنشا اۋداندىق (قالا، رايون) قازىنا تاراۋلارىنا بەرەدى، اۋداندىق (قالا، رايون) قازىنا تاراۋلارى ماۋسىم بويىنشا قارىز اقشا بەرۋشى فينانس قۇرىلىمىنا تاپسىرادى. قارىز اقشانىڭ ۋاقىتى تولعان سوڭ، الەۋمەتتىك اۋماق قىزمەت كەڭسەسىقارىز اقشا بەرۋشى فينانس قۇرىلىمىمەن بىرلەسىپ قارىز اقشانى قايتارىپ الۋ قىزمەتىن ويداعىداي ىستەيدى. شىنىندا توتەپ بەرۋگە كەلمەيتىن سەبەپتەر جەكەشە ساۋدا - ونەركاسىپشىلەردىڭ شاعىن سوماداعى امانات قارىز اقشا زيانىن تۋدىرسا، اۋداندىق (قالا، رايون) حالىق ۇكىمەتى مەن قارىز اقشا بەرۋشى فينانس قۇرىلىمى اقىلداسىپ ءبىر اۋىزدىلىققا كەلگەن سوڭ، اۋداندىق (قالا، رايون) حالىق ۇكىمەتى ％80تىك، قارىز اقشا بەرۋشى فينانس قۇرىلىمى ％20تىك سالىستىرما بويىنشا ءبولىپ كوتەرەدى.
اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىنىڭ ورىنباسار باستىعى تيان دي مىنالاردى ءبىلدىردى: جەكەشە ساۋدا - ونەركاسىپشىلەر − قوعامنىڭ اينالىمىن ساقتايتىن ”ۇساق قان تامىرلار“، وسى رەت جاريالانعان شاعىن سوماداعى امانات قارىز اقشا ساياساتى جەكەشە ساۋدا - ونەركاسىپشىلەر ءۇشىن ارنايى بەلگىلەنىپ وتىر، ونىڭ ماقساتى جەكەشە ساۋدا - ونەركاسىپشىلەردىڭ جۇمىستى، ءوندىرىستى جەدەل قالپىنا كەلتىرۋىنە قولداۋ كورسەتىپ، تۇتاس جىلداعى ەكونوميكالىق، قوعامدىق دامۋدىڭ نىسانالارىنىڭ، مىندەتتەرىنىڭ ورىندالۋىنا شىنايى كەپىلدىك ەتۋ.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
