شي جينپيڭ تاسقىننان ساقتانۋ، اپاتتان قۇتقارۋ قىزمەتى جونىندە ماڭىزدى نۇسقاۋ بەردى
تاسقىننان، گەولوگيالىق اپاتتان ساقتانۋدى جانە شۇعىل جاعدايدا قاتەردەن اراشالاۋدى، قۇتقارۋ - كومەكتەسۋدى كۇش سالا ويداعىداي ىستەپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، حالىقتىڭ ءومىرىنىڭ حاۋىپسىزدىگىن ءبىرىنشى ورىنعا قويۋعا شىنايى كەپىلدىك ەتۋدى شىن مانىندە ناقتاپ تياناقتاندىرۋدى تالاپ ەتتى
2020.06.30 10:41 كەلۋ قاينارى : شينجياڭ گازەتى
شينحۋا اگەنتتىگىنىڭ 6 - ايدىڭ 28 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاسقىننان ساقتانۋ، اپاتتان قۇتقارۋ قىزمەتى جونىندە ماڭىزدى نۇسقاۋ بەردى.
شي جينپيڭ بىلاي دەپ اتاپ كورسەتتى: 6 - ايدان بەرى، ەلىمىزدىڭ جياڭنان، حۋانان، شينان وڭىرلەرىندە نوسەر كورنەكتى كوبەيىپ، كوپتەگەن جەرلەردە تاسقىن جانە گەولوگيالىق اپات تۋىلدى، وڭىرلەر، قاتىستى تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تاسقىننان، گەولوگيالىق اپاتتان ساقتانۋ جانە شۇعىل جاعدايدا قاتەردەن اراشالاۋ، قۇتقارۋ - كومەكتەسۋ سياقتى قىزمەتتەردى كۇش سالا ويداعىداي ىستەپ، اپاتتان ساقتانۋدا، اپاتتان قۇتقارۋدا بەلسەندى ناتيجەگە قول جەتكىزدى.
شي جينپيڭ بىلاي دەپ باسا دارىپتەدى: كەزەكتە ەلىمىزدىڭ كوپتەگەن وڭىرلەرى تاسقىن جۇرەتىن مەزگىلگە ءوتتى، ءىشىنارا وڭىرلەردە تاسقىن جاعدايى اۋىر، تايفىڭ داۋىلى كوپ تۋىلاتىن مەزگىلدە تاياپ كەلەدى. مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى سياقتى تاراۋلار ءبىر تۇتاس جوسپارلاپ سايكەستىرۋدى كۇشەيتىپ، قاتىستى وڭىرلەردىڭ تاسقىننان ساقتانۋ، تايفىڭ داۋىلىنان ساقتانۋ سياقتى قىزمەتتەردى ويداعىداي ىستەۋىنە جەتەكشىلىك ەتۋ كەرەك.
شي جينپيڭ مىنالاردى تالاپ ەتتى: وڭىرلەر جانە قاتىستى تاراۋلار حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ىندەتتەن ساقتانۋ - تىزگىندەۋ جانە تاسقىننان ساقتانۋ، اپاتتان قۇتقارۋ قىزمەتىن ءبىر تۇتاس جوسپارلاپ ويداعىداي ىستەپ، جاۋاپكەرشىلىك ءتۇزىمىن باتىل تياناقتاندىرىپ، ساقتانۋ، الدىن الا دايىندالۋ مەن شۇعىل جاعدايعا توتەپ بەرۋدى، توسىن وقيعالاردى ءبىر جاقتى ەتۋدى ءوزارا ۇشتاستىرۋعا تاباندى بولىپ، تاسقىن جاعدايىن باقىلاۋ - ولشەۋدى كۇشەيتىپ، حاۋىپ - قاتەردى، كومەسكى كىناراتتاردى دەر كەزىندە ءبىر - بىرلەپ تەكسەرىپ، قاتەردەن اراشالاۋدى، اپاتتان قۇتقارۋدى پارمەندى ۇيىمداستىرىپ، اپاتقا ۇشىراعان بۇقارانى ۇيلەسىمدى ورنالاستىرىپ، ءوندىرىس، تۇرمىس ءتارتىبىن ويداعىداي قورعاپ، حالىقتىڭ ءومىرىنىڭ حاۋىپسىزدىگىن ءبىرىنشى ورىنعا قويۋعا شىنايى كەپىلدىك ەتۋدى شىن مانىندە ناقتاپ تياناقتاندىرۋ كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
