زات اينالىم پورتى e پەرنەسىمەن جىلدامدىعىن جوعارىلاتتى
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ چۇنحۋا
2020.07.06 14:31 كەلۋ قاينارى : شينجياڭ گازەتى
7 - ايدىڭ 4 - كۇنى ساعات 9دا ءۇرىمجى ەكونوميكالىق - تەحنيكالىق اشۋ رايونىنداعى (توۋتۇنحى رايونى) حايحۇڭ حالىقارالىق ازىق - تۇلىك زات اينالىم پورتىندا ءبىر كۇندىك قاربالاس جۇمىس باستالدى. وڭتۇستىك قاقپانىڭ كىرەر اۋزىندا دۇكەن يەلەرى كەزەككە تۇرىپ دەنە تەمپەراتۋرالارىن ولشەتتى، ۇلكەندى - كىشىلى اۆتوموبيلدەر ءبىرىنىڭ ارتىنان ءبىرى تىزىلە كىرىپ جاتتى. قوسىمشا ازىق - تۇلىكتەر اۋماعىندا الاڭعا ەندى كىرگەن دۇكەن يەلەرى دۇكەندەرىن مۇقيات، جالپى بەتتىك زارارسىزداندىرۋعا كىرىستى.
ۇرىمجىدەگى ءبىر بەكەتتىك ازىق - تۇلىك ساتىپ الۋ تۇعىرى بولعان حايحۇڭ حالىقارالىق ازىق - تۇلىك زات اينالىم پورتىندا 2019 - جىلعى زات تاسىمالىنىڭ كىرۋ - شىعۋ مولشەرى 750 مىڭ توننادان اسىپ، ساۋدا سوماسى 10 ميلليارد يۋان كولەمىنە جەتتى.
وڭتۇستىك قاقپانىڭ ىشىندەگى ءبىر عيماراتتىڭ ارتىندا زات اينالىم پورتىنىڭ سۋىق تىزبەكتى زات اينالىم وزەگى بار. بۇل جەردە 2 ءزاۋلىم سۋىق قويما بوي سوزىپ تۇر، قويمانىڭ جالپى سيىمدىلىعى 150 مىڭ توننا. زارارسىزداندىرۋ جۇمىسى ورىندالعان سوڭ، جۇزدەگەن ايىرلى تيەگىشتەر ارلى - بەرلى قايشالىسىپ، 6 زات اينالىم تۇيىنىندە 15 مەترلىك سۋىق تىزبەكتى اۆتوموبيلگە جۇك تيەلىپ جاتىر. حايحۇڭ حالىقارالىق ازىق - تۇلىك زات اينالىم پورتىنىڭ باس ديرەكتورى يان لينلۇڭنىڭ تانىستىرۋىنشا، زات اينالىم پورتىنىڭ سۋىق تىزبەكتى تاسىمالى بۇكىل شينجياڭداعى بارلىق اۋدان - قالالاردى قامتۋمەن بىرگە، بەيجيڭ، جينان، جىڭجوۋ، شي - ان سياقتى ىشكى ءوڭىر قالالارىندا وتكەرمەلەۋ تۇيىندەرىن قۇرعان ەكەن.
زات اينالىم پورتىنىڭ توڭازىتىلعان زاتتار اۋماعىنان ۇنەمى زات ساتىپ الىپ جۇرەتىن قالا تۇرعىنى يۇي شياۋيان تىزىلگەن تاۋارلاردىڭ بۇرىنعىدان كوپ ايىرماشىلىعى بار ەكەنىن بايقادى. ”بۇرىن بارلىعى 5 − 10 كيلوگرامدىق ۇلكەن قوراپتار بولاتىن، بولشەك ساتىلمايتىن. قازىر وتباسىلارىنا ۇيلەسەتىن شاعىن قوراپتار شىعىپ، تۇرلەرى كوبەيىپ، باعاسى دا لايىقتى بولىپتى“. يۇي شياۋياننىڭ قولىندا 600 گرامدىق تاسپا بالىق ادەمى قوراپتالىپتى.
”ۇيدە سورپا سالىپ، كوجە جاساماق بولساڭىز، ۇيىڭىزدەن حايشين بالىق ەتى تۇيىرشىكتەرى ۇزىلمەسىن“. ”بۇكىل شينجياڭنان الەۋمەتتىك توپتاردا، تىكە تاراتۋدا زات ساتۋ بويىنشا سەلبەستىك جاساساتىن سەرىكتەستەر قابىلدايمىز“... جالت قاراتارلىق وسىناۋ ۇگىت سوزدەرىندە ىندەتتەن ساقتانۋ - تىزگىندەۋ ۇدايىلانعاننان بەرگى دۇكەن يەلەرىنىڭ دامۋ وي جەلىسىندەگى وزگەرىستەر جاتىر.
”ساۋدا ۇلگىسىنە بۇرىلىس جاساۋ − ءبىزدىڭ بىردەن - ءبىر تالعامىمىز، بۇرىن ”وتىرىپ ساۋدا جاساۋ“ ويىندا بولاتىنبىز، دۇكەندە وتىرىپ ۇلكەن قاريدارلاردىڭ كەلۋىن كۇتەتىنبىز. اس - سۋ كاسىبىنىڭ ىندەتتىڭ ىقپالىنا ۇشىراۋ سىندى رەالدىق الدىندا، ءبىزدىڭ، ءسوز جوق، كوزقاراسقا بۇرىلىس جاساۋىمىزعا تۋرا كەلدى“. يۇيفىڭ سۋ ونىمدەرى جايما ورنىن جۇرگىزۋشى چاڭ ماليدىڭ تانىستىرۋىنشا، ”حايحۇڭنىڭ تاڭدامالىلارى“ جەلى تۇعىرىندا، ونىڭ پىسۋلى تەڭىز شايانى مەن قۋىرىلعان تاسپا بالىق جاپىراقشاسى سىندى 2 ءتۇرلى تاۋارىنىڭ ءوتىمى اجەپتاۋىر جاقسى ەكەن.
”حايحۇڭ تاڭدامالىلارى“ بيىل 1 - ايدا جەلىگە شىعارىلعاننان كەيىن، زات اينالىم پورتى 700دەن استام دۇكەننەن 300دەن استام ءونىمدى ساتۋعا سارالاپ تاڭداعان، جەلىدەگى ونىمدەردىڭ سانى مەن ساتىلىمى اي سايىن جوعارىلاعان.
”ىندەت تۋىلعان سوڭ، ۇكىمەت بەرگەن ءتيىمدى ەلەكتر باعاسى جانە فينانس قۇرىلىمدارىنىڭ تومەن ءوسىمدى قارىزى، ءوسىمى قازىنادان تولەنەتىن قارىز سياقتى ساياساتتار كاسىپورىنداردىڭ جالپى بەتتىك جۇمىستى قالپىنا كەلتىرۋىنە، وندىرىستىك قۋاتىنا جەتۋىنە كەپىلدىك ەتتى. ال جەلىدەگى بولشەك ساتۋدىڭ جەدەل دامۋ بەتالىسى بىزگە ۇتىمدى وراي بەردى“. يان لينلۇڭنىڭ ايتۋىنشا، جەلىدە ساتۋ جاعدايىن قالىپتاستىرۋ ءۇشىن، كوپتەگەن دۇكەندەر الەۋمەتتىك اۋماق، جەكە ادامدار سياقتى تۇرلىشە نىسانالى شوعىرعا باعىتتاي وتىرىپ الارمانداردى تۇرگە ايىرىپ، ءونىم قۇرىلىمىن رەتتەگەن. تۇرلەر اناعۇرلىم مولايىپ، قوراپتالۋى دا اناعۇرلىم جاقسارعان، زات اينالىم پورتى بۇرىنعى تەك اس - سۋ كاسىپورىندارىنىڭ كولەمدى زاتتاردى تولايىم ساتۋ تۇرىندەگى ساتىلىم ۇلگىسىنەن سۇرىپتالعان ساتۋ ۇلگىسىنە قاراي بۇرىلىس جاساي باستاعان.
ساعات 12دە حايحۇڭ زات اينالىمىنىڭ قالا ىشىنە زات جەتكىزۋ ءبولىمىنىڭ قاقپاسىنىڭ سىرتىندا ۇلكەندى - كىشىلى جاشىكتەر تاۋ بولىپ ءۇيىلىپ، قابىلداپ الۋعا جاۋاپتى قىزمەتكەر سىرتقى قوراپتارعا زارارسىزداندىرۋ جۇرگىزە ءجۇرىپ، سىرتقى قوراپتاردا زاقىم بار - جوقتىعىن تەكسەرىپ قاربالاس ءجۇر. ساعات 18دە بۇل تاۋارلار ءۇرىمجىنىڭ تۇكپىر - تۇكپىرىنە جەتكىزىلەدى. ”حايحۇڭ ساۋدا سارايى“، ”حايحۇڭ تاڭدامالىلارى“ سياقتى جەلىدە ساتۋ تۇعىرلارىنان پايدالانىپ، دۇكەن يەلەرىنىڭ توڭازىتىلعان زاتتارى 24 ساعات ىشىندە ءۇرىمجى قالاسىنا جانە سولتۇستىك شينجياڭداعى ءارقايسى قالالارعا جەتكىزىلەدى.
”ءبىز قامداۋ تىزبەگىن ۇزدىكسىز ساپالىلاندىرىپ، ’شيكى، جاڭا ازىق - تۇلىكتەر ەرەن بازارى + اس - سۋ + ەلەكتروندى ساۋدا + زات اينالىم‘ سىندى جاڭا بولشەك ساتۋ ۇلگىسىن دامىتۋ جونىندە بەلسەنە ىزدەنىس جاساۋدامىز، حايحۇڭ حالىقارالىق ازىق - تۇلىك زات اينالىم پورتىنىڭ وزگەرىسى بۇدان دا زور بولادى“، - دەيدى يان لينلۇڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
