الدىڭعى جارتى جىلدا شينجياڭ ەلەكتر تورىنىڭ ەلەكتر ساتۋ مولشەرى سايكەس مەزگىلدەگىدەن ％7 ارتتى
3 - كاسىپ ارتۋدى جەدەلدەتۋدىڭ ”نەگىزگى قوزعالتقىشىنا“ اينالدى
2020.07.07 14:32 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى چىن چياڭۋي 7 - ايدىڭ 5 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، بيىل الدىڭعى جارتى جىلدا، شينجياڭ ەلەكتر تورىنىڭ جالپى ەلەكتر ساتۋ مولشەرى 63 ميلليارد 900 ميلليون كيلوۆات - ساعاتقا جەتىپ، سايكەس مەزگىلدەگىدەن ％7.26 ارتقان. مۇندا، 3 - كاسىپ سايكەس مەزگىلدەگىدەن ％43 ارتىپ، ەلەكتر ساتۋ مولشەرىن ارتتىرۋدى جەبەۋدىڭ ”نەگىزگى قوزعالتقىشىنا“ اينالعان.
مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ ساناعىنا نەگىزدەلگەندە، الدىڭعى جارتى جىلدا، شينجياڭداعى بارلىق كاسىپ سالاسىنىڭ پايدالانعان ەلەكترى 57 ميلليارد 800 ميلليون كيلوۆات - ساعاتقا جەتىپ، پايدالانعان جالپى ەلەكتر مولشەرىنىڭ ％90ىن يەلەپ، سايكەس مەزگىلدەگىدەن ％5.5 ارتقان؛ قالا، اۋىل تۇرعىندارىنىڭ تۇرمىسقا پايدالانعان ەلەكترى 6 ميلليارد 100 ميلليون كيلوۆات - ساعاتقا جەتىپ، جالپى پايدالانىلعان ەلەكتردىڭ ％10ىن يەلەپ، سايكەس مەزگىلدەگىدەن ％27.8 ارتقان.
ءارقايسى كاسىپ سالالارىنىڭ ەلەكتردەن پايدالانۋ ساندى مالىمەتىنەن قاراعاندا، 1 - كاسىپتىڭ پايدالانعان ەلەكتر مولشەرى ءبىر ميلليارد 100 ميلليون كيلوۆات - ساعات بولىپ، بۇكىل كاسىپ سالاسى پايدالانعان ەلەكتر مولشەرىنىڭ ％1.9ىن يەلەدى. 2 - كاسىپتىڭ پايدالانعان ەلەكتر مولشەرى 37 ميلليارد 700 ميلليون كيلوۆات - ساعات بولىپ، بۇكىل كاسىپ سالاسى پايدالانعان ەلەكتر مولشەرىنىڭ ％65.1ىن يەلەپ، سايكەس مەزگىلدەگىدەن ％7.8 تومەندەدى. ىندەتتىڭ ىقپالىنا ۇشىراعاندىقتان 2 - كاسىپتىڭ پايدالانعان ەلەكتر مولشەرىندە بەلگىلى مولشەردە تومەندەۋ جارىققا شىعىپ، قاتىستى كاسىپتەردىڭ پايدالانعان ەلەكتر مولشەرىنىڭ ارتۋى - تومەندەۋى بىركەلكى بولمادى. 3 - كاسىپتىڭ پايدالانعان ەلەكتر مولشەرى 19 ميلليارد كيلوۆات - ساعات بولىپ، بۇكىل كاسىپ سالاسى پايدالانعان ەلەكتر مولشەرىنىڭ％ 33ىن يەلەدى. الدىڭعى جارتى جىلدا، 3 - كاسىپ ۇزدىكسىز جوعارى قارقىنمەن ارتۋ جاعدايىن ساقتادى، مۇندا تولايىم جانە بولشەك ساتۋ كاسىبىنىڭ پايدالانعان ەلەكتر مولشەرى ءبىر ميلليارد 470 ميلليون كيلوۆات - ساعاتقا جەتىپ، سايكەس مەزگىلدەگىدەن ％10 ارتتى؛ الەۋمەتتىك قىزمەت وتەۋ كاسىبىنىڭ پايدالانعان ەلەكتر مولشەرى 4 ميلليارد 230 ميلليون كيلوۆات - ساعاتقا جەتىپ، سايكەس مەزگىلدەگىدەن ％30 ارتتى؛ قۇرىلىس كاسىبىنىڭ پايدالانعان ەلەكتر مولشەرى ءبىر ميلليارد 750 ميلليون كيلوۆات - ساعاتقا جەتىپ، سايكەس مەزگىلدەگىدەن ％52 ارتتى؛ ينفورماتسيالىق قىزمەت وتەۋگە پايدالانعان ەلەكتر مولشەرى 6 ميلليارد 500 ميلليون كيلوۆات - ساعاتقا جەتىپ، سايكەس مەزگىلدەگىدەن جوعارىلاپ ％200 ارتتى؛ باسقا دا كاسىپتەردىڭ ەلەكتردەن پايدالانۋ مولشەرى تۇرلىشە دارەجەدە ارتتى.
مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ەلەكتر ساتۋ مولشەرىنىڭ جاڭا ارتۋ ءتۇيىنىن زور كۇشپەن كەڭەيتىپ، ونەركاسىپ، اۋىل شارۋاشىلىق ءوندىرىسى، تۇرعىندار تۇرمىسى، ساۋدا، اس - سۋ، مەكتەپ، تازالىق، جىلىتۋ سياقتى ءتۇيىندى سالالاردا ەلەكتر ەنەرگياسىنان پايدالانۋدى ۇزدىكسىز ىلگەرىلەتتى، بيىل الدىڭعى جارتى جىلدا اتقارىلعان ەلەكتر ەنەرگياسىنان پايدالانعان نىسان 14 مىڭ 400گە، جالپى پايدالانعان ەلەكتر مولشەرى 3 ميلليارد كيلوۆات - ساعاتقا جەتتى، بۇل ەلەكتردى ساتۋ مولشەرىن ارتتىرۋدى جەبەۋدە بەلسەندى رول اتقاردى.
مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى تيجارات ءبولىمىنىڭ بازار اشۋ، باسقارۋ ارناۋلى جاۋاپتىسى دوۋ بو بىلاي دەپ تالداۋ جاسادى: الدىڭعى جارتى جىلدا شينجياڭ ەلەكتر تورىنىڭ ەلەكتر ساتۋ مولشەرى ۇزدىكسىز ورنىقتى ارتىپ، شينجياڭ ەكونوميكاسىنىڭ جاقسارۋعا بەت العان ”نەگىزگى جاعى“ وزگەرمەگەندىگىن اڭعارتتى. 3 - كاسىپتىڭ پايدالانعان ەلەكتر مولشەرى ۇزدىكسىز جوعارى قارقىنمەن ارتىپ، شينجياڭنىڭ ەكونوميكالىق قۇرىلىمىنىڭ تيبىن وزگەرتۋىنىڭ تەزدەگەنىن كورسەتىپ، قىزمەت وتەۋ سالاسى ەكونوميكالىق ارتۋدى جەبەۋدىڭ نەگىزگى كۇشىنە اينالدى.
بيىل جىل باسىنان بەرى، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى كاسىپورىنداردىڭ ەلەكتردەن پايدالانۋ وزىندىك قۇنىن تومەندەتۋىن قولداۋ ساياساتىن مۇقيات دايەكتىلەندىرىپ، تياناقتاندىرىپ، كاسىپورىنداردىڭ ومىرشەڭدىك قۋاتىن قاۋلاتىپ، كاسىپورىنداردىڭ ەلەكتردەن پايدالانۋ وزىندىك قۇنىن تومەندەتۋگە تاماشا شارۋاشىلىق - ساۋدا ورتاسىن جاراتۋى الدىڭعى جارتى جىلداعى ەلەكتر ساتۋ مولشەرىنىڭ جىلدام ارتۋىن جەبەۋدەگى فاكتورلاردىڭ بىرىنە اينالدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
