شي جينپيڭ تىنىش جۇڭگو قۇرىلىسى جونىندە ماڭىزدى نۇسقاۋ بەرىپ بىلاي دەپ باسا دارىپتەدى
تىنىش جۇڭگو قۇرىلىسىنىڭ دەڭگەيىن جالپى بەتتىك جوعارىلاتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەيىك
2020.11.13 14:16 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 11 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جاقىندا تىنىش جۇڭگو قۇرىلىسى جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: جۋىق جىلداردان بەرى وڭىرلەر، ءارقايسى قاتىستى تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تىنىش جۇڭگو قۇرىلىسىن تىڭعىلىقتى ورىستەتىپ، ەكونوميكانىڭ دامۋىن ىلگەرىلەتۋ، قوعام ورنىقتىلىعىن قورعاۋ، حالىقتىڭ حاۋىپسىزدىگىن قامتاماسىز ەتۋ ءۇشىن ماڭىزدى ۇلەس قوستى.
شي جينپيڭ بىلاي دەپ باسا دارىپتەدى: اناعۇرلىم جوعارى دەڭگەيدەگى تىنىش جۇڭگو قۇرۋدىڭ ماڭىزى زور. وڭىرلەر، ءارقايسى قاتىستى تاراۋلار پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن مۇقيات دايەكتىلەندىرىپ، جالپى تۇلعالىق مەملەكەت حاۋىپسىزدىگى كوزقاراسىن تياناقتاندىرىپ، بىرگە قۇرۋ، بىرگە جونگە سالۋ، بىرگە يگىلىكتەنۋ بەتالىسىنان جازباي، نازاردى مەملەكەت حاۋىپسىزدىگىنە، قوعام تىنىشتىعىنا، حالىقتىڭ اماندىعىنا ىقپال جاسايتىن كورنەكتى ماسەلەلەرگە شوعىرلاندىرىپ، قالا ءوڭىرىنىڭ قوعامدىق جونگە سالۋىن وسىزامانداندىرۋدى ىشكەرىلەي ىلگەرىلەتۋ، تىنىش ورىن قۇرۋ قيمىلىن تەرەڭدەتۋ، نەگىزگى ساتى ۇيىمى، نەگىزدىك قىزمەت، نەگىزگى قابىلەت قۇرىلىسىن كۇشەيتۋ، تىنىش جۇڭگو قۇرىلىسىن عىلميلاندىرۋ، قوعامداندىرۋ، زاڭمەن جونگە سالۋ، زەردەلىلەندىرۋ دەڭگەيىن جالپى بەتتىك جوعارىلاتۋ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. ءار دارەجەلى پارتكومدار مەن ۇكىمەتتەر تىنىش ورىن قۇرىلىسىنا ۇيىمدىق باسشىلىقتى كۇشەيتىپ، تۇزىلىستىك، مەحانيزمدىك، ساياساتتىق ماسەلەلەردى اقىلداسىپ شەشىپ، ءبىر ءوڭىردىڭ دامۋىن جەبەۋ، ءبىر ءوڭىردىڭ تىنىشتىعىن ساقتاۋ سىندى ساياسي جاۋاپكەرشىلىكتى شىن مانىندە ارقالاۋ كەرەك.
تىنىش جۇڭگو قۇرىلىسى قىزمەتى ءماجىلىسى 11 - ايدىڭ 10 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى گو شىڭكۇن ماجىلىستە شي جينپيڭنىڭ ماڭىزدى نۇسقاۋىن ءارى ءسوزىن جەتكىزدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگوشا سوتسياليستىك تۇزىمگە تاباندى بولۋدى جانە ونى كەمەلدەندىرۋدى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ باس نىساناسىن مىقتاپ ارقاۋ ەتىپ، جالپى تۇلعالىق مەملەكەت حاۋىپسىزدىگى كوزقاراسىن تياناقتاندىرىپ، بىرگە قۇرۋدى، بىرگە جونگە سالۋدى، بىرگە يگىلىكتەنۋدى باعدار ەتىپ، حاۋىپسىزدىككە، ورنىقتىلىققا ىقپال جاسايتىن كورنەكتى حاۋىپ - قاتەرلەردەن ساقتانۋدى جانە ونى شەشۋدى ماڭىزدى ءتۇيىن ەتىپ، قالا ءوڭىرىنىڭ قوعامدىق جونگە سالۋىن وسىزامانداندىرۋدى، نەگىزگى ساتىنىڭ قوعامدىق جونگە سالۋىندا جاڭالىق اشۋدى، تىنىش ورىن قۇرۋ قيمىلىن تۇتقا ەتىپ، اناعۇرلىم جوعارى دەڭگەيدەگى تىنىش جۇڭگو قۇرۋ كەرەك.
مەملەكەتتىك كەڭەستىڭ مۇشەسى، قوعام حاۋىپسىزدىگى مينيسترلىگىنىڭ مينيسترى جاۋ كىجى، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن ماجىلىسكە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
