- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«وقشاۋلاپ تاستاۋ» بالانى قورعاۋدىڭ ەڭ جاقسى ءادىسى ەمەس
شيا فان
2015.12.29 16:50 كەلۋ قاينارى : شينجياڭ گازەتى
باستىڭ امان، دەننىڭ ساۋلىعىنان ارتىق ماڭىزدى نە بار. جاقىندا گۋاڭدۇڭ ولكەسىنىڭ جياڭمىن قالاسىنداعى ءبىر باستاۋىش مەكتەپ «تاۋداي پالەگە» قالعانداي كۇي كەشتى. حابارلاردان بەلگىلى بولۋىنشا، مەكتەپ ۇيىمداستىرعان ەڭبەك ساباعىندا 10 جاسار ءبىر بالا جىعىلىپ جارالانعان، سوت سوڭىندا مەكتەپ ％60جاۋاپكەرشىلىك ارقالايدى دەپ ۇكىم شىعارعان. بۇل كۇندە مۇنداي حابارلار كوبىمىزگە «ءجۇز تانىس». سوڭعى جىلدارى، مەكتەپتە تۋىلعان حاۋىپسىزدىك وقيعالار نەگىزىنەن مەكتەپ تاراپىنىڭ تولەم تولەۋىمەن
اياقتالاتىن بولدى. مەكتەپتە بولعان زاقىمداۋ دەلولارى ءۇشىن مەكتەپ جاۋاپكەرشىلىك ارقالايتىن جاعداي داعدىعا اينالدى.
وسى سەبەپتى، كەي مەكتەپتەردىڭ ءوزىن قورعاۋ تانىمى دا «سايكەستى كۇشەيدى». ولار، اۋەلى، «قاتەرلى» سپورت قۇرىلعىلارىن جيىپ تاستاپ، ساباق ارالىعىندا الاڭدا ويناۋعا بولمايدى، وقۋدان تاراعان سوڭ، وقۋشىلار دەرەۋ مەكتەپتەن كەتىپ قالۋ كەرەك دەپ بەلگىلەمە شىعاراتىن؛ ادام مەڭگەرە المايتىن بەلگىسىز فاكتورلاردىڭ كوپ بولۋى سەبەپتى، بالالار ۇناتاتىن كوكتەمگى سەرۋەن، كۇزگى سەرۋەن سياقتى قيمىلداردى ۇيىمداستىرعىسى كەلمەيتىن؛ سپورت جينالىسىن دا وتكىزبەي - اق قويايىق، بىرەر ءىس تۋىلسا، پالەگە قالامىز دەيتىن بولدى... ءتىپتى، مۇنان دا «ۇقىپتىلارى» شىعىپ، وقۋشىلاردى جۇگىرۋدەن، سەكىرۋدەن تەجەيتىن، جۇگىرگەندەردى، سەكىرگەندەردى ۇستاپ الىپ، ەسكەرتۋ بەرەتىن بولعان. مەكتەپتە «بولمايدىلار» مەن «قاتاڭ شەكتەۋلەر» قاپتاپ، بالالار نە ىستەرىن بىلمەي داعداردى. سوندىقتان قازىر دەمالىس قوڭىراۋى شالىنسا، تابيعاتىندا قاعىلەز، ىرشىپ - شورشىپ جۇرەتىن بالالار ءيا ساباقحانادان شىقپايتىن ءيا زالدا ازدى - كەم وينايتىن، تىپ - تىنىش، موپ - موماقان، ءتىل العىش بالاعا اينالىپ، داڭعاراداي ۇلكەن الاڭنان ەشكىمنىڭ كولەڭكەسى كورىنبەيتىن بولدى... بۇل، ارينە، كوز تارتار كوركەم كورىنىس ەمەس، كىسىنى مازاق ەتكەندەي بۇل شاراسىزدىق جۇرتتىڭ جۇرەگىن سىزداتتى.
18جاسقا تولماعانى سەبەپتى، ورتا، باستاۋىش مەكتەپ وقۋشىلارىندا تولىق ازاماتتىق ءىس - ارەكەت قابىلەتى بولمايتىنى شىندىق، سوندىقتان حاۋىپسىزدىك ماسەلەسىندە ولاردى بار كۇشپەن «قورعاۋ» − مىندەتتەلگەن جاۋاپكەرشىلىك. ءبىراق «جارالانۋىن كوتەرە المايمىن» دەپ، بىرەر ءىس تۋىلۋدان قورقىپ، بالانى تەكتەۋگە الۋدىڭ «شەگىرتكەدەن قورىققان ءبيداي ەكپەيدىدەن» ايىرماسى جوق، بۇنىمەن ءبارىن ءبىر جولدا تىندىرىپ تاستاۋ تىپتەن مۇمكىن ەمەس.
مەكتەپ − وقۋ ورنى، سونىمەن بىرگە، ول بالالاردىڭ ويىن الەمى دە بولۋعا ءتيىس. مۇنى بىلمەيتىن ادام كەمدە - كەم. مەكتەپتىڭ بالالاردىڭ «قول - اياعىن تۇساپ»، «قاماپ باعۋى»، «سىزعان سىزىقتان شىقپايتىن كورىنبەس قاپاس سالۋى»، ەرەجە - بەلگىلەمەلەرمەن بالانىڭ تابيعي قاسيەتىنە تۇساۋ سالۋى ءبىلىم بەرۋ زاڭدىلىعىنا قايشى ءىس، ول بالانىڭ دەنە ساپاسىنا ىقپال ەتۋمەن قويماي، ولاردىڭ جان - جاقتى دامۋىنا دا كەرى اسەرىن تيگىزبەي قويمايدى − ال، بۇنىڭ ناتيجەسىن، ءبىلىم بەرۋ قىزمەتكەرلەرى، ارينە، سەزىپ - ءبىلىپ وتىر.
ماسەلە قايدا دەگەندە، ءبىر جاقتا، بالالاردىڭ قامسىز ويناپ - كۇلۋى تۇرسا، ەندى ءبىر جاقتا، حاۋىپسىزدىك جاۋاپكەرشىلىگى دەگەن «تاۋداي جۇك» بار، بۇل ەكەۋىنىڭ اراسىنداعى قايشىلىقتى قالاي شەشكەن ءجون؟ اۆتوردىڭ ويىنشا، بۇل ماسەلەنى شەشۋدىڭ كىلتى −بۇعاۋدى بوساتۋدا. كەزەكتە مەكتەپكە تۇسكەن حاۋىپسىزدىك جاۋاپكەرشىلىگىنىڭ قىسىمى وتە اۋىر، حاۋىپسىزدىك ماسەلەسى باعالاۋعا، مەكتەپتەردى قاتارعا تىزۋگە ىقپال ەتەدى، ءتىپتى، كەيدە وسى ماسەلەگە بايلانىستى ءبىر مەكتەپ «ءبىر داۋىسپەن - اق تويتارىلىپ جاتادى». وسى ءۇشىن، كەي مەكتەپتىڭ باستىعى كۇنى بويى ەلەڭدەپ، جانى القىمعا كەلىپ جۇرەدى. ەندى، مۇنداي كوڭىل كۇيدە، تابيعاتى قاپەرسىز بالالار مەكتەپ ءۇشىن قاشان جارىلاتىنى بەلگىسىز ۋاقىت بومبىسىنداي كورىنەدى، سول ءۇشىن دە «قاماپ باعۋ»، «قول - اياعىن تۇساۋ» لاجىسىزدىق بولعانىمەن، الاڭداۋدان ارىلتىپ، كوڭىلدى جاي تاپتىراتىن شارا سانالادى. مەكتەپتىڭ بۇعاۋىن بوساتۋ ءۇشىن، مۇنداي تەگەۋرىندى كۇيدى وزگەرتۋ، مەكتەپتەگى وقيعالاردىڭ جاۋاپكەرشىلىگىن ونان ارى ايقىنداۋ، اتا - انالاردى «بالا بىردەڭەگە جولىقسا مەكتەپتىڭ ءىسى» دەيتىن قاراپايىم ويدان ارىلۋعا جەتەكتەۋ قاجەت. كەزەكتە كەيبىر ولكە، قالالار مەكتەپتەگى قامسىزداندىرۋدى جالپىلاستىرۋعا كىرىسىپ كەتتى، قامسىزداندىرۋ جاۋاپكەرشىلىگىنە قاتىستى وقيعا تۋىلا قالسا، 1 - رەتتە قامسىزداندىرۋ سەرىكتەستىگى وقيعاعا ۇشىراعان وقۋشىعا تولەم بەرەتىن بولدى. ايتالىق، ەندىگى جىلى اتقارىلاتىن «جياڭشي ولكەسىنىڭ مەكتەپتەگى وقۋشىلاردىڭ زاقىمدالۋ وقيعالارىنان ساقتانۋ جانە ونى ءبىر جاقتى ەتۋ بەلگىلەمەسىندە»، مەكتەپتەر مەكتەپتىڭ جاۋاپكەرشىلىك قامسىزداندىرۋىن، سونداي - اق قاتەلىگى جوق جاۋاپكەرشىلىك قامسىزداندىرۋىن ساتىپ الۋعا ىنتالاندىرىلىپ، مەكتەپكە تۇسكەن قىسىم 3 - جاقتىڭ كۇشىمەن باسقا جاققا اۋىستىرىلادى. مۇنداي جاعدايدا، مەكتەپ مۇڭ - مۇقتاجدان، شاراسىزدىقتان كوپ جەڭىلدەيدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
