- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كۋالىك بىتىرگەندە ەندىگارى تابانىمىزدان توزباساق
شىڭ يۇيلەي
2015.12.29 16:51 كەلۋ قاينارى : شينجياڭ گازەتى
ءۇي كۋالىگىن ءبىتىرۋ ءۇشىن 9 رەت شاپقىلادىم، باس - اياعى 55 كۇن كەتتى... «جۇڭگو ءتارتىپ تەكسەرۋ - باقىلاۋ گازەتى» تاياۋدا گانسۋداعى ءبىر كادردىڭ كۋالىك ءبىتىرۋ ءۇشىن قانداي راسمياتتار قاجەت ەكەنىن بىلە تۇرسا دا، ءبىر جولدا تولىق ايتپاعانىن ءارى قىزمەتكەر ورنالاستىرىپ بەتالدى اقى العانىن، سوندىقتان ونىڭ پارتيا ءتارتىبى جازاسىنا تارتىلعانىن جاريالادى.
كۋالىك ءبىتىرۋدىڭ قيىن بولۋى ءبىر مەزگىلدەن بەرى جۇرتتىڭ جازعىرۋىنا ۇشىرادى، تاراپتار دا «شاپقىلاپ ساندالۋداي» قيىن جاعدايدى شەشۋگە كۇش سالۋدا، دەسەدە كەيبىر كادرلار ءالى دە قارسى كەلىپ دەلو تۋدىرۋدا، بۇل ادامعا وي سالماي قويمايدى. ول ۇكىمەت ورىندارىن ىقشامداپ، ۇقىقتى تومەنگە ءتۇسىرۋدىڭ كومەسكى جاقتاردا ءالى دە كەدەرگىگە ۇشىراپ وتىرعانىن تۇسىندىرەدى. ءتارتىبى جاعىنان قاراعاندا، كۋالىك بىتىرۋدە ەڭ قيىن ماسەلە راسمياتتاردى تولىقتاۋ. قالاي تولىقتاۋ، نەلەردى تولىقتاۋ قىزمەت تارتىبىندە كۇنى بۇرىن بەلگىلەنگەن، جۇمىس باسىنداعىلاردىڭ ءبىر جولدا تولىق تۇسىندىرە سالۋى دا وڭتايلى شارۋا، دەيتۇرعانمەن جۇمىس بىتىرگەلى كەلگەندەردىڭ ماتەريالدارىنىڭ تولىق بولماۋى ءبىر ءتۇرلى «اعاتتىق» سانالدى دا، ولاردى ورىنسىز قيناۋعا وراي بولدى. رەال ومىردە «تەكسەرۋدى قاتاڭ ۇستاۋدى» سىلتاۋراتىپ، جۇرتشىلىقتى وزىنە جالىنىشتى ەتەتىن، ءسويتىپ، ورىنسىز پايدا تۇسىرەتىن قىزمەتكەرلەر دە بار. مۇنداي ورىنسىز ارەكەتتەردى ءتارتىپ ارقىلى قاتاڭ جازالاۋ كەرەك، ويتپەگەندە بۇرىس ستيلدى تىزگىندەۋ قيىنعا تۇسەدى.
سونىمەن قاتار جۇمىس بىتىرمەك بولعانداردى «باسقالارعا جالىنىشتى بولاتىن» ىرىقسىز كۇيدەن قالاي قۇتىلدىرۋدى دا ويلاسۋ كەرەك. كوپتەگەن ادام وسىنداي پسيحيكالىق اۋىرتپالىق ارقالاعاندىقتان، ىشتەي تىنىپ، سابىلادى دا جۇرەدى. شەشۋدىڭ امالى جوق ەمەس، الايدا جونگە سالۋدىڭ بەكىمى شەشۋشى ورىندا تۇرادى. بۇقارانىڭ كەلەڭسىز جايتتەردى مالىمدەۋىنە، اڭىس ەتۋىنە بەلسەندى جاۋاپ قايتارۋ، قاتەلىك بولسا، دەرەۋ تۇزەتۋ، سونداي - اق ىشكى جاقتا قاتەلىكتى تۇزەتۋ مەحانيزمى بولۋ، ۇزاق مەزگىل جۇمىس بىتىرمەۋ جايتتەرىن ۋاق - ۋاق رەتتەۋ، دەر كەزىنە جاۋاپكەرلىگىن قۋزاستىرۋ كەرەك. وسىلاي بولعاندا عانا جۇرتشىلىق كۋالىك ءبىتىرۋ ءۇشىن تابانىنان توزبايتىن بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
