مەملەكەتتىك ۇكىمەت قىزمەتكەرى ەمتيحانىنا 15 – قازاننان باستاپ تىزىمدەلۋگە بولادى، شينجياڭداعى 16 ورىنعا 991 ادام قابىلدانادى

2016.10.14 14:36   كەلۋ قاينارى : حالىق تورابى

　　حالىق تورابى، 14 – قازان، بەيجيڭ. ورتالىقتاعى ورگاندار مەن وعان تىكە قاراستى قۇرىلىمدارعا 2017 – جىلى ۇكىمەت قىزمەتكەرىن قابىلداۋ ەمتيحانىنا 15 – قازان كۇنى ساعات 8دەن باستاپ تىزىمدەلۋگە بولادى، تىزىمدەلۋ ۋاقىتى 24 – قازان كۇنى ساعات 18دە اياقتايدى.

　　قىزمەتكەر قابىلداۋ قۇلاقتاندىرۋى، قىزمەت ورنى كەستەسى قاتارلى ينفورماتسيالار ەمتيحان ارقىلى قىزمەتكەر قابىلداۋ دەربەس پاراقشاسىندا (http://bm.scs.gov.cn/2017) جاريالاندى، تالاپكەرلەر وسى دەربەس پاراقشا، ەڭبەككۇش بايلىعى جانە قوعامدىق قامتاماسىزداندىرۋ مينيسترلىگىنىڭ رەسمي تورابىنان، مەملەكەتتىك ۇكىمەت قىزمەتكەرى مەكەمەسىنىڭ رەسمي تورابىنان ەمتيحان ەرەجەسىن، ەمتيحان جوسپارىن، ەمتيحان باعدارناماسىن تاۋىپ وقي الادى.

　　ۇمىتكەرلەر دەربەس پاراقشاعا كىرىپ، ەمتيحانعا تىزىمدەلە الادى. تىزىمدەلۋ، ەمتيحان بارىسىندا پايدالاناتىن كۇشىنە يە ازاماتتىق كۋالىگى بىردەي بولۋى كەرەك.

　　ادەتتە 18 جاستان جوعارى 35 جاستان تومەنگىلەر، ياعني، 1980 – جىلى 15 – قازاننان 1998 – جىلى 10 – قازان ارالىعىندا تۋىلعان ۇمىتكەرلەر ەمتيحانعا تىزىمدەلسە بولادى. 2017 – جىلعى وقۋ تاۋىساتىن ماگيسترانتتار مەن دوكتورانتتاردىڭ (قىزمەتتە ەمەس) تىزىمدەلۋ جاسى 40 جاسقا دەيىن بولادى.

　　مەملەكەتتىڭ نەگىزگى ساتىدا قىزمەتكەر ىستەتۋ باعدارىنا ۇزدىكسىز ءمان بەرۋگە تاباندى بولۋ ءۇشىن، جاپالى، شەكارا، شەتكەرى رايوندارعا قىزمەتكەر قابىلداۋ شارتى تۋرالى ساياساتتار ۇيلەسىمدى تومەندەتىلگەن، بۇل جولى شينجياڭ كولەمىندە قىزمەتكەر قابىلدايتىن 557 ورىنداعى %80كە جۋىق قىزمەت ورنىنا قابىلداناتىندارعا نەگىزگى ساتىدا قىزمەت ىستەۋ جىل شەكتەمەسى قويىلماعان، %6كە جۋىق قىزمەت ورنىنا ارناۋلى كۋرس وقىعاندار دا تىزىمدەلسە بولادى؛ ءىشىنارا قىزمەتتەردە ۇمىتكەرلەردىڭ وقىعان كاسىبى تۋرالى تالاپ قويىلماعان، كەيبىر قىزمەتتەردە «XXكە قاتىستى كاسىپتەر» دەگەن تالاپ قويىلعان. مۇنان سىرت، جازباشا ەمتيحان اياقتاعاننان كەيىن، ەڭ تومەنگى تولىمدىلىق ءنومىر شەگىن بەلگىلەۋ بارىسىندا دا ءبىرشاما تيىمدىلىكتەر بەرىلەدى.

　　ۇعىسۋعا قاراعاندا، بۇل رەتكى قىزمەتكەر قابىلداۋعا ورتالىقتاعى ورگاندار مەن ولارعا توتە قاراستى قۇرىلىمدار جانە ۇكىمەت قىزمەتكەرى زاڭى بويىنشا باسقارىلاتىن ورىندار بولىپ، جيىنى 120 ورىن 27 مىڭنان استام قىزمەتكەر قابىلداۋدى جوسپارلاپ وتىر. جالپىلىق پاندەردەن جازباشا ەمتيحان ۋاقىتى 27 – قاراشادا ەلىمىزدەگى ءارقايسى ولكەلەردىڭ، اۆتونوميالى رايونداردىڭ ورتالىق قالالارىندا، توتە قاراستى قالالار مەن ءىشىنارا ءبىرشاما ءىرى قالالاردا بىردەي ۋاقىتتا الىنادى.

　　2016 – جىلى 14 – قازاننان باستاپ، ۇمىتكەرلەر ورتالىقتاعى ورگاندار مەن ولارعا توتە قاراستى قۇرىلىمداردىڭ 2017 – جىلعى ۇكىمەت قىزمەتكەرىن قابىلداۋ دەربەس پاراقشاسىنان (http://bm.scs.gov.cn/2017)، ەڭبەككۇش بايلىعى جانە قوعامدىق قامتاماسىزداندىرۋ مينيسترلىگىنىڭ رەسمي تورابىنان (http://www.mohrss.gov.cn)، مەملەكەتتىك ۇكىمەت قىزمەتكەرى مەكەمەسىنىڭ رەسمي تورابىنان (http://www.mohrss.gov.cn) قىزمەتكەر قابىلدايتىن تاراۋلاردى، قىزمەت ورنى ينفورماتسياسىن، قىزمەتكەر قابىلداۋ ساياساتىن، قىزمەتكەر قابىلداۋ قۇلاقتاندىرۋىن جانە كەڭەس سۇراۋ تەلەفونىن كورە الادى.

　　كەلۋ قاينارى: حالىق تورابى