جىل سوڭىندا جۇمىسشى – قىزمەتكەرلەر مىناداي تۇرمىستىق قامقورلىقتاردان يگىلىكتەنە الادى
2017.12.22 14:53 كەلۋ قاينارى : حالىق تورابى
حالىق تورابى، 22 – جەلتوقسان، بەيجيڭ. جىل سوڭى تاعى دا كەلىپ جەتتى، مەرەكەدەگى تۇرمىستىق قامقورلىقتان يگىلىكتەنۋ ماسەلەسىنە نازار اۋدارىپ وتىرعان بولارسىز. مەملەكەتتىك باس جۇمىسشىلار ۇيىمى 21 – جەلتوقسان كۇنى تۇستەن بۇرىن 2018 – جىلعى ەكى مەرەكە مەزگىلىندە جۇمىسشىلار ۇيىمىنىڭ مەيىر جەتكىزۋىنە قاتىستى اقپار جاريالاۋ جيىنىن اشتى. مالىمدەمەشى ۋاڭ شياۋفىڭ جۇمىسشى – قىزمەتكەرلەردىڭ يگىلىكتەنۋىنە بولاتىن قالىپتى تۇرمىستىق قامقورلىق تۇرلەرىن انىق اتاپ كورسەتتى، بۇرىنعى بەلگىلەمە بويىنشا مەرەكە مەزگىلىندە حال سۇراۋ بۇيىمدارى مەن تۋعان كۇن بالكۇلشەسىن، بالكۇلشە بەلەتىن بەرۋ بولسا، وسى جولى شاڭىراق كوتەرگەندەرگە زاتتاي سالەم – ساۋقىت بەرۋ، ءولىم – ءجىتىم بولعان وتباسىلارعا كوڭىل سۇراۋ بۇيىمدارىن بەرۋ، زەينەتكە شىققاندارعا ەستەلىك بۇيىمدارىن تارتۋ ەتۋ قالىپتى تۇرمىستىق قامقورلىق تۇرلەرىنە ەنگىزىلدى.
مەملەكەتتىك باس جۇمىسشىلار ۇيىمى «نەگىزگى ساتىداعى جۇمىسشىلار ۇيىمىنىڭ قاراجات كىرىم – شىعىمىن باسقارۋ ءادىسناماسىن» بەلگىلەدى، بەلگىلەمە بويىنشا، جۇمىسشىلار ۇيىمىنىڭ قاراجاتىن جۇمىسشى – قىزمەتكەرلەردىڭ كوللەكتيۆ تۇرمىستىق قامقورلىعى رەتىندە پايدالانۋعا بولادى، مۇنىڭ ىشىندە، مەرەكە كۇندەرى نەمەسە ۇيىم مۇشەلەرىنىڭ تۋعان كۇنىندە، توي – تومالاق، ءولىم – جىتىمدە، زەينەتكە شىققاندا حال سۇراۋ جانە سالەم – ساۋقىت رەتىندە بەرۋ قامتىلادى. 2014 – جىلعى بەلگىلەمەمەن سالىستىرعاندا، بۇل جولى توي – تومالاق، ءولىم – ءجىتىم مەن زەينەتكە شىعۋ سىندى ەكى ءتۇرلى جاعدايدا حال سۇراۋ، سالەم – ساۋقىت بۇيىمدارىن بەرۋ قامتىلعان.
ءبىرىنشى، نەگىزگى ساتىداعى جۇمىسشىلار ۇيىمى مەرەكە – مەيرامداردا بارلىق مۇشەلەرگە مەرەكەلىك سالەم – ساۋقىت بەرسە بولادى. مەرەكە – دەمالىس كۇندەرى دەگەندە، مەملەكەت بەلگىلەگەن زاڭداعى مەرەكەلەر (جاڭا جىل، شاعان، كوكشىبىق مەرەكەسى، ەڭبەكشىلەر مەرەكەسى، قاربىز مەرەكەسى جانە مەملەكەت مەرەكەسى) مەن اۆتونوميالى رايون دارەجەلىدەن جوعارى حالىق ۇكىمەتتەرى بەكىتكەن از ۇلتتاردىڭ مەرەكە – مەيرامدارى كورسەتىلەدى. مەرەكەلىك سالەم – ساۋقىتتار پرينسيپتىك جاقتان جۇڭگونىڭ ءداستۇرلى مەرەكەلىك جول – جوسىنىنا ساي كەلەتىن بۇيىمدار نەمەسە جۇمىسشى – قىزمەتكەرلەردىڭ كۇندەلىكتى تۇرمىسىنا قاجەتتى بۇيىمدار بولسا بولادى، نەگىزگى ساتىداعى جۇمىسشىلار ۇيىمى ءىس جۇزىندىك جاعدايعا قاراي يكەمدى تۇردە تاراتسا بولادى.
ەكىنشى، جۇمىسشىلار ۇيىمىنىڭ مۇشەلەرىنىڭ تۋعان كۇنىندە بالكۇشە سىندى ناقتى سالەم – ساۋقىت بۇيىمدارىن تاراتسا، ياكي، بەلگىلەنگەن بالكۇلشە دۇكەندەرىنىڭ بەلەتىن تاراتسا بولادى.
ءۇشىنشى، ۇيىم مۇشەلەرى ۇيلەنگەندە نەمەسە بالالى بولعاندا، ولارعا بەلگىلى مولشەردە سالەم – ساۋقىت بۇيىمدارىن بەرۋگە بولادى. ۇيىم مۇشەلەرى ناۋقاستانىپ ەمحاناعا جاتسا، مۇشەلەر نەمەسە ولاردىڭ تىكە تۋىستارى قازا بولعاندا، بەلگىلى مولشەردە كوڭىل سۇراۋ قاراجاتىن بەرۋگە بولادى.
ءتورتىنشى، زەينەتكە شىققاندارعا بەلگىلى سومادا ەستەلىك بۇيىم بەرۋگە بولادى.
مۇنان سىرت، جۇمىسشىلار ۇيىمىنىڭ قاراجاتىن نەگىزگى ساتىداعى جۇمىسشىلار ۇيىمى مۇشەلەرىنىڭ ساپاسىن جوعارىلاتۋ قوسىمشا قاراجاتى رەتىندە جانە جۇمىسشى – قىزمەتكەرلەردى تاربيەلەۋ جاعىنداعى ۇزدىك كۋرسانتتارعا سيلىق بەرۋدە پايدالانۋىنا بولادى، نەگىزگى ساتىداعى جۇمىسشىلار ۇيىمىنىڭ مادەنيەت، دەنە تاربيە جاعىنداعى ۇزدىكتەرىن سيلاۋ شىعىمى رەتىندە، ەڭبەك وزاتتارى مەن ۇزدىك جۇمىسشى – قىزمەتكەرلەردىڭ ەمدەلۋ – دەمالىس قوسىمشا قاراجاتى رەتىندە، قيىنشىلىعى بار جۇمىسشى – قىزمەتكەرلەرگە قارجىلاي جانە زاتتاي كومەك بەرۋ جاعىندا تۋىندايتىن شىعىمدارعا پايدالانۋىنا بولادى. نەگىزگى ساتىداعى جۇمىسشىلار ۇيىمى مۇشەلەردىڭ مۇشەلىك قاراجاتىمەن كينو، كونسەرت جانە سپورت جارىستارىن تاماشالاۋىنا، كوكتەمگى – كۇزگى ساياحات ۇيىمداستىرۋىنا، مۇشەلەرگە جەرگىلىكتى ورىنداعى باقشانىڭ جىلدىق بەلەتىن ساتىپ الىپ بەرۋگە پايدالانۋىنا بولادى.
جەرگىلىكتى جۇمىسشىلار ۇيىمى ۇيىم قاراجاتىن جۇمساۋدا مىناداي بەلگىلەمەردى قاتاڭ اتقارۋى كەرەك:
ءبىرىنشى، جۇمىسشىلار ۇيىمىنىڭ قاراجاتىمەن قوناق كۇتۋگە، تارتۋ ۇسىنۋعا بولمايدى.
ەكىنشى، جۇمىسشىلار ۇيىمىنىڭ قاراجاتىن پايدالانۋ جونىندەگى بەلگىلەمەگە قايشى كەلىپ، الباتى سيلىق قاراجات، قامقورلىق قاراجات جانە قوسىمشا قاراجات تاراتۋعا بولمايدى.
ءۇشىنشى، جۇمىسشىلار ۇيىمىنىڭ قاراجاتىمەن تۇتىنۋ ورەسى جوعارى كوڭىل اشۋ ورىندارى مەن دەنە شىنىقتىرۋ ارەكەتتەرىنە قاتىناسۋعا بولمايدى.
ءتورتىنشى، مەكەمە اكىمشىلىگىنىڭ جۇمىسشىلار ۇيىمىنىڭ ەسەبىنەن پايدالانىپ، بەلگىلەمەگە قايشى تۇردە «شاعىن قويما» قۇرۋىنا بولمايدى.
بەسىنشى، جۇمىسشىلار ۇيىمىنىڭ ەسەبى مەن مەكەمە اكىمشىلىگىنىڭ ەسەبىن بىرىكتىرىپ، جۇمىسشىلار ۇيىمىنىڭ قاراجات
شىعىمىن مەڭگەرە الماي قالۋىنا بولمايدى.
التىنشى، قاراجاتتى ورتا جولدان ىركىپ قالۋعا، باسقاعا پايدالانۋعا بولمايدى.
جەتىنشى، جۇمىسشىلار ۇيىمىنىڭ قاراجاتىمەن زاڭسىز قارجى توپتاۋ ارەكەتتەرىمەن اينالىسۋعا نەمەسە زاڭسىز قارجى توپتاۋ ارەكەتتەرىنە ەكونوميكالىق كەپىلدىك بەرۋگە بولمايدى.
سەگىزىنشى، جۇمىسشىلار ۇيىمى قاراجاتى ارقىلى جۇمىسشىلار ۇيىمىمەن قاتىسى جوق قيمىلداردىڭ قاراجاتىن ەسەپتەن كوتەرتۋگە بولمايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
