بيرمانىڭ سولتۇستىگىندەگى تەلەكوم مەن ينتەرنەتتەن پايدالانىپ الدامكوستىك ىستەۋگە سوققى بەرۋدە جاڭا جەتىستىككە قول جەتكىزىلدى 

جۋىردا قوعام حاۋىپسىزدىگى مينيسترلىگى بيرمانىڭ قاتىستى تاراۋلارىمەن ساقشى ىستەرى جانە زاڭ اتقارۋ جاعىندا سەلبەستىكتى كۇشەيتىپ، سوققى بەرۋ ارەكەتىن ورىستەتۋدى ىلگەرىلەتىپ، داچيلي وڭىرىندەگى تەلەكوم مەن ينتەرنەتتەن پايدالانىپ الدامكوستىك ىستەۋ اپانىنان 10 نەشەۋىن ءساتتى تالقانداپ، شەكارا اتتاپ تەلەكوم مەن ينتەرنەتتەن پايدالانىپ الدامكوستىك ىستەيتىن جۇڭگولىق قىلمىس كۇماندىلارىنان 150 ادامدى تۇتقىنداعان، مۇنىڭ ىشىندە ينتەرنەت ارقىلى قۋعىنداۋ شىعارىلىپ قاشىپ جۇرگەن 14 ادام قامتىلعان. قازىر بارلىق قىلمىس كۇماندىلارى مەن دەلوعا قاتىستى زاتتار يۇننان ولكەسى شيشۋاڭباننا وبلىسىنداعى دالو وتكەلى ارقىلى ەلىمىزگە وتكىزىلدى.

تەكسەرۋگە قاراعاندا، وسى توپتاعى قىلمىس كۇماندىلارى داچيلي وڭىرىندەگى تەلەكوم مەن ينتەرنەتتەن پايدالانىپ الدامكوستىك ىستەۋشىلەردىڭ وشاعىنا جاسىرىنعان، اسكەري قىزمەتكەرلەردىڭ اتىن جامىلىپ، دوستاسۋ ءتاسىلى ارقىلى جالعان قارجى قوسۋ – قارجى توپتاۋ دەگەن اتپەن الدامكوستىك ىستەگەن. قازىر قوعام حاۋىپسىزدىگى مينيسترلىگى گۇيجوۋ ولكەسىندەگى قوعام حاۋىپسىزدىگى ورگاندارىنىڭ قىلمىس كۇماندىلارىن الىپ قايتىپ، دەلونى تەكسەرۋ قىزمەتىن كۇش سالا ورىستەتۋى جونىندە ورنالاستىرۋ جاسادى.

بىلتىردان بەرى، بيرمانىڭ سولتۇستىگىندە تەلەكوم مەن ينتەرنەتتەن پايدالانىپ ەلىمىزگە ساياتىن الدامكوستىك جۇرگىزۋ قىلمىسى ءجيى تۋىلۋ اۋقىمىن قاتاڭ تەجەۋ ءۇشىن، قوعام حاۋىپسىزدىگى مينيسترلىگى بيرماداعى قاتىستى زاڭ اتقارۋ تاراۋلارىمەن ساقشى قىزمەتى جانە زاڭ اتقارۋ جاعىنداعى سەلبەستىكتى ىشكەرىلەي ورىستەتىپ، ءبىرقىدىرۋ سوققى بەرۋ ارەكەتىن بىرلەسىپ ورىستەتىپ، الدامكوستىك قىلمىسىنا شاتىلعان جۇڭگولىق قىلمىس كۇماندىلارىنان 49 مىڭ ادامدى ءساتتى تۇتقىندادى ءارى ەلىمىز جاققا وتكىزىپ الدى. سوققى بەرۋ ارەكەتىنەن سەسكەنگەندىكتەن، تەلەكوم مەن ينتەرنەتتەن پايدالانىپ الدامكوستىك ىستەيتىن ءبىر ءبولىم الدامكوستەر داچيلي قاتارلى وڭىرلەرگە قاراي بىتىراي جوتكەلگەن.

كەلۋ قاينارى: حالىق تورابى