شينجياڭ موڭعۇلكۇرە تۇلپار اۋەجايىندا 6 – ايدىڭ 11 كۇنى ۇشاق قاتىناۋ قالپىنا كەلتىرىلدى
2024.06.11 13:19 كەلۋ قاينارى : حالىق تورابى
انار بۇلت \ شينجياڭ گازەتىنىڭ حابارى. ەكى اي بويى قاربالاس جۇمىس جۇرگىزۋ ارقىلى، موڭعۇلكۇرە تۇلپار اۋەجايىندا ۇشاق قاتىناۋ قالپىنا كەلتىرىلدى.
موڭعۇلكۇرە اۋداندىق توعىسپالى مەديا ورتالىعىنىڭ حابارلاۋىنشا، 6 – ايدىڭ 9 – كۇنى موڭعۇلكۇرە تۇلپار اۋەجايى جاريالاعان ۇقتىرۋدا بىلاي دەلىنگەن: كەڭەيتىپ سالۋ قۇرىلىسىن جۇرگىزۋگە بايلانىستى، اۋەجاي 2024 – جىلى 3 – ايدىڭ 20 – كۇنى ساعات نولدەن باستاپ ۋاقىتشا جابىلعان، قازىر قايتادان قالپىنا كەلتىرىپ ىسكە قوسۋ شارتىنا تولدى. جوعارى ورىنداردىڭ بەكىتۋى بويىنشا، اۋەجايدى ىسكە قوسۋ 6 – ايدىڭ 11 – كۇنى ساعات نولدەن باستاپ قالپىنا كەلتىرىلەدى.
ۇقتىرۋعا قاراعاندا، قازىر موڭعۇلكۇرە تۇلپار اۋەجايىندا موڭعۇلكۇرە – ءۇرىمجى، قارامايلى – موڭعۇلكۇرە – اقسۋ، قاشقار – موڭعۇلكۇرە – قاناس اۋە جەلىلەرى اشىلعان. مۇنان سىرت، 6 – ايدىڭ 16 – كۇنىنەن سوڭ، حۋاشيا اۆياتسيا سەرىكتەستىگى كورلا – موڭعۇلكۇرە – شاۋەشەك اراسىندا قوس باعىتتاعى اۋە جەلىسىن ىسكە قوسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
