جۇڭگو ۋاكىلى: قارسىلاسۋ يران يادرو ماسەلەسىن شەشە المايدى
2024.06.07 14:38 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى يۇي تاۋ 6 – ايدىڭ 5 – كۇنى ۆەنادان حابارلايدى. 6 – ايدىڭ 5 – كۇنى، حالىقارالىق اتوم ەنەرگياسى قۇرىلىمىنىڭ القالار ماجىلىسىندە، فرانسيا، انگليا، گەرمانيا ەلدەرى يران يادرو ماسەلەسى جونىندە يرانعا قىسىم كورسەتۋ جونىندەگى قاۋلىنى ماقۇلداۋدى ىلگەرىلەتتى. القالار كەڭەسىنە مۇشە 35 مەملەكەتتىڭ ىشىندە، جۇڭگو مەن رەسەي قاۋلىعا قارسى داۋىس بەردى، وڭتۇستىك افريكا، ءۇندىستان، ساۋد ارابياسى، يندونەزيا، تۇركيا قاتارلى دامۋ ۇستىندەگى 12 مەملەكەت داۋىس بەرۋدەن قالىس قالدى. جۇڭگونىڭ حالىقارالىق يادرو ەنەرگياسى قۇرىلىمىنداعى ۋاكىلى، باس ەلشى لي سۇڭ ءسوز سويلەپ، جۇڭگونىڭ مايدانىن ءبىلدىرىپ، قارسىلاسۋدىڭ يران يادرو ماسەلەسىن شەشىم ەتە المايتىنىن ءبىلدىردى.
لي سۇڭ مىنانى اتاپ كورسەتتى: 5 – ايدىڭ باس شەنىندە، حالىقارالىق اتوم ەنەرگياسى قۇرىلىمىنىڭ ءتوراعاسى گروسسي يرانعا ساپارلاي بارىپ، يرانمەن ناتيجەلى ىقپالداستىقتى ساقتاپ، يراننىڭ باقىلاۋ قىزمەتىن قالىپتى ىلگەرىلەتۋىن قامتاماسىزداندىرۋعا بىرگە كۇش سالدى. يران جۋىردا عانا مەملەكەتتىك قازالى كۇندى باستان كەشىردى، وسى ايدا زور سايلاۋ وتكىزەدى، وسىنداي ەرەكشە جاعدايدا، ءىشىنارا مەملەكەتتەر ساياسي ماقساتپەن قارسىلاستىق تۋدىردى، بۇل يراننىڭ يادرو ماسەلەسىن ساياسي جولمەن شەشىم ەتۋدى ىلگەرىلەتۋدە ناتيجەلى شارا سانالمايدى. اماليات قايتا – قايتا دالەلدەگەندەي، ادام قولىمەن جاسالعان قارسىلاستىق، قىسپاققا الۋ، كۇش كورسەتۋ ماسەلەنى شەشىم ەتە الماعانىمەن قويماي، حالىقارالىق اتوم ەنەرگياسى قۇرىلىمى مەن يران اراسىنداعى سەلبەستىك قارىم – قاتىناسىن ءبۇلدىرىپ، ماسەلەنى ونان ارى كۇردەلىلەستىرەدى.
لي سۇڭ مىنانى باسا دارىپتەدى: قارسىلاسۋ يران يادرو ماسەلەسىن شەشىم ەتە المايدى. يران يادرو ماسەلەسى جونىندەگى جالپى بەتتىك كەلىسىمشارتتا ءارقايسى جاقتاردىڭ ۇزاق جىلداردان بەرگى ديپلوماتيالىق قۇلشىنىستارى ۇيىستىرىلعان، ول يران يادرو ماسەلەسىن شەشىم ەتۋدىڭ بىردەن – ءبىر دۇرىس جولى. ا ق ش جالپى بەتتىك كەلىسىمشارتتى بۇلدىرۋگەن ءىس تۋدىرۋشى بولعاندىقتان، شىن نيەتىن ايگىلەپ، ءارقايسى جاقتارمەن بىرگە جالپى بەتتىك كەلىسىمشارتتى تولىق، ءونىمدى اتقارۋدى قالپىنا كەلتىرۋى كەرەك. جۇڭگو جاق ءارقايسى جاقتاردى قازىرگى جاعدايعا بايسالدى ءارى جاۋاپكەرشىلىكتى پوزيتسيامەن قاراۋعا، حالىقارالىق يادرولىق قارۋلاردى كەڭەيتپەۋ جۇيەسىن شىنايى قورعاۋدى شىعار ءتۇيىن ەتىپ، ءىس جۇزىندىك ارەكەت ارقىلى حالىقارالىق اتوم ەنەرگياسى قۇرىلىمى مەن يراننىڭ سەلبەستىكتى كۇشەيتۋىنە قولداۋ كورسەتىپ، يران يادرو ماسەلەسىن شەشىم ەتۋگە ساياسي جاقتان، ديپلوماتيالىق جاقتان قۇلشىنىس جاساۋ سىندى دۇرىس جولعا قايتۋدى ىلگەرىلەتۋگە قۋزايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
