شىلىڭگىر ىستىق باستالدى، جوعارى تەمپەراتۋرالى كەزدە بەرىلەتىن قوسىمشا قاراجاتىنان سىرت، ەڭبەكشىلەر قانداي قامقورلىقتاردان يگىلىكتەنەدى؟ 

جۋىردا ەلىمىزدىڭ كەي جەرلەرىندە اپتاپتى اۋا رايى جارىققا شىقتى، كوپ جەرلەردە تەمپەراتۋرا 40 گرادۋستان استى، دالادا ەڭبەك ىستەيتىن ەڭبەكشىلەر قازىر زور سىناققا ءدوپ كەلۋدە. شىلىڭگىر ىستىقتا ەڭبەكشىلەر قانداي قامقورلىقتاردان يگىلىكتەنەدى؟

بەيجيڭ قالاسى چاڭحۇڭ ادۆوكاتتار ءىس باسقارماسىنىڭ ادۆوكاتى فىڭ شياۋدىڭ ايتۋىنشا، شىلىڭگىر ىستىق مەزگىلدە، ادام ىستەتۋشى ورىن ءوندىرىس ەرەكشەلىگى مەن ناقتى شارت – جاعدايعا نەگىزدەلە وتىرىپ، قىزمەت ۋاقىتىن، كەزەك اۋىستىرۋدى ۇيلەسىمدى ورنالاستىرۋى، شىلىڭگىر ىستىق ورىندا جۇمىس ىستەيتىن ەڭبەكشىلەردىڭ دەمالىس ۋاقىتىن ۇيلەسىمدى ارتتىرۋى جانە ەڭبەك كۇشەمەلىلىگىن ۇيلەسىمدى جەڭىلدەتۋى، شىلىڭگىر ىستىق مەزگىلدە سىرتتا جۇمىس ىستەۋ ۋاقىتىن ازايتۋى كەرەك.

. كۇندىك ەڭ جوعارى تەمپەراتۋرا 40 گرادۋستان اسقان كەزدە، سول كۇنى سىرتتاعى اشىق ورىندا جۇمىس ىستەۋدى توقتاتۋ كەرەك.

. كۇندىك ەڭ جوعارى تەمپەراتۋرا 37 گرادۋستان جوعارى، 40 گرادۋستان تومەن بولعان كەزدە، ادام ىستەتۋشى ورىننىڭ ەڭبەكشىلەردى ءبىر كۇن ىشىندە دالاداعى اشىق ورىندا جۇمىس ىستەۋگە ورنالاستىرۋ ۋاقىتى جيىنى 6 ساعاتتان اسىپ كەتپەۋى كەرەك، ۇزدىكسىز جۇمىس ىستەۋ ۋاقىتى مەملەكەت بەلگىلەگەن ۋاقىتتان اسىپ كەتپەۋى، ونىڭ ۇستىنە، تەمپەراتۋرا ەڭ جوعارى كەزەڭدەگى 3 ساعات ىشىندە سىرتتاعى اشىق ورىندا جۇمىس ىستەۋگە ورنالاستىرماۋى قاجەت.

. كۇندىك ەڭ جوعارى تەمپەراتۋرا 35 گرادۋستان جوعارى، 37 گرادۋستان تومەن بولعان كەزدە، ادام ىستەتۋشى ورىن كەزەك الماسىپ ىستەۋ قاتارلى فورمالارمەن ەڭبەكشىلەردىڭ ۇزدىكسىز جۇمىس ىستەۋ ۋاقىتىن قىسقارتۋى كەرەك، ونىڭ ۇستىنە، سىرتتاعى اشىق ورىندا جۇمىس ىستەيتىن ەڭبەكشىلەردى ۇستەمە جۇمىس ىستەۋگە ورنالاستىرۋىنا بولمايدى.

. ادام ىستەتۋشى ورىننىڭ جۇكتىلىك مەزگىلىندەگى ايەل جۇمىسشى – قىزمەتكەرلەر مەن ازامات جاسىنا تولماعان جۇمىسكەرلەردى 35 گرادۋستان جوعارى شىلىڭگىر ىستىق مەزگىلدە سىرتتاعى اشىق ورىندا جۇمىس ىستەۋگە ورنالاستىرۋىنا بولمايدى؛ تەمپەراتۋرا 33 گرادۋستان جوعارى بولعان جۇمىس ورنىندا جۇمىس ىستەۋگە ورنالاستىرۋىنا بولمايدى.

فىڭ شياۋدىڭ تانىستىرۋىنشا، ادام ىستەتۋشى ورىن ەڭبەكشىلەردى 35 گرادۋستان جوعارى شىلىڭگىر ىستىق اۋا رايىندا سىرتتاعى اشىق ورىندا جۇمىس ىستەۋگە ورنالاستىرعان جاعدايدا نەمەسە ءونىمدى شارالاردى قولدانىپ، جۇمىس ورنىنىڭ تەمپەراتۋراسىن 33 گرادۋستان تومەن دەڭگەيگە تۇسىرۋگە مۇمكىندىك بولماعان جاعدايدا، ەڭبەكشىلەرگە جوعارى تەمپەراتۋرا قوسىمشا قاراجاتىن تاراتۋى كەرەك. تەك جوعارىداعى ەكى ءتۇرلى شارتتىڭ بىرىنە ساي كەلەتىن ەڭبەكشىلەردىڭ بارلىعى جوعارى تەمپەراتۋرا قوسىمشا قاراجاتىن الۋى كەرەك. جوعارى تەمپەراتۋرا قوسىمشا قاراجاتى ەڭبەكشىلەردىڭ ەڭبەكاقىسىنىڭ قۇرامداس بولىگى، كاسىپورىندار تاراتقان ەڭبەكاقىنىڭ جالپى سوماسىنا قوسىلىپ ەسەپتەلۋى كەرەك. ادام ىستەتۋشى ورىننىڭ ىستىقتان ساقتانىپ، تەمپەراتۋرانى تومەندەتۋگە قاجەتتى سۋسىندىقتار مەن قاجەتتى ءدارى – دارمەكتەردى تاراتۋدىڭ ورنىنا اقشا – مۇلىك تاراتۋىنا بولمايدى، ىستىقتان ساقتانىپ، تەمپەراتۋرانى تومەندەتۋگە قاجەتتى سۋسىندىقتار مەن قاجەتتى ءدارى – دارمەكتەردىڭ اقشاسىن جوعارى تەمپەراتۋرا قوسىمشا قاراجاتىنان تارتىپ قالۋعا بولمايدى. ەگەر ەڭبەكشىلەر جوعارى تەمپەراتۋرا قوسىمشا قاراجاتىنا زاڭ بويىنشا قول جەتكىزە الماسا، سول جەردەگى ەڭبەككە قاتىستى باقىلاۋ تاراۋلارىنا تىكەلەي اشكەرەلەۋىنە جانە شاعىمدانۋىنا بولادى، جوعارى تەمپەراتۋرا قوسىمشا قاراجاتىن تاراتپاۋ ءىسى بويىنشا ەڭبەككە قاتىستى تورەلىك ايتۋعا ءوتىنىش بەرۋىنە دە بولادى.

كەلۋ قاينارى: حالىق تورابى