”6 جاسقا دەيىنگى بالالار اراسىنداعى تۋما اۋرۋى بار بالالاردى تەكسەرۋ جانە ولارعا كومەكتەسۋ“ نىسانى بۇكىل شينجياڭ بويىنشا كەڭىنەن ورىستەتىلەدى
2024.06.13 14:49 كەلۋ قاينارى : حالىق تورابى
تيانشان تورى – شينجياڭ گازەتىنىڭ ءتىلشىسى سۋ لۋپيڭ حابارلايدى. ءتىلشىنىڭ 6 – ايدىڭ 12 – كۇنى شينجياڭ مەديتسينا داشۋەسىنىڭ قاراماعىنداعى 1 – ەمحانادان ۇعىسۋىنشا، اتالعان ەمحانا اتقارۋعا جاۋاپتى بولعان ورتالىقتىڭ ارناۋلى ۇتىس بەلەتى الەۋمەتتىك يگىلىك قاراجات نىسانى — ”6 جاسقا دەيىنگى بالالار اراسىنداعى تۋما اۋرۋى بار بالالاردى تەكسەرۋ جانە ولارعا كومەكتەسۋ نىسانىنىڭ“ قامتۋ كولەمى بۇكىل شينجياڭعا كەڭەيتىلىپ، 5000 — 10000 بالانى (رەت) تەكسەرىپ، 100 — 500 ناۋقاس بالاعا كومەكتەسۋدى جوسپارلاعان.
قازىنا مينيسترلىگى 2014 – جىلدان باستاپ ورتالىقتىڭ ارناۋلى ۇتىس بەلەتى الەۋمەتتىك يگىلىك قاراجاتى ارقىلى تۋما كەمىستىگى بار بالالاردىڭ ەمدەلۋىنە كومەكتەسۋ نىسانىن اتقارۋعا قولداۋ كورسەتكەن. 2023 – جىلى شينجياڭ مەديتسينا داشۋەسىنىڭ قاراماعىنداعى 1 – ەمحانا ورتالىقتىڭ ارناۋلى ۇتىس بەلەتى الەۋمەتتىك يگىلىك قاراجاتى نىسانىنا ءساتتى ءوتىنىش بەرىپ، تەكسەرۋ، دياگنوز قويۋ، ساۋىقتىرۋ جانە كومەكتەسۋ ۇشتاستىرىلعان مەحانيزم ورناتقان، حوتان ايماعىنداعى، قاشقار ايماعىنداعى، اقسۋ ايماعىنداعى، قۇمىل قالاسىنداعى ونداعان اۋىل – قالاشىقتاعى ەمحانالاردا 6 جاسقا دەيىنگى بالالار اراسىندا تۋما اۋرۋى بار بالالاردى تەكسەرۋ جانە ولارعا كومەكتەسۋ قىزمەتىن ورىستەتىپ، جيىنى 23653 بالانى تەكسەرىپ، جەتىلۋى كەدەرگىگە ۇشىراعان 75 بالاعا كومەكتەسىپ، بالالاردىڭ مۇگەدەكتىك سيپاتتاعى اۋرۋلارىن ەرتە بايقاۋدى، وعان ەرتە دياگنوز قويۋدى، ەرتە ەمدەۋدى، ەرتە ساۋىقتىرۋدى ىسكە اسىرعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
