جاڭا داۋىردەگى ساياسيمەن ارميا قۇرۋ جالپى جوباسىن دايەكتىلەندىرىپ، تياناقتاندىرىپ، ارميانى قۇدىرەتتەندىرۋ ىستەرىنە پارمەندى ساياسي قامتاماسىزدىق ازىرلەۋ كەرەك

6 – ايدىڭ 17 – كۇنىنەن 19 – كۇنىنە دەيىن ورتالىق اسكەري ىستەر كوميتەتىنىڭ ساياسي قىزمەت ءماجىلىسى شانشي يان - اندا اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. سۋرەتتە: 6 - ايدىڭ 17 - كۇنى تۇستەن كەيىن شي جينپيڭ ماڭىزدى ءسوز سويلەۋدە. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

6 – ايدىڭ 17 – كۇنىنەن 19 – كۇنىنە دەيىن ورتالىق اسكەري ىستەر كوميتەتىنىڭ ساياسي قىزمەت ءماجىلىسى شانشي يان - اندا اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. سۋرەتتە: 6 - ايدىڭ 17 - كۇنى تۇستەن كەيىن شي جينپيڭ ماجىلىسكە قاتىناسقان بارلىق ۋاكىلدى ىقىلاسپەن قابىلداۋدا. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

6 – ايدىڭ 17 – كۇنىنەن 19 – كۇنىنە دەيىن ورتالىق اسكەري ىستەر كوميتەتىنىڭ ساياسي قىزمەت ءماجىلىسى شانشي يان - اندا اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. سۋرەتتە: 6 - ايدىڭ 17 - كۇنى تۇستەن كەيىن شي جينپيڭ اسكەري ىستەر كوميتەتىنىڭ باسشىلىق القاسىنداعىلاردى جانە ءارقايسى تاراۋلارداعى، ورىندارداعى نەگىزگى جاۋاپتى جولداستاردى باستاپ ۋاڭجياپيڭ توڭكەرىستىك كونە جۇرتىن ىزەت - قۇرمەتپەن كورۋدە. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

شينحۋا اگەنتتىگى، 6 - ايدىڭ 19 – كۇنى، يان – ان (ءتىلشى مەي چاڭۋەي). ورتالىق اسكەري ىستەر كوميتەتىنىڭ ساياسي قىزمەت ءماجىلىسى 6 – ايدىڭ 17 – كۇنىنەن 19 – كۇنىنە دەيىن شانشي يان - اندا اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: پارتيانىڭ ارمياعا مۇلدەمدىك باسشىلىعىندا تاباندى بولىپ، جاڭا داۋىردەگى ساياسيمەن ارميا قۇرۋ جالپى جوباسىن دايەكتىلەندىرىپ، تياناقتاندىرىپ، ساياسيمەن ارميا قۇرۋدىڭ ءداۋىر تالابىن مىقتاپ يگەرىپ، نازاردى ارميا قۇرۋدىڭ 100 جىلدىعى كۇرەس نىساناسىن جۇزەگە اسىرۋدان قامال الۋ شايقاسىن ويداعىداي جۇرگىزۋگە شوعىرلاندىرىپ، وزىنە تۇبەگەيلى توڭكەرىس جاساۋ رۋحىن ساۋلەلەندىرىپ، ساياسي رەتتەۋ - جاتتىقتىرۋدى ۇزدىكسىز تەرەڭدەتىپ، ساياسيدا بەرىك، قابىلەتى مىعىم پارتيا ۇيىمىن سومداپ، ادال، كىرشىكسىز، جاۋاپكەرشىلىك ارقالاي الاتىن، ارميانى قۇدىرەتتەندىرۋ اۋىر مىندەتىن ارقالاي الاتىن ساپالى كادرلار قوسىنىن شىڭداپ، ارميانى قۇدىرەتتەندىرۋ ىستەرىنە پارمەندى ساياسي قامتاماسىزدىق ازىرلەۋ كەرەك.

باۋتا تاۋىنىڭ ەتەگىندە، يانحى وزەنىنىڭ بويىندا توڭكەرىستىك قاسيەتتى جەر يان - ان جاسىل جەلەك جامىلىپ، تىرشىلىك تىنىسى جالىندادى. 6 - ايدىڭ 17 – كۇنى تۇستەن كەيىن ساعات 3 مولشەرىندە شي جينپيڭ اسكەري ىستەر كوميتەتىنىڭ باسشىلىق القاسىنداعىلاردى جانە ءارقايسى تاراۋلارداعى، ورىندارداعى نەگىزگى جاۋاپتى جولداستاردى باستاپ ۋاڭجياپيڭ توڭكەرىستىك كونە جۇرتىنا باردى. ۋاڭجياپيڭ 1937 - جىلى 8 – ايدان 1947 - جىلى 3 – ايعا دەيىن ورتالىق اسكەري ىستەر كوميتەتى تۇرعان جەر، يان - ان داۋىرىندەگى پارتيا ورتالىق كوميتەتى مەن ورتالىق اسكەري ىستەر كوميتەتىنىڭ ماڭىزدى شەشىم جاساۋ، قولباسشىلىق ەتۋ ورتالىعى. ورتالىق اسكەري ىستەر كوميتەتىنىڭ جيىن زالىندا شي جينپيڭ تۇسىندىرمەنى مۇقيات تىڭداپ، يان - ان داۋىرىندەگى كەلەلى شايقاستارعا قولباسشىلىق ەتۋ جاعدايى اڭىس ەتىلگەن تاريحي كەستەلەردى كورىپ، پارتيا ورتالىق كوميتەتى مەن ورتالىق اسكەري ىستەر كوميتەتىنىڭ باسشىلىق اقىل - پاراساتى مەن ونەرىن سەزىندى. شي جينپيڭ ماۋ زىدۇڭ، جوۋ ىنلاي، جۋ دى قاتارلى اعا بۋىن توڭكەرىسشىلەردىڭ كونە تۇراعىنا كەلىپ، اعا بۋىن توڭكەرىسشىلەردىڭ يان - انداعى توڭكەرىستىك كەشىرمەلەرىن قايتا ەسكە الىپ، ولاردىڭ سۇبەلى ەڭبەگىن ساعىنا ەسكە الدى. جولشىباي ”تاۋلين الاڭىن“ باسىپ ءوتتى، شي جينپيڭ شانشي، گانسۋ، نيڭشيا شەكارا رايونىنىڭ قوس قولداۋ قوزعالىسىن جاسامپازدىقپەن ورىستەتۋ جاعدايىن ۇعىسىپ، كوپشىلىكپەن بىرگە سول جىلدارداعى توڭكەرىستىك ۇمىتكەرلىك رۋحقا تولى جاۋىنگەرلىك تۇرمىستى ەسكە الدى. ورتالىق اسكەري ىستەر كوميتەتىنىڭ زالىندا شي جينپيڭ تاريحي سۋرەتتەردى زەر سالا كورىپ، كوپشىلىكپەن ىشكەرىلەي اڭگىمەلەسىپ، پارتيا ورتالىق كوميتەتى مەن ورتالىق اسكەري ىستەر كوميتەتىنىڭ بۇكىل ۇلتتىڭ جاپون شاپقىنشىلارىنا قارسى سوعىسى مەن ازاتتىق سوعىسىنا باسشىلىق ەتكەن شۇعىلالى بارىسىن ەسكە الدى. شي جينپيڭ بىلاي دەپ اتاپ كورسەتتى: 10 جىلدىڭ الدىندا ءبىز بۇكىل ارميانىڭ ساياسي قىزمەت ءماجىلىسىن گۋتيانعا بارىپ اشتىق، بۇگىن ءبىز يان - انعا كەلىپ اسكەري ىستەر كوميتەتىنىڭ ساياسي قىزمەت ءماجىلىسىن اشىپ، تاعى ءبىر رەت ءتۇپ توركىندى ىزدەپ وتىرمىز. جاڭا ءداۋىر، جاڭا جورىقتا مەملەكەتتى، ارميانى قۇدىرەتتەندىرۋدىڭ بولاشاعى نۇرلى، مىندەتى جاپالى. بۇكىل ارمياداعى جوعارى دارەجەلى كادرلار اۋەلگى ماقساتتى، بورىشتى ەستە بەرىك ساقتاپ، يان - ان رۋحىن باستاماشىلدىقپەن ساۋلەلەندىرىپ، توڭكەرىستىك شىڭدالۋدى باستاماشىلدىقپەن كۇشەيتىپ، پارتيا مەن حالىق جۇكتەگەن تاريحي اۋىر مىندەتتى ارقالاپ، قالىڭ كوماندير - جاۋىنگەرلەردى ىنتىماقتاستىرىپ جانە باستاپ، ارميا قۇرۋدىڭ 100 جىلدىعى كۇرەس نىساناسىن جۇزەگە اسىرۋدان قامال الۋ شايقاسىن ويداعىداي جۇرگىزىپ، ارميانى قۇدىرەتتەندىرۋ ىستەرىن ۇزدىكسىز العا ىلگەرىلەتۋى كەرەك.

وسىدان كەيىن شي جينپيڭ جۇڭگو يان - ان كادرلار شۋەيۋانىنا كەلىپ، قىزۋ قول شاپالاق ءۇنى ىشىندە ورتالىق اسكەري ىستەر كوميتەتىنىڭ ساياسي قىزمەت ماجىلىسىنە قاتىناسقان بارلىق ۋاكىلمەن ىقىلاسپەن كەزدەسىپ، كوپشىلىكپەن بىرگە سۋرەتكە ءتۇسىپ ەستەلىك قالدىردى.

شي جينپيڭ ماجىلىستە ماڭىزدى ءسوز سويلەدى. ول مىنالاردى اتاپ كورسەتتى: پارتيا 18 - قۇرىلتايىنان بەرى پارتيا ورتالىق كوميتەتى باتىل شەشىم جاساپ، گۋتيانداعى بۇكىل ارميانىڭ ساياسي قىزمەت ءماجىلىسىن اشىپ، ستيل دۇرىستاۋ رۋحى ارقىلى ساياسي رەتتەۋ - تاربيەلەۋدى ىلگەرىلەتىپ، پارتيانى جاپپاي قاتاڭ باسقارۋدان، ارميانى جاپپاي قاتاڭ باسقارۋدان اۋىتقىمادى، بەكىمنىڭ زور بولۋى بۇرىن - سوڭدى بولماعان، تەبىىنىڭ زور بولۋى بۇرىن - سوڭدى بولماعان جاڭا داۋىردە ساياسيمەن ارميا قۇرۋدا تاريحي تابىستارعا قول جەتكىزدى. ەگەر ساياسي جاقتاعى شىڭدالۋ بولماسا، جاڭا داۋىردەگى حالىق ارمياسىنىڭ ۇلى وزگەرىسىنىڭ بولۋى مۇمكىن ەمەس ەدى.

شي جينپيڭ بىلاي دەپ باسا دارىپتەدى: پارتيا 18 - قۇرىلتايىنان بەرى ءبىز ساياسيمەن ارميا قۇرۋ نازاريالىق ىزدەنىسىن جانە امالياتتىق جاسامپازدىعىن ىشكەرىلەي ىلگەرىلەتىپ، جاڭا داۋىردەگى ساياسيمەن ارميا قۇرۋ جالپى جوباسىن قالىپتاستىرىپ، ساياسيمەن ارميا قۇرۋ − حالىق ارمياسىنىڭ ارميا قۇرۋىنىڭ نەگىزى ەكەنىن ايقىنداپ، ساياسي قىزمەتتىڭ ماڭگى ارميامىزدىڭ جان تامىرى ەكەنىن ايقىنداپ، ساياسي رەتتەۋ - جاتتىعۋدا ساياسي جاقتا تۇبىرىنەن وڭاۋدى كورنەكتىلەندىرىپ، يدەيالىق باسشىلىقتى يگەرۋ − بارلىق باسشىلىقتى يگەرۋدىڭ نەگىزى ەكەنىن ايقىنداپ، پارتيانىڭ كۇش - قۋاتىنىڭ ۇيىمنان، اسكەري ءبولىمنىڭ ۇيىسۋ قۋاتىنان، جاۋىنگەرلىك قۋاتىنان كەلەتىنىن ايقىنداپ، مىلتىقتىڭ باستان - اياق پارتياعا ادال، سەنىمدى ادامداردىڭ قولىندا بولۋى كەرەكتىگىن ايقىنداپ، قاتاڭ بولعاندا عانا دۇرىس ءتارتىپ ورناتۋعا، قاتاڭ بولعاندا عانا ارميانىڭ ايباتىن قاتايتۋعا، قاتاڭ بولعاندا عانا جاۋىنگەرلىك قۋاتتى ارتتىرۋعا بولاتىنىن ايقىنداپ، ارميادا شىرىكتەسكەن ەلەمەنتتەردىڭ جاسىرىناتىن جەرى بولماۋ كەرەكتىگىن ايقىنداپ، ستيلى تاماشا بولعاندا عانا قاھارمان اسكەري ءبولىمدى سومداۋعا، ارميا مەن ۇكىمەت، ارميا مەن حالىق ىنتىماعى ارميامىزدىڭ جەڭىسكە جەتۋىنىڭ اسىلى ەكەنىن ايقىندادىق. جاڭا داۋىردەگى ساياسيمەن ارميا قۇرۋ جالپى جوباسىن جاپپاي، دۇرىس ۇيرەنىپ، ءتۇسىنىپ، بۇلجىماي دايەكتىلەندىرۋ، تياناقتاندىرۋ ءارى اماليات بارىسىندا ۇزدىكسىز بايىتۋ، دامىتۋ كەرەك.

شي جينپيڭ بىلاي دەپ اتاپ كورسەتتى: قازىر دۇنيە جۇزىندە، مەملەكەت جاعدايىندا، پارتيا جاعدايىندا، ارميا جاعدايىندا تۇگەلدەي كۇردەلى دە تەرەڭ وزگەرىستەر تۋىلۋدا، ارميامىز ساياسي جاقتا ءدوپ كەلگەن سىناقتار قىم - قۋىت، كۇردەلى بولىپ وتىر. ساياسيمەن ارميا قۇرۋ ءداۋىر تالابىن مىقتى يگەرىپ، ساياسيمەن ارميا قۇرۋدى ءبىر ءسات تە توقتاتپاي، حالىق ارمياسىنىڭ سيپاتى مەن ماقساتىنا كەپىلدىك ەتىپ، باستان - اياق باتىلدىقپەن شايقاس جاساپ، باستان - اياق ىنتىماقتاسا كۇرەس جۇرگىزىپ، باستان - اياق دارىندىلار توپ - توبىمەن جارىققا شىعىپ، باستان – اياق كىرشىكسىز بولىپ، داڭقتى ساقتاپ، باستان - اياق زاڭ - تارتىپتە قاتاڭ بولىپ، جاڭا ءداۋىر شارت - جاعدايىندا ارميامىزدىڭ ساياسي ابزالدىعىن ۇزدىكسىز كۇشەيتۋ كەرەك.

شي جينپيڭ قازىرگى ساياسيمەن ارميا قۇرۋدا شەشۋگە ءتيىستى تەرەڭ قاتپارلى قايشىلىقتار مەن ماسەلەلەرگە ىشكەرىلەي تالداۋ جاسادى. ول بىلاي دەپ باسا دارىپتەدى: بۇل ماسەلەلەر ساياسي، يدەيا، ۇيىم، ستيل، ءتارتىپ سياقتى جاقتاردا بەينەلەنەدى، ونىڭ تامىرى مۇرات - سەنىم، پارتيالىلىق تاربيەلەنۋ، ءمانساپ ءمورالى، ادامدىق قاسيەت جاعىندا. ءار دارەجەلى، وتە - موتە، جوعارى دارەجەلى كادرلار ءوزىن دۇرىس مەڭگەرىپ، بەت - بەدەلمەن ەسەپتەسپەي كەمشىلىكتى اشىپ، ءوزىن اشكەرەلەۋدەن تايىنباۋ باتىلدىعىن كورسەتىپ، ءتۇپ تامىردى تەرەڭ قازىپ، جان دۇنيەسىنە اسەر ەتۋ پوزيتسياسىمەن تەرەڭ تولعانىپ، مۇقيات وڭاپ - تۇزەتىپ، يدەيالىق تامىرداعى ماسەلەلەردى ويداعىداي شەشىپ، ارميانى ساياسي جاقتان قۇرۋدىڭ تەرەڭدەۋىن، ناقتىلانۋىن ىلگەرىلەتۋى كەرەك.

شي جينپيڭ بىلاي دەپ اتاپ كورسەتتى: جاڭا جورىقتا ساياسيمەن ارميا قۇرۋدى ىلگەرىلەتۋدە 6 جاقتاعى ءتۇيىندى قىزمەتتى ويداعىداي يگەرۋ كەرەك. ءبىرىنشى، يدەيانى وزگەرتۋ سانالىلىعى مەن دايەكتىلىگىن كۇشەيتۋ كەرەك. پارتيانىڭ جاڭالىق اشۋ نازارياسىمەن قارۋلانۋدى ۇزدىكسىز مىقتى يگەرىپ، ءتۇپ نۇسقانى وقۋدا، ءتۇپ نۇسقانى ۇيرەنۋدە، قاعيدانى تۇسىنۋدە، ۇيرەنۋدى، وي جۇگىرتۋدى، قولدانۋدى ساباقتاستىرۋدا، ءبىلۋدى، سەنىمدى، ارەكەتتى بىرلىككە كەلتىرۋدە، جوعارى دارەجەلى كادرلاردىڭ الدىمەن تاربيەلەنۋىندە تاباندى بولىپ، ارميامىزدىڭ يدەيالىق - ساياسي تاربيە جۇيەسىنىڭ تياناقتانۋىن ىلگەرىلەتىپ، ۇيرەنۋ جەتىستىكتەرىن ءىس جۇزىندىك ونىمدىلىكپەن سىننان وتكىزۋدىڭ بەتالىسىن بەكەمدەۋ كەرەك. ەكىنشى، پارتيا ۇيىمىنىڭ باسشىلىق قابىلەتىن، ۇيىمداستىرۋ قابىلەتىن، اتقارۋ قابىلەتىن جوعارىلاتۋ كەرەك. ساياسي تۇجىرىمداۋ قابىلەتىن، ساياسي اڭعارۋ قابىلەتىن، ساياسي اتقارۋ قابىلەتىن كۇشەيتىپ، سوعىسقا دايىندالۋ، سوعىس جۇرگىزۋ قابىلەتىن جوعارىلاتىپ، پارتيانىڭ باسشىلىعىن سوعىسقا دايىندالۋدىڭ، سوعىس جۇرگىزۋدىڭ ءار سالاسىنا جانە تۇتاس بارىسىنا ءسىڭىرۋ كەرەك. دەموكراتيالىق ورتالىقتاندىرۋ ءتۇزىمىن قاتاڭ تياناقتاندىرىپ، پارتكومنىڭ كەڭەسۋ، شەشىم جاساۋ ەرەجەسىن ساپالىلاندىرىپ، كەلەلى شەشىمدەرگە كەڭەس بەرۋ، باعالاۋ قىزمەتىن كۇشەيتۋ كەرەك. پارتكوم شۋجيلەرىنىڭ پارتيانى باسقارۋ، پارتيانى جونگە سالۋداعى ءبىرىنشى جاۋاپتى ادام بولۋ جاۋاپكەرشىلىگىن كۇشەيتۋ كەرەك. ءۇشىنشى، كادرلار قوسىنى قۇرىلىسىن كۇشەيتۋ كەرەك. جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرىپ، ارميانىڭ جاقسى كادر ولشەمىن تولىق، دۇرىس ءتۇسىنىپ، يگەرىپ، وسى ولشەمدى كادرلار قىزمەتىنىڭ ءارقايسى بۋىنىندا جاپپاي تياناقتاندىرۋ كەرەك. كادرلاردى باعالاۋ قىزمەتىن جاقسارتىپ، ءىستى ءبىلۋ، ادامدى تانۋ دالدىگىن جوعارىلاتۋ كەرەك. تۇتاس تىزبەك بويىنشا قۇرىلىس جۇرگىزۋ تانىمىن دايەكتىلەندىرىپ، دارىندىلاردى باۋلۋدى ستراتەگيالىق مىندەت رەتىندە يگەرىپ، كادرلار قوسىنى قۇرىلىسىنىڭ جالپى تۇلعالىق ونىمدىلىگىن جوعارىلاتۋ كەرەك. ءتورتىنشى، شىرىكتەسۋدى تۋدىراتىن ورتا مەن شارت - جاعدايدى الاستاۋ كەرەك. قاتاڭ نەگىزگى اۋەننەن اۋىتقىماۋدا تاباندى بولىپ، ۇستىنەن وڭاۋ مەن تۇبىرىنەن وڭاۋدى قاتار يگەرىپ، جۇيەلى جونگە سالىپ، پارتكومنىڭ تۇلعالىق جاۋاپكەرشىلىگىن، ءتارتىپ تەكسەرۋ كوميتەتىنىڭ باقىلاۋ جاۋاپكەرشىلىگىن، كاسىپ سالالارىنىڭ، تاراۋلاردىڭ پاكتىك جاعىنداعى باسقارۋ جاۋاپكەرشىلىگىن ۇلاستىرىپ، ناقتىلاندىرىپ، شىرىكتەسۋگە قارسى تۇرۋ كۇرەسىنىڭ تەرەڭدىگىن، كەڭدىگىن كەڭەيتۋ كەرەك. ۇقىقتى ورنالاستىرۋ مەن جۇرگىزۋدى تەجەۋ مەحانيزمىن كەمەلدەندىرىپ، جاڭاشا شىرىكتەسۋ مەن كومەسكى شىرىكتەسۋدى جازالاۋ قۇرال - سايمان ساندىعىن بايىتىپ، جوعارى دارەجەلى كادرلاردىڭ مىندەت وتەپ، ۇقىق جۇرگىزۋىن جان - جاقتى باقىلاۋ - باسقارۋدى كۇشەيتۋ كەرەك. بەسىنشى، ءىس ءبىتىرىپ، ناتيجە جاراتۋ رۋحاني كۇيىن سەرپىلتۋ كەرەك. قىزمەت ناتيجەسىن باعالاۋدىڭ عىلمي جۇيەسىن ورناتىپ، فورماشىلدىق، تورەشىلدىك ماسەلەلەرىن انىقتاۋدى اناعۇرلىم يكەمدىلەندىرىپ، ”بەس كوپ بولۋدى“ ىشكەرىلەي تۇزەتىپ، نەگىزگى ساتىنىڭ اۋىرتپالىعىن جەڭىلدەتۋ كەرەك. اسكەريلەردىڭ مامىلەسىن قامتاماسىز ەتۋ سياقتى ساياسات - تۇزىمدەردى تياناقتاندىرۋدى ”ەڭ سوڭعى ءبىر شاقىرىمعا“ دەيىن ىركىلىسسسىزدەندىرىپ، نەگىزگى ساتىنىڭ قيىنشىلىعىن شىنايى شەشىپ، قيىنشىلىعى بارلارعا كومەكتەسىپ، كوماندير - جاۋىنگەرلەردىڭ تابىس سەزىمى مەن ۇيىمدىق تاۋەلدىلىك سەزىمىن كۇشەيتۋ كەرەك. التىنشى، ساياسي قىزمەتتىڭ تاڭداۋلى ءداستۇرىن قالپىنا كەلتىرۋ جانە ساۋلەلەندىرۋ كەرەك. شىندىقتى ءىس جۇزىنەن ىزدەۋدە تاباندى بولىپ، ءوز باسىنان ونەگە كورسەتۋ، ءار دارەجەلى، وتە - موتە، جوعارى دارەجەلى كادرلار ءوزى ونەگە بولىپ، باستاماشىلدىقپەن ۇلگى كورسەتىپ، ىسىلعان ستيل جانە وبراز ارقىلى اسكەري ءبولىمدى باۋراۋ، جەتەكتەۋ كەرەك.

شي جينپيڭ بىلاي دەپ باسا دارىپتەدى: ساياسي ارقىلى ارميا قۇرۋدى ىلگەرىلەتۋ − بۇكىل ارميانىڭ ورتاق جاۋاپكەرشىلىگى، اسكەري ىستەر كوميتەتى ءبىر تۇتاس باسشىلىقتى كۇشەيتۋ كەرەك، اسكەري ىستەر كوميتەتىنىڭ ساياسي قىزمەت ءبولىمى، ءتارتىپ تەكسەرۋ كوميتەتى، ساياسي - زاڭ كوميتەتى سايكەسۋدى، سەلبەسۋدى كۇشەيتۋ كەرەك، ورىندار، تاراۋلار مىندەت اتقارىپ، جاۋاپكەرشىلىكتى ادا ەتىپ، ساياسيمەن ارميا قۇرۋدىڭ جاڭا جاعدايىن قۇلشىنا اشىپ، پارتيامىز باسشىلىق ەتكەن وسى قاھارمان ارميانى اناعۇرلىم شىڭداپ، كۇشەيتىپ، ارميا قۇرىلعانىنىڭ 100 جىلدىعىن ۇزدىك ناتيجەلەرمەن قارسى الۋ كەرەك.

ورتالىق اسكەري ىستەر كوميتەتىنىڭ وسى رەتكى ساياسي قىزمەت ءماجىلىسىن شي جينپيڭ ءوزى شەشىم جاساپ اشتى. ءماجىلىس شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى ارقاۋ ەتىپ، جاڭا ءداۋىر، جاڭا جورىقتا ساياسيمەن ارميا قۇرۋدى ىلگەرىلەتۋگە قاتىستى كەلەلى ماسەلەلەر جونىندە زەرتتەۋ جۇرگىزىپ، ورنالاستىرۋ جاسادى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارلارى جاڭ يوۋشيا، حى ۋەيدۇڭ، ورتالىق اسكەري ىستەر كوميتەتىنىڭ مۇشەلەرى ليۋ جىنلي، مياۋ حۋا، جاڭ شىڭمين ماجىلىسكە قاتىناستى. اسكەري ىستەر كوميتەتى ورگانىنداعى ءارقايسى مينيسترلىك، كوميتەتتەردىڭ، اسكەري ىستەر كوميتەتىنە توتە قاراستى قۇرىلىمداردىڭ، اسكەري ىستەر كوميتەتى بىرىككەن سوعىس قولباسشىلىق ورتالىعىنىڭ، ءارقايسى سوعىس رايونىنىڭ، ءارقايسى ارميا جانە اسكەر تۇرلەرىنىڭ، اسكەري ىستەر كوميتەتىنە توتە قاراستى ورىنداردىڭ، قارۋلى ساقشى بولىمدەرىنىڭ نەگىزگى جاۋاپتى جولداستارى قاتارلىلار ماجىلىسكە قاتىناستى.

كەلۋ قاينارى: حالىق تورابى