شينجياڭدا 2024 – جىلعى جاي جوعارى مەكتەپ ەمتيحانىنىڭ ناتيجەسى 6 – ايدىڭ 25 – كۇنى ساعات 18 دە جاريالانادى 

شينجياڭ ۇيعۇر اۆتونوميالى رايونىندا 2024 – جىلعى جاي جوعارى مەكتەپ ەمتيحانىنىڭ ناتيجەسى 6 – ايدىڭ 25 – كۇنى ساعات 18 دە جاريالانادى. سول كەزدە، ەمتيحان بەرگەن وقۋشىلار ەمتيحان كۋالىگىنىڭ ءنومىرى، ازاماتتىق كۋالىك ءنومىرى جانە جوعارى مەكتەپكە ەمتيحان بەرۋگە تىزىمدەلۋ جۇيەسىنىڭ قۇپيا ءنومىرى ارقىلى مىناداي ارنالاردان ءوزىنىڭ جوعارى مەكتەپ ەمتيحانىنداعى ناتيجەسى مەن رەتىن سۇراستىرا الادى.

1. شينجياڭ ۇيعۇر اۆتونوميالى رايوندىق وقۋ – اعارتۋ جانە ەمتيحان ىستەرى مەكەمەسىنىڭ رەسمي تورابى: https://www.xjzk.gov.cn. ەمتيحان بەرگەن وقۋشىلار وسى توراپقا كىرگەن سوڭ، ”الەۋمەتتىك قىزمەت وتەۋ زالى“ دەگەن ايدارشادان ”ناتيجەنى سۇراستىرۋ“ دەگەندى تاڭداپ، ”شينجياڭدا جاي جوعارى مەكتەپ ەمتيحانىنىڭ ناتيجەسىن سۇراستىرۋ“ جۇيەسى ارقىلى سۇراستىرا الادى.

2. شينجياڭ ۇيعۇر اۆتونوميالى رايوندىق وقۋ – اعارتۋ مەڭگەرمەسىنىڭ رەسمي تورابى: https://jyt.xinjiang.gov.cn.

3. شينجياڭ اكىمشىلىك ىستەر جاعىندا قىزمەت وتەۋ تورابى:

https://zwfw.xinjiang.gov.cn.

4. شينجياڭ ۇيعۇر اۆتونوميالى رايوندىق وقۋ – اعارتۋ جانە ەمتيحان ىستەرى مەكەمەسىنىڭ بايدۋداعى رەسمي قولدانىلمالى شاعىن پروگرامماسى: بايدۋ App كليەنتىدە ”شينجياڭ وقۋ – اعارتۋ جانە ەمتيحان ىستەرى مەكەمەسى“ (新疆教育考试院) دەپ ىزدەپ، شينجياڭ وقۋ – اعارتۋ جانە ەمتيحان ىستەرى مەكەمەسىنىڭ رەسمي قولدانىلمالى شاعىن پروگرامماسىنا كىرىپ سۇراستىرۋعا بولادى.

5. انار بۇلت كليەنتى: ناتيجە جاريالانعان كۇنى، انار بۇلت App كليەنتىنىڭ باستى بەتىنەن ”شينجياڭدا جاي جوعارى مەكتەپ ەمتيحانىنىڭ ناتيجەسىن سۇراستىرۋ“ (新疆普通高考成绩查询) جۇيەسىنە كىرىپ سۇراستىرۋعا بولادى.

جوعارى مەكتەپ ەمتيحانىنىڭ ناتيجەسى جاريالانعان سوڭ، ەمتيحان بەرگەن وقۋشىلار وزدەرىنىڭ ەمتيحان ناتيجەسى جونىندە كۇماندى بولسا، 6 – ايدىڭ 26 – كۇنىنەن 6 – ايدىڭ 30 – كۇنىنە دەيىن، ەمتيحانعا تىزىمدەلگەن ورتا مەكتەپتەن نەمەسە ەمتيحانعا تىزىمدەلگەن جەردەگى وقۋ – اعارتۋ جانە ەمتيحان ىستەرى قۇرىلىمدارىنان «2024 – جىلعى اۆتونوميالى رايونداعى جاي جوعارى مەكتەپ ەمتيحانىنىڭ ناتيجەسىن قايتا قاراۋدى ءوتىنىش ەتۋ كەستەسىن» الۋعا ءوتىنىش بەرىپ، ءتارتىپ بويىنشا قايتا قاراۋدى ءوتىنىش ەتۋىنە بولادى. قايتا قاراۋ ناتيجەسى وقۋشى تىزىمدەلگەن ورتا مەكتەپ نەمەسە تىزىمدەلگەن جەردەگى وقۋ – اعارتۋ جانە ەمتيحان ىستەرى قۇرىلىمدارى ارقىلى ەمتيحانعا تىزىمدەلگەن وقۋشىعا اڭىس ەتىلەدى.

اۆتونوميالى رايوندىق وقۋ – اعارتۋ جانە ەمتيحان ىستەرى مەكەمەسى مىنانى ەسكەرتەدى: ەمتيحان بەرگەن بارشا وقۋشىلار مەن ولاردىڭ اتا – انالارى جەكەلىك ينفورماتسياسىن جاقسى ساقتاعانى ءجون، ەگەر جوعارى مەكتەپ ەمتيحانىنا تىزىمدەلۋ جۇيەسىنە تىركەلگەن قۇپيا ءنومىردى ۇمىتىپ قالسا، ەمتيحانعا تىزىمدەلگەن ورتا مەكتەپتىڭ جۇيەنى باسقارۋشىسىمەن بايلانىس جاساۋى قاجەت.

كەلۋ قاينارى: حالىق تورابى