ەلەكتروندىق تارازى ارقىلى قارالىق ىستەۋگە قاتاڭ تيىم سالىنادى 

شينحۋا اگەنتتىگىنىڭ ءتىلشىسى جاۋ ۋىنجۇن 6 – ايدىڭ 20 – كۇنى بەيجيڭنەن حابارلايدى. تارازىمەن زات ولشەگەندە قارالىق ىستەۋدى قاتاڭ تەجەۋ ءۇشىن، بازاردى باقىلاۋ – باسقارۋ باس مەكەمەسى 6 – ايدىڭ 20 – كۇنى «ەلەكتروندىق باعا ەسەپتەيتىن تارازىمەن ولشەگەندە قارالىق ىستەۋگە قاتاڭ تيىم سالۋ جونىندەگى ۇقتىرۋدى (پىكىر الىناتىن نۇسقا)» جاريالاپ، قوعامداعىلاردان اشىق تۇردە پىكىر قابىلداعان، پىكىر قابىلداۋ مەرزىمى ءبىر اي.

پىكىر قابىلدايتىن نۇسقادا ەلەكتروندىق تارازىنى ءوندىرۋ، ساتۋ، جوندەۋ، پايدالانۋ، باسقارۋ قاتارلى ىستەردى جۇيەگە تۇسىرگەن، ءتۇرلى تۇيىندەردە تيىم سالىناتىن ىستەر ايقىن تۇراقتاندىرىلىپ، ءارقايسى جاقتاردىڭ جاۋاپكەرشىلىگى مەن باسقارۋعا قويىلاتىن تالاپتار كۇشەيتىلگەن.

ءوندىرۋشى جاققا باعىتتاي وتىرىپ، بەكىتۋدەن وتپەگەن تيپتەگى ەلەكتروندىق تارازىلاردى وندىرۋگە قاتاڭ تيىم سالعان، بەكىتۋدەن وتكەن تيپتەگى تارازىنى قالاعانىنشا وزگەرتۋگە، زاڭسىز وزگەرتۋگە ”وڭاي جول قالدىرۋعا“ قاتاڭ تيىم سالعان؛ ساتۋشى جاققا باعىتتاي وتىرىپ، زاۆود اتى جازىلماعان، زاۆود ءادىرىسى جازىلماعان، ولشەمى مەن تۇرپاتى جازىلماعان، تيپىنىڭ بەكىتۋدەن وتكەنىن ىسپاتتايتىن بەلگى مەن ءنومىر جازىلماعان، تولىمدىلىق بەلگىسى جوق، كەمەلدى قورعاسىن بەكىتپەسى جوق ت.ب. ەلەكتروندىق تارازىلاردى ساتۋعا قاتاڭ تيىم سالعان، قارالىق ىستەۋ ەرەكشەلىگىنە يە تارازىلاردى ساتۋعا قاتاڭ تيىم سالعان؛ جوندەۋشى جاققا باعىتتاي وتىرىپ، ەلەكتروندىق تارازىنى زاڭ – تۇزىمگە قايشى تۇردە جوندەۋگە، وزگەرتۋگە جانە وزگەرتۋگە تەحنيكالىق جاقتان قىزمەت وتەۋگە قاتاڭ تيىم سالعان؛ پايدالانۋشى جاققا باعىتتاي وتىرىپ، تەكسەرىپ بەكىتۋدەن وتپەگەن، تەكسەرۋدە تولىمسىز بولعان، تەكسەرىپ بەكىتۋ ۋاقىت شەگىنەن اسىپ كەتكەن، تەكسەرۋدە تولىمدى بولعان بەلگىسى جوق، سونداي – اق، ”قارالىق ىستەۋ“ فۋنكتسياسى بار ەلەكتروندىق تارازىنى ساتۋعا قاتاڭ تيىم سالعان، ەلەكتروندىق تارازى ارقىلى باعا ەسەپتەۋدە قارالىق ىستەۋگە، تۇتىنۋشىلاردى الداۋعا قاتاڭ تيىم سالعان؛ باسقارۋشى جاققا باعىتتاي وتىرىپ، بازاردى ۇيىمداستىرۋشىلاردىڭ ولشەۋدى باسقارۋ جاۋاپكەرشىلىگىن اتقارماۋىنا قاتاڭ تيىم سالعان، مۇندا ولشەۋدى باسقارۋ ءتۇزىمىن بەلگىلەمەۋ، دۇرىس ولشەيتىن تارازى ورنالاستىرماۋ، ءماجبۇرلى تۇردە تەكسەرىپ بەكىتكەن ەلەكتروندىق تارازىنى پايدالانۋ جاعدايىن تىركەۋگە الماۋ جانە تىزىمدىك جاساماۋ قاتارلىلار قامتىلادى.

كەلۋ قاينارى: حالىق تورابى