چيڭحاي - شيزاڭ ءۇستىرتىنىڭ ەكولوگياسىن قورعاۋدى جانە جوعارى ساپالى دامۋىن ۇزدىكسىز ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ چيڭحاي داستانىن قۇلشىنا جازۋ كەرەك

6 – ايدىڭ 18 – كۇنىنەن 19 – كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چيڭحايدا قىزمەت تەكسەردى. سۋرەتتە: 6 - ايدىڭ 18 - كۇنى تۇستەن كەيىن شي جينپيڭ گولوشينيڭ ۇلتتىق ورتا مەكتەبىندە قىزمەت تەكسەرگەن كەزدە وقىتۋشى - وقۋشىلارمەن ىقىلاسپەن اڭگىمەلەسۋدە. سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

6 – ايدىڭ 18 – كۇنىنەن 19 – كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چيڭحايدا قىزمەت تەكسەردى. سۋرەتتە: 6 - ايدىڭ 18 - كۇنى تۇستەن كەيىن شي جينپيڭ شينيڭ قالاسى چىڭجۇڭ رايونىنداعى حۇڭجۋە بۇتحاناسىندا قىزمەت تەكسەرۋدە. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 6 – ايدىڭ 20 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا چيڭحايدا قىزمەت تەكسەرگەندە بىلاي دەپ باسا دارىپتەدى: چيڭحاي پارتيا ورتالىق كوميتەتىنىڭ شەشىم - ورنالاستىرۋلارىن مۇقيات دايەكتىلەندىرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، چيڭحايدىڭ بۇكىل ەلدىڭ دامۋ جالپى جاعدايىنداعى ستراتەگيالىق ورنىن مىقتاپ يگەرىپ، ءوز باسىمدىعىن تولىق ساۋلەلەندىرىپ، رەفورمانى تەرەڭدەتۋدە، ەسىك اشۋدى كەڭەيتۋدە تاباندى بولىپ، ەكولوگيانى الدىمەن ەسكەرۋدە، جاسىل دامۋدا تاباندى بولىپ، ۇلتتار ىنتىماعىندا، بىرگە اۋقاتتانۋدا تاباندى بولىپ، چيڭحاي - شيزاڭ ءۇستىرتىنىڭ ەكولوگياسىن قورعاۋدى جانە جوعارى ساپالى دامۋىن ىلگەرىلەتۋدە اناعۇرلىم زور ىلگەرىلەۋشىلىككە قول جەتكىزىپ، جۇڭگو ۇلگىسىندەگى وسىزامانداندىرۋدىڭ چيڭحاي داستانىن قۇلشىنا جازۋى كەرەك.

شي جينپيڭ 6 - ايدىڭ 18 – كۇنىنەن 19 – كۇنىنە دەيىن چيڭحاي ولكەلىك پارتكومنىڭ شۋجيى چىن گاڭ مەن ولكە باستىعى ۋ شياۋجۇننىڭ سەرىك بولۋىندا شينيڭ قالاسىنداعى مەكتەپتەرگە، ءدىني ورىندارعا بارىپ تەكسەرۋ - زەرتتەۋ جۇرگىزدى.

6 – ايدىڭ 18 – كۇنى تۇستەن كەيىن شي جينپيڭ الدىمەن گولوشينيڭ ۇلتتىق ورتا مەكتەبىنە كەلىپ قىزمەت تەكسەردى. بۇل − گولو زاڭزۋ اۆتونوميالى وبىلسىنا قاراستى جاتاقتى ورتا مەكتەپ، شاڭحاي قالاسى قارجى قوسىپ كومەكتەسىپ سالىپ بەرگەن. شي جينپيڭ شاڭحاي قاتارلى شىعىس بولىك وڭىرلەردىڭ چيڭحايدىڭ وقۋ - اعارتۋىنا كومەكتەسۋ قىزمەتى جانە مەكتەپ قۇرىلىسى جاعدايى جونىندەگى تانىستىرۋدى تىڭداپ، وقۋشىلاردىڭ قۇرىلىمى، ساباق ورنالاستىرۋ، دەنە شىنىقتىرۋ، پۋتۇڭحۋا ورەسى سياقتى جاعدايلاردى ەگجەي - تەگجەيلى سۇراستىرىپ، اسحاناعا، جاتاقحانا عيماراتىنا كىرىپ، وقۋشىلاردىڭ تاماقتانۋ جانە جاتاق شارت - جاعدايىن كوردى، اسحانا قىزمەتكەرلەرىنە، ءسوز جوق، وقۋشىلاردىڭ اس - سۋ حاۋىپسىزدىگىنە، قورەكتىگىنىڭ، ءدامىنىڭ جاقسى بولۋىنا شىنايى كەپىلدىك ەتۋدى تاپسىردى. وسىدان كەيىن ول ورتا مەكتەپ 1 - جىلدىق 1 - كلاسىنىڭ ساباقحاناسىنا كەلىپ، ”جاڭا ءداۋىر، جاڭا اۋىل“ نەگىزگى تاقىرىپتىق يدەيا - ساياسي ساباعىن كوزدەن كەشىردى. مەكتەپتىڭ يدەيا - ساياسي نازاريا ساباعى مازمۇنىن كۇندەلىكتى وقىتۋعا سىڭىرگەنىن ۇعىسىپ، بالالاردىڭ جاڭا داۋىردەگى اتا مەكەنىندەگى قۋانارلىق وزگەرىستەردى اڭگىمەلەگەنىن ەستىپ، بالالاردىڭ سۋرەتتەرىن كورگەن شي جينپيڭ قاباعات قۋاندى. ول بىلاي دەدى: وقۋ - اعارتۋدى قامتىعان شىعىس، باتىس بولىكتەردىڭ سەلبەستىگى مەن باعىتتامالى كومەكتەسۋى كورنەكتى ونىمدىلىككە قول جەتكىزىپ، جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليستىك ءتۇزىمنىڭ ابزالدىعىن، جۇڭحۋا ۇلتى ۇلى شاڭىراعىنىڭ مەيىرىن تولىق ايگىلەدى. جۇڭحۋا ۇلتى ورتاق تۇلعا تانىمىن سومداۋدى مەكتەپتىڭ يدەيا - ساياسي نازاريا ساباعىنىڭ ءبىر ماڭىزدى ءتۇيىنى ەتىپ، جۇڭگو كوممۋنيستىك پارتياسى مەن جۇڭگوشا سوتسياليزم حيكاياسىن ويداعىداي بايانداپ، جاڭا داۋىردە جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ حيكاياسىن ويداعىداي بايانداپ، جۇڭحۋا ۇلتى ورتاق تۇلعاسى مەن ۇلتتار ىنتىماعى، العاباسارلىعى حيكاياسىن جاقسى بايانداپ، جۇڭحۋا ۇلتى ورتاق تۇلعا تانىمىن كىشكەنتايىنان بالالاردىڭ كوكەيىنە ۇيالاتۋ كەرەك.

وقىتۋ عيماراتىنىڭ الدىنداعى الاڭدا وقىتۋشى - وقۋشىلار تۇس - تۇستان قاۋمالاي كەلىپ، ءور داۋىسپەن باس شۋجيگە امانداستى. شي جينپيڭ كوپشىلىككە شىن ىقىلاسپەن بىلاي دەدى: مەن شينيڭگە العاش ات باسىن بۇرعاندا مۇعالىمدەرگە جانە وقۋشىلارعا امانداسا كەلدىم. شاڭحاي كومەكتەسىپ سالعان وسى ورتا مەكتەپتىڭ گولو مال شارۋاشىلىق رايونىنان كەلگەن ءار ۇلت بالالارىن تاربيەلەۋىنىڭ ناتيجەسى كورنەكتى، ءمانى تەرەڭ. بالالاردىڭ بۇل ارانىڭ تاماشا شارت - جاعدايىن بارىنشا قاستەرلەپ، العىس سەزىمىندە بولىپ، جاقسى ۇيرەنىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى دامىپ، جۇڭگوشا سوتسياليزم ىستەرىنىڭ ءىزباسارلارى مەن قۇرىلىسشىلارى بولۋعا بەل بايلاپ، وزىنە تاماشا وراي جاراتۋعا قۇلشىنۋىن ءۇمىت ەتەمىن. ول بالالاردىڭ وقۋىنىڭ ناتيجەلى بولۋىن، اقاۋسىز ەسەيىپ - ەرجەتۋىن تىلەدى.

وسىدان كەيىن شي جينپيڭ شينيڭ قالاسى چىڭجۇڭ رايونىنداعى حۇڭجۋە بۇتحاناسىنا كەلدى. بۇتحانانىڭ الدىڭعى اۋلاسىندا حۇڭجۋە بۇتحاناسى دەموكراتيالىق باسقارۋ كوميتەتىنىڭ جاۋاپتىسى باس شۋجيگە حادا ۇسىندى، موناحتار تۇتاندىرعىش پەش قويىپ، باس شۋجيدى قارسى الدى. شي جينپيڭ چيڭحاي ولكەسىنىڭ ۇلتتار ىنتىماعى، العاباسارلىعى تاربيە بازاسى كورمەسىن ەكسكۋرسيالاپ، بۇتحانالاردىڭ تاريحي وزگەرىستەرىن، اعا بۋىن توڭكەرىسشىلەردىڭ ۇلت قىزمەتى مەن ءدىن قىزمەتىن ىلگەرىلەتۋگە كوڭىل ءبولۋ جاعدايىن ۇعىستى. ول ۇلكەن زالعا كىرىپ، بۇتحانالاردىڭ كۇندەلىكتى باسقارۋدى كۇشەيتۋ، ۇلتتار ىنتىماعى، العاباسارلىعىن جەبەۋ سياقتى جاعدايلار جونىندەگى تانىستىرۋدى تىڭدادى. شي جينپيڭ بىلاي دەپ اتاپ كورسەتتى: حۇڭجۋە بۇتحاناسى سىندى مىڭ جىلدىق بايىرعى بۇتحانا تاريحتان بەرگى ورتالىق ۇكىمەت پەن زاڭزۋلار اراسىندا تارالعان بۇددا ءدىنىنىڭ بايلانىسىن كۇشەيتۋ جاعىندا ماڭىزدى كوپىرلىك، دانەكەرلىك رول اتقاردى. وسى باعالى تاريحي مادەنيەت مۇراسىن ويداعىداي قورعاپ، جۇڭحۋا ۇلتى ورتاق تۇلعا تانىمىن بەرىك ورناتۋعا، ۇلتتار ىنتىماعىن، العاباسارلىعىن جەبەۋگە تىڭ ۇلەس قوسۋ كەرەك. اعا بۋىن توڭكەرىسشىلەردەن ۇيرەنىپ، جاڭا داۋىردەگى پارتيانىڭ بىرلىكساپ قىزمەتىن، ۇلت قىزمەتىن، ءدىن قىزمەتىن اناعۇرلىم جاقسى ىستەۋ كەرەك. شي جينپيڭ بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ بۇكىل ەلدەگى ءار ۇلت حالقىنىڭ، جۇيەدەن دىنگە سەنەتىن قالىڭ بۇقارانىڭ ىنتىماقتاسا كۇرەس جۇرگىزۋىن قاجەت ەتەدى. چيڭحاي زاڭزۋلار اراسىندا تارالعان بۇددا ءدىنى سالاسىنىڭ وتاندى ءسۇيۋ، ءدىندى ءسۇيۋ تاڭداۋلى ءداستۇرىن ساۋلەلەندىرىپ، ءدىننىڭ جاراسىمدىلىعىن، قوعامنىڭ جاراسىمدىلىعىن، ۇلتتاردىڭ جاراسىمدىلىعىن جەبەپ، جۇڭگو ۇلگىسىندەگى وسىزامانداندىرۋ بارىسىندا بەلسەندى رول اتقارۋىن ءۇمىت ەتەمىن.

6 - ايدىڭ 19 - كۇنى تۇستەن بۇرىن شي جينپيڭ چيڭحاي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، چيڭحايدىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىردى.

شي جينپيڭ بىلاي دەپ اتاپ كورسەتتى: چيڭحاي ەكولوگيالىق حاۋىپسىزدىكتى قورعاۋ كەلەلى بورىشىن ارقالاپ وتىر، كاسىپ سالاسىن دامىتۋدا، ءسوز جوق، ىستەۋگە تيىستىلەرىن ىستەۋدە، ىستەمەۋگە تيىستىلەرىن ىستەمەۋدە تاباندى بولىپ، جەرگىلىكتى ورىننىڭ ەرەكشەلىگى مەن ابزالدىعىن ايگىلەيتىن وسىزاماندانعان كاسىپ سالاسى جۇيەسىن كۇش سالا جەتىلدىرۋ كەرەك. بايلىق فاكتورلارىن ءونىمدى شوعىرلاندىرىپ، دۇنيە جۇزىلىك دەڭگەيدەگى تۇزدى كول كاسىپ سالاسى بازاسىن جەدەل قۇرىپ، مەملەكەتتىڭ تازا ەنەرگيا كاسىپ سالاسى بيىگىن، حالىقارالىق ەكولوگيالىق ساياحاتتىڭ نىسانالى جەرىن، جاسىل، ورگانيكالى ەگىن، مال شارۋاشىلىعى ونىمدەرىن شىعاراتىن جەردى قالىپتاستىرۋ كەرەك. عىلىم - تەحنيكالىق زەرتتەۋ - اشۋ مەن جەتىستىكتەردى كادەگە جاراتۋدى بىردەي يگەرۋدە تاباندى بولىپ، جاڭا تەحنيكالاردى كەڭىنەن قولدانىپ، جەرگىلىكتى جاعدايعا قاراي ءداستۇرلى كاسىپ سالالارىن جاڭالاپ، دارەجەسىن جوعارىلاتىپ، ستراتەگيالىق جاڭا كاسىپ سالالارىن دامىتىپ، جاڭا وندىرگىش كۇشتەردى جەتىلدىرۋ كەرەك. رەفورمانى اناعۇرلىم جاپپاي تەرەڭدەتىپ، ەسىكتى ايقارا اشىپ، ساۋدا ورتاسىن ساپالىلاندىرىپ، چاڭجياڭ ەكونوميكالىق بەلدەۋىنىڭ دامۋى سياقتى كەلەلى ستراتەگيالارمەن ىرىقتىلىقپەن ۇشتاسىپ، جاسىل جىبەك جولى قۇرىلىسىن ىلگەرىلەتۋ كەرەك. ولكە ىشىندەگى وڭىرلەردىڭ سايكەستى دامۋىن ءبىر تۇتاس جوسپارلاپ، شينيڭ، حايدۇڭ، حايشيلەردىڭ تىرەكتىك رولىن ويداعىداي ساۋلەلەندىرىپ، جەرگىلىكتى جاعدايعا قاراي اۋدان ءوڭىرى ەكونوميكاسىن، ەرەكشە كاسىپ سالالارىن دامىتۋ كەرەك.

شي جينپيڭ بىلاي دەپ باسا دارىپتەدى: چيڭحاي - شيزاڭ ءۇستىرتىنىڭ ەكولوگيالىق جۇيەسى باي مازمۇندى، الۋان ءتۇرلى ءارى ەرەكشە ءالسىز، ەكولوگيالىق ورتانى قورعاۋدى كۇشەيتىپ، ەكولوگيالىق فۋنكتسيانىڭ بارىنشا جوعارىلاۋىن جۇزەگە اسىرۋ − وسى ءوڭىردىڭ باستى مىندەتى. ەكولوگيانى الدىمەن ەسكەرۋدە، جاسىل دامۋدا باستان - اياق تاباندى بولىپ، چيڭحاي - شيزاڭ ءۇستىرتىنىڭ ەكولوگياسىن قورعاۋ زاڭىن مۇقيات اتقارىپ، نەگىزگى تۇلعالىق فۋنكتسيالىق رايون جوباسىنىڭ تالابىن جاپپاي تياناقتاندىرىپ، چيڭحاي - شيزاڭ ءۇستىرتىن ەكولوگيالىق وركەنيەت بيىگى ەتىپ قۇرىپ شىعۋ كەرەك. تاۋ، سۋ، ورمان، اتىز، كول، جايىلىم، ءشولدى ءبىر تۇلعالاندىرىپ قورعاۋدا جانە جۇيەلى جونگە سالۋدا تاباندى بولىپ، ماڭىزدى ەكولوگيالىق جۇيەنى قورعاۋ جانە قالپىنا كەلتىرۋ كەلەلى ينجەنەرياسىن جەدەل اتقارىپ، ەكولوگيالىق ورتانى قورعاۋدىڭ ونىمدىلىگىن بەكەمدەۋ جانە جوعارىلاتۋ كەرەك. ماڭىزدىنىڭ ماڭىزدىسى − ءۇش وزەن قاينارى سىندى ”جۇڭحۋا سۋ مۇناراسىن“ ويداعىداي قورعاپ، ورگانيزمدەردىڭ الۋان تۇرلىلىگىن قورعاپ، سۋ قاينارىن ساقتاۋ قابىلەتىن جوعارىلاتۋ. مەملەكەتتىك باقشانى نەگىزگى تۇلعا ەتكەن جاراتىلىستىق قورىق جۇيەسى قۇرىلىسىن كۇشەيتىپ، مەملەكەتتىك ۋاكىلدىك سيپاتقا جانە دۇنيە جۇزىلىك ىقپالعا يە جاراتىلىستىق قورىق ۇلگىسىن قالىپتاستىرۋ كەرەك. ءتۇيىندى سالالاردا ەنەرگيا ۇنەمدەپ، كومىر قىشقىل گازىن ازايتۋدى تارتىپپەن ىلگەرىلەتىلىپ، ەكولوگياسى جاراسىمدى كاسىپ سالالارىن دامىتىپ، جاڭاشا ەنەرگيا جۇيەسىن ورناتۋدى تەزدەتۋ كەرەك.

شي جينپيڭ بىلاي دەپ اتاپ كورسەتتى: حالىق تۇرمىسىن شىن مانىندە قامتاماسىز ەتىپ جانە جاقسارتىپ، بار كۇشتى سالىپ، شاماعا قاراي ىستەپ، حالىقتىڭ قالاۋىنان شىعاتىن، حالىق تۇرمىسىنا تيىمدىلىك جاسايتىن، حالىق جۇرەگىن جىلىتاتىن ناقتى ىستەردى كوبىرەك ىستەپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن تىڭعىلىقتى شەشۋ كەرەك. نەگىزگى الەۋمەتتىك قىزمەت وتەۋ قۇرىلعىلارىنىڭ ورنالاسۋىن ءبىر تۇتاس جوسپارلاپ، نەگىزگى الەۋمەتتىك قىزمەت وتەۋدىڭ بىركەلكىلىگىن كۇش سالا كۇشەيتۋ كەرەك. اۋىل - قىستاقتى كوركەيتۋدە ەگىنشى - مالشىلاردىڭ كىرىسىن ارتتىرۋ سىندى ماڭىزدى ءتۇيىندى كورنەكتىلەندىرىپ، ۇستىرتتەگى ەرەكشە ەگىمشىلىك كاسىبىن گۇلدەندىرۋ ارەكەتىن جەدەل ىلگەرىلەتىپ، جاسىل، ورگانيكالى ەگىن، مال شارۋاشىلىعىن دامىتىپ، ۇستىرتتەگى جەرگىلىكتى ەرەكشە ونىمدەردىڭ ماركاسىن جاراتۋ كەرەك. ۇستىرتتەگى كورىكتى اۋىل - قىستاق قۇرىلىسىن ىلگەرىلەتىپ، ەسكى سالت - سانانى وزگەرتۋدى ىلگەرىلەتۋ كەرەك. قايتا كەدەيلەسۋدەن ساقتانۋدى باقىلاۋ - تەكسەرۋ، كومەكتەسۋ - سۇيەمەلدەۋ مەحانيزمىن تياناقتاندىرىپ، كولەمدى قايتا كەدەيلەسۋدەن ساقتانۋعا شىنايى كەپىلدىك ەتۋ كەرەك. جيشىشان تاۋىنداعى جەر سىلكىنىسى اپاتىنان كەيىنگى قالپىنا كەلتىرۋ، قايتا قۇرۋ قىزمەتىن ۇزدىكسىز ويداعىداي ىستەپ، اپاتتان ساقتانۋ، اپات زيانىن ازايتۋ، اپاتتان قۇتقارۋ قۋاتى قۇرىلىسىن كۇشەيتۋ كەرەك.

شي جينپيڭ بىلاي دەپ باسا دارىپتەدى: چيڭحاي − ەلىمىزدەگى از ۇلتتار شوعىرلى قونىستانعان ولكە، ۇلت قىزمەتى مەن ءدىن قىزمەتىن ۇزدىكسىز جاقسى ىستەۋ كەرەك. جاڭا داۋىردەگى پارتيانىڭ ۇلت قىزمەتى جونىندەگى كەلەلى باعىت - ساياساتتارىن جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋدە تاباندى بولىپ، ۇلتتار ىنتىماعى، العاباسارلىعىنداعى وزات ورىن قۇرۋ قىزمەتىن كەڭىنەن ورىستەتىپ، ۇلتتاردىڭ جان - جاقتى كىرىگۋىن، كەڭ كولەمدە ارالاسۋىن، ىشتەسۋىن، توعىسۋىن جەبەۋ كەرەك. جاڭا داۋىردەگى پارتيانىڭ ءدىن قىزمەتى نازارياسى مەن باعىت - ساياساتىن جاپپاي دايەكتىلەندىرىپ، ەلىمىزدە ءدىندى جۇڭگوشالاندىرۋ بەتالىسىندا تاباندى بولىپ، ءدىن ىستەرىن باسقارۋدى، اسىرەسە، ءدىني قيمىل ورىندارىن باسقارۋدى زاڭ بويىنشا كۇشەيتۋ كەرەك.

شي جينپيڭ بىلاي دەپ اتاپ كورسەتتى: قازىر پارتيا ءتارتىبىن ۇيرەنۋ تاربيەسى ورىستەتىلۋدە، شىنايى يگەرىپ، ناقتى ۇيرەنىپ، باسىنان اياعىنا دەيىن جاقسى باستاپ، تابىستى اياقتاتىپ، ءتارتىپتى ۇيرەنۋ، ءتارتىپتى ءبىلۋ، ءتارتىپتى ايقىنداۋ ارقىلى تارتىپكە بويسۇنۋدى، ءتارتىپتى اتقارۋدى جەبەۋ كەرەك. رەفورما جاساپ، جاڭالىق اشۋدى وزەك ەتكەن ءداۋىر رۋحى مەن چيڭحاي - شيزاڭ ءۇستىرتى رۋحىن بارىنشا ساۋلەلەندىرىپ، پارتيا مۇشەلەرىن، كادرلاردى يدەيانى ونان ارى ازات ەتۋگە، كوزقاراستا بۇرىلىس جاساۋعا، قايراتتانا العا ۇمتىلۋعا، جاۋاپكەرلىك ارقالاپ، ىسكەرلىك كورسەتۋگە شابىتتاندىرۋ كەرەك. پارتيالىلىق، پارتيا ستيلى، پارتيا ءتارتىبىن قاتار يگەرۋدە، ستيلدى دۇرىستاپ، ءتارتىپتى قاتايتۋدا تاباندى بولىپ، ستيل قۇرىلىسىنىڭ ۇدايىلانۋىن، ۇزاق ۋاقىت ءونىمدى بولۋىن ىلگەرىلەتىپ، فورماشىلدىقتى جونگە سالۋدى ۇزدىكسىز تەرەڭدەتىپ، نەگىزگى ساتىنىڭ اۋىرتپالىعىن جەڭىلدەتۋ كەرەك. شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋ قىزمەت مەحانيزمىن كەمەلدەندىرىپ، ستيلى پاك، سالتى دۇرىس ساياسي ەكولوگيا ارقىلى دۇرىس سالت قالىپتاستىرۋعا جەتەكشىلىك ەتۋ كەرەك.

لي گانجيە، حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

كەلۋ قاينارى: حالىق تورابى