بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2024.06.21 18:36 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 20 – كۇنى، بەيجيڭ. 6 - ايدىڭ 20 - كۇنى مەملەكەت ءتوراعاسى شي جينپيڭ 2024 – جىلعى دۇنيە جۇزىلىك زەردەلى كاسىپ سالاسى كورمەسىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: جاساندى زەردە − جاڭا كەزەكتى عىلىم - تەحنيكا توڭكەرىسىنىڭ جانە كاسىپ وزگەرىسىنىڭ ماڭىزدى قوزعاۋشى كۇشى، ول دۇنيە جۇزىلىك ەكونوميكانىڭ، قوعامنىڭ دامۋىنا جانە ادامزات وركەنيەتىنىڭ العا باسۋىنا تەرەڭ ىقپال جاسايدى. جۇڭگو جاساندى زەردەنىڭ دامۋىنا ايرىقشا ءمان بەرىپ، ينتەرنەتتىڭ، ءىرى ساندى مالىمەتتىڭ، جاساندى زەردەنىڭ جانە ناقتى ەكونوميكانىڭ ىشكەرىلەي توعىسۋىن بەلسەنە ىلگەرىلەتىپ، زەردەلى كاسىپ سالاسىن جەتىلدىرىپ، زورايتىپ، جاڭاشا وندىرگىش كۇشتەردى جەدەل دامىتىپ، جوعارى ساپالى دامۋعا جاڭا قوزعاۋشى كۇش ازىرلەدى. جۇڭگو دۇنيە جۇزىندەگى ءار ەلمەن بىرگە سيفرلاندىرۋ، تورلاندىرۋ، زەردەلىلەندىرۋ سىندى دامۋ ورايىن يگەرىپ، جاساندى زەردەنىڭ دامۋى مەن ونى جونگە سالۋ جونىندەگى حالىقارالىق سەلبەستىكتى تەرەڭدەتىپ، جاساندى زەردەنىڭ اقاۋسىز دامۋىن ىلگەرىلەتۋ، دۇنيە ءجۇزى ەكونوميكاسىنىڭ ارتۋىن جەبەۋ، ءار ەل حالقىنىڭ ىرىس - قۇتىن ارتتىرۋ ءۇشىن قۇلشىنۋدى قالايدى.
2024 – جىلعى دۇنيە جۇزىلىك زەردەلى كاسىپ سالاسى كورمەسىنىڭ نەگىزگى تاقىرىبى ”اقىل - پاراسات الەمىن شارلاپ، بولاشاققا دەم بەرۋ“ بولدى، ونى تيانجين قالالىق حالىق ۇكىمەتى مەن چۇڭچيڭ قالالىق حالىق ۇكىمەتى بىرگە ۇيىمداستىردى، سول كۇنى تيانجين قالاسىندا اشىلدى.
كەلۋ قاينارى: حالىق تورابى
