«شي جينپيڭ ەل باسقارۋ جونىندە» اتتى كىتاپ بويىنشا جۇڭگولىق، تاجىكستاندىق وقىرماندار ءماجىلىسى دۋشانبەدە وتكىزىلدى

شينحۋا اگەنتتىگىنىڭ 6 ـ ايدىڭ 22 ـ كۇنى دۋشانبەدەن بەرگەن حابارى. جەرگىلىكتى ۋاقىت 6 ـ ايدىڭ 22 ـ كۇنى «شي جينپيڭ ەل باسقارۋ جونىندە» اتتى كىتاپ بويىنشا جۇڭگولىق، تاجىكستاندىق وقىرماندار ءماجىلىسى تاجىكستاننىڭ استاناسى دۋشانبەدە تابىستى وتكىزىلدى. جۇڭگو مەن تاجىكستاننىڭ ساياسي سالاسى، ءىلىم سالاسى، باسپا ءسوز سالالارىنان كەلگەن 150دەن استام ۋاكىل قيمىلعا قاتىناستى. ماجىلىسكە قاتىناسقان سيلى قوناقتار بىلاي دەپ قارادى: «شي جينپيڭ ەل باسقارۋ جونىندە» اتتى كىتاپ شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ىشكى ءمانى مەن دامۋ جۇلگەسىن تەرەڭ ءتۇسىندىرىپ، ءتوراعا شي جينپيڭنىڭ جۇڭگونىڭ ەل باسقارۋى جانە الەمدىك باسقارۋ ماسەلەسى جونىندەگى تەرەڭ تولعانىسىن شوعىرلى ايگىلەدى، تاجىك تىلىندەگى باسىلىمىنىڭ باسپادان شىعۋى تاجىكستان وقىرماندارىنىڭ جاڭا داۋىردەگى جۇڭگونى جانە جۇڭگو ۇلگىسىندەگى وسىزامانداندىرۋدى ءتۇسىنۋىن قۇزىرلى وقۋلىقپەن قامدادى.

ماجىلىسكە قاتىناسقان سيلى قوناقتار مىنالاردى ءبىلدىردى: ءتوراعا شي جينپيڭنىڭ باسشىلىعىندا، جۇڭگونىڭ ەل باسقارۋ جاعىنداعى تابىستى تاجىريبەلەرى مەن قول جەتكىزگەن كۇللى جۇرتتى جالت قاراتارلىقتاي تابىستارى قالىڭ وركەندەپ كەلە جاتقان ەلدەرگە پايدالى ۇلگى ازىرلەدى؛ جۇڭگو بەيبىتشىلىك، دامۋ، ادىلدىك، ادىلەتتىلىك، دەموكراتيا، ەركىندىك سىندى بۇكىل ادامزاتتىڭ ورتاق قۇندىلىقتارىن اسقاقتاتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدە، 3 ءىرى الەمدىك باستامانى تياناقتاندىرۋدا، ”ءبىر بەلدەۋ، ءبىر جولدى“ بىرگە قۇرۋدا، شىعىس، باتىس وركەنيەتتەرىنىڭ توعىسۋىن ىلگەرىلەتۋدە جانە دۇنيە ءجۇزىنىڭ گۇلدەنۋىن، ورنىقتىلىعىن جەبەۋدە بەلسەندى رول ساۋلەلەندىردى. قيمىلدى مەملەكەتتىك كەڭەس اقپارات كەڭسەسى، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسى جانە جۇڭگونىڭ تاجىكستانداعى باس ەلشىلىگى باس بولىپ ۇيىمداستىردى.