توقتاربەك پاريج وليمپيادا سپورت جارىسىنىڭ بوكس جارىسىنا جولداما الدى

انار بۇلت / شينجياڭ گازەتىنىڭ حابارى (ءتىلشى حۋاڭ شيڭ). 6 - ايدىڭ 21 – كۇنى، مەملەكەتتىك دەنە تاربيە باس مەكەمەسىنىڭ كۇرەس ورتالىعى 2024 - جىلعى پاريج وليمپيادا سپورت جارىسى بوكس جارىس تۇرىنە قاتىناساتىن سپورتشىلاردىڭ ەسىمدىگىن (6 ايەل، 2 ەر) جاريالادى. مۇنىڭ ىشىندە شينجياڭدىق سپورتشى توقتاربەك تاڭاتقان ۇلى دا بار.

پاريج وليمپيادا سپورت جارىسى بوكس جارىسى جالپى 13 تۇرگە بولىنەدى، مۇنىڭ ىشىندە ەرلەر 7 ءتۇر، ايەلدەر 6 ءتۇر، ءار ۋاكىلدەر ۇيىرمەسى، ءار دارجەدەن ەڭ كوپ بولعاندا ءبىر سپورتشى قاتىناستىرۋىنا بولادى. ازيا ساڭلاقتارى جونىنەن العاندا، جارىسقا قاتىناسۋ تولىمدىلىعىنا يە بولۋدىڭ 3 ءتۇرلى جولى — حاڭجوۋ ازيا سپورت جارىسىنىڭ شەشۋشى جارىسىنا كىرۋ، بيىلعى ەكى رەتكى تولىمدىلىق جارىسىندا 4 مىقتىعا كىرۋ.

جۇڭگو بوكس كومانداسى حاڭجوۋ ازيا سپورت جارىسىندا 5 التىن مەدال، 2 كۇمىس مەدال، 2 قولا مەدال الۋداي ۇزدىك ناتيجەگە قول جەتكىزدى، ەرەجە بويىنشا، اعا جۇلدەگەرلىك پەن جۇلدەگەرلىكتى العان سپورتشىلار پاريج وليمپيادا سپورت جارىسىنا قاتىناسۋ تولىمدىلىعىنا يە بولدى، سونىمەن جۇڭگو كومانداسى دا جارىسقا جولداما الدى. بانگكوكتاعى 2 - بەكەتتىك تولىمدىلىق جارىسىندا جۇڭگولىق ايەل شۇي زىچۇن 57 كيلوگرامدىق سالماق دارەجەسى بويىنشا جارتىلاي شەشۋشى جارىسقا قاتىناسىپ، تاعى ءبىر جارىسقا قاتىناسۋ تولىمدىلىعىنا يە بولدى.

2000 - جىلعى سيدنەي وليمپيادا سپورت جارىسىنان باستاپ، شينجياڭنان ارت – ارتىنان كوپتەگەن سپورتشىلار جۇڭگو ۋاكىلدەر ۇيىرمەسىنە كىرىپ، وليمپيادا سپورت جارىسىنا قاتىناستى، 2008 - جىلى بەيجيڭ وليمپيادا سپورت جارىسىنا 3 ادام قاتىناسىپ، ءبىر قولا مەدال الدى.

كەلۋ قاينارى: حالىق تورابى