بىرنەشە اۆياتسيا سەرىكتەستىگى بۇل قاراجاتتى تومەندەتتى 

جۋىردا جۇڭگو وڭتۇستىك اۆياتسيا سەرىكتەستىگى قاتارلى اۆياتسيا سەرىكتەستىكتەرى ۇقتىرۋ جاريالادى: 10 – ايدىڭ 5 – كۇنىنەن باستاپ (بەلەت شىعارىلعان كۇن) ەل ىشىندەگى اۋە جەلىلەرىندە جانارماي قوسىمشا قاراجاتى تومەندەتىلەدى.

ۇعىسۋعا قاراعاندا، 800 كيلومەتر (800 كيلومەتردى قامتيدى) ارالىعىنداعى اۋە جەلىلەرىندە ءاربىر جولاۋشىدان 10 يۋاندىق جانارماي قوسىمشا قاراجاتى الىنادى، 800 كيلومەتردەن اسقان ارالىقتاعى اۋە جەلىلەرىندە ءاربىر جولاۋشىدان 20 يۋاندىق جانارماي قوسىمشا قاراجاتى الىنادى، بۇل ءتورت ايدىڭ الدىندا رەتتەلگەن اقىمەن سالىستىرعاندا جەكە – جەكە 20 يۋان جانە 30 يۋان تومەندەتىلگەن.

بالالار (ەرەسەكتەرگە ەرىپ جۇرگەن بالالاردى قامتيدى)، توڭكەرىس بارىسىندا مۇگەدەك بولعان اسكەريلەر جانە ۇكىمەت قىزمەتى بارىسىندا مۇگەدەك بولعان حالىق ساقشىلارى قاتارلى ەرەكشە جۇرگىنشىلەر توبىنا 800 كيلومەتر (800 كيلومەتردى قامتيدى) ارالىعىنداعى اۋە جەلىلەرىندە جانارماي قوسىمشا قاراجاتى الىنبايدى، 800 كيلومەتردەن اسقان ارالىقتاعى اۋە جەلىلەرىندە ءاربىر جولاۋشىدان ءاربىر اۋە جەلىسى بويىنشا 10 يۋان جانارماي قوسىمشا قاراجاتى الىنادى.

كەلۋ قاينارى: حالىق تورابى