مەملەكەتتىك ورمان شارۋاشىلىعى جانە جايىلىم مەڭگەرمەسى ورماندى، جايىلىمدى بۇلدىرۋگە قاتىستى ءبىر توپ تيپتىك دەلولار جونىندە اشىق حابارلاندىرۋ شىعاردى 

ءتىلشىنىڭ جۋىردا مەملەكەتتىك ورمان شارۋاشىلىعى جانە جايىلىم مەكەمەسىنەن ۇعىسۋىنشا، ورمان جانە جايىلىم بايلىعىن بۇلدىرۋگە ساياتىن زاڭعا قايشى قىلمىستىق ارەكەتتەرگە سوققى بەرۋدەگى جوعارى قىسىمدى كۇيدى ساقتاۋ ءۇشىن، مەملەكەتتىك ورمان شارۋاشىلىعى جانە جايىلىم مەڭگەرمەسى جۋىردا ورماندى، جايىلىمدى بۇلدىرۋگە ساياتىن ءبىر توپ تيپتىك دەلو جونىندە اشىق حابارلاندىرۋ شىعارعان.

وسى جولى سىچۋان ولكەسى حۇيدۇڭ اۋدانى مانكۋاڭ پانشين كەن كاسىبى شەكتى سەرىكتەستىگىنىڭ ءوز بەتىمەن 319.81 مۋ ورماندىق جەردى يەلەپ الىپ پايدالانۋى، جياڭشي ولكەسى ديڭشياڭ اۋدانى ونەركاسىپ باقشا رايونىن اشۋ جانە تيجارات ەتۋ شەكتى جاۋاپكەرشىلىك سەرىكتەستىگىنىڭ ءوز بەتىمەن 223.36 مۋ ورماندىق جەردى يەلەپ الىپ پايدالانۋى، حەيلۇڭجياڭ ولكەسى يلان اۋدانىنداعى سۇڭ X قاتارلىلاردىڭ 111.06 مۋ ورماندى جەردە تىڭ يگەرۋى قاتارلى ورماندى، جايىلىمدى بۇلدىرۋگە ساياتىن تيپتىك 10 دەلو جونىندە اشىق حابارلاندىرۋ شىعارىلعان.

مەملەكەتتىك ورمان شارۋاشىلىعى جانە جايىلىم مەڭگەرمەسى ورمان بايلىعىن باسقارۋ مەكەمەسىنىڭ باستىعى ليۋ كىيۇڭنىڭ ايتۋىنشا، جوعارىدا اشىق حابارلاندىرۋ شىعارىلعان ون ماسەلە جونىندە مەملەكەتتىك ورمان شارۋاشىلىعى جانە جايىلىم مەكەمەسى قاتىستى جەرلەردى زاڭ – تۇزىمگە ساي قاتاڭ تەكسەرىپ ءبىرجاقتى ەتۋگە قۋزاپ، ماسەلەلەردى جونگە سالۋ مەن وزگەرتۋدى ۇزدىكسىز ىلگەرىلەتىپ، ورمان مەن جايىلىمداعى وسىمدىك جامىلعىسىن دەر كەزىندە قالپىنا كەلتىرەدى. كەلەسى قادامدا ورمان جانە جايىلىم بايلىعىن بۇلدىرۋگە ساياتىن قىلمىستىق ارەكەتتەرگە سوققى بەرۋ تەبىنىن اناعۇرلىم كۇشەيتىپ، ورمان جانە جايىلىم شارۋاشىلىعىنىڭ جوعارى ساپالى دامۋىن ىلگەرىلەتەدى. (ءتىلشى: حۋ لۋ)

كەلۋ قاينارى: حالىق تورابى