جارالىلاردى بار كۇشپەن قۇتقارىپ - ەمدەپ، قاندى قولدى زاڭ بويىنشا قاتاڭ جازالاپ، حاۋىپ - قاتەردى تۋ باستان تىزگىندەۋدى كۇشەيتىپ، ۇشقارىلىق دەلولارىنىڭ تۋىلۋىنان قاتاڭ ساقتانۋ كەرەك

شينحۋا اگەنتتىگى، 11 - ايدىڭ 12 – كۇنى، بەيجيڭ. 11 - ايدىڭ 11 - كۇنى كەشتە گۋاڭدۇڭ ولكەسى جۋحاي قالاسى شياڭجوۋ رايونى دەنە تاربيە ورتالىعىندا اۆتوكولىكپەن جۇرگىنشىلەردى سوعۋ دەلوسى تۋىلدى، قازىرگە دەيىن 35 ادام كوز جۇمىپ، 43 ادام اۋىر جارالاندى.

دەلو تۋىلعاننان كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا ءمان بەردى ءارى ماڭىزدى نۇسقاۋ بەرىپ بىلاي دەپ اتاپ كورسەتتى: گۋاڭدۇڭ ولكەسى جۋحاي قالاسى شياڭجوۋ رايونى دەنە تاربيە ورتالىعىندا اۆتوكولىكپەن جۇرگىنشىلەردى سوعۋ دەلوسى تۋىلىپ، اۋىر ءولىم - ءجىتىم تۋىلدى، سيپاتى توتەنشە جيىركەنىشتى. جارالىلاردى بار كۇشپەن قۇتقارىپ جانە ەمدەپ، جارالانعاندار مەن كوز جۇمعانداردىڭ جانە ولاردىڭ وتباسىنداعىلاردىڭ سوڭعى جۇمىستارىن ىڭعايلاۋ قىزمەتىن دەن قويا جاقسى ىستەۋ كەرەك. قاندى قولدى زاڭ بويىنشا قاتاڭ جازالاۋ كەرەك. جەر - جەر جانە قاتىستى تاراۋلار تەرەڭ ساباق الىپ، بىرەۋى ارقىلى وزگەسىن تۇسپالداپ، حاۋىپ - قاتەردەن تۋ باستان ساقتانۋدى جانە ونى تىزگىندەۋدى كۇشەيتىپ، قايشىلىقتار مەن داۋ - شاردى دەر كەزىندە شەشىپ، ۇشقارىلىق دەلولارىنىڭ تۋىلۋىنان قاتاڭ ساقتانىپ، حالىق بۇقاراسىنىڭ باس اماندىعى مەن قوعام ورنىقتىلىعىن بار كۇشپەن قامتاماسىز ەتۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ سالىپ، بىلاي دەپ اتاپ كورسەتتى: جارالىلاردى بار كۇشپەن قۇتقارىپ، سوڭعى جۇمىستاردى بايىپپەن ىستەپ، دەلو جاعدايىن تەز ارادا انىقتاپ، قاندى قولدى زاڭ بويىنشا قاتاڭ جازالاۋ كەرەك. ساقتانۋ مەن تىزگىندەۋدى ۇشتاستىرىپ، حاۋىپ - قاتەردى، كومەسكى قاتەرلەردى جانە قوعامدىق قايشىلىقتاردى ءبىر - بىرلەپ تەكسەرىپ، شەشىپ، قوعامدىق جالپى جاعدايدىڭ ورنىقتىلىعىنا شىنايى كەپىلدىك ەتۋ كەرەك.

شي جينپيڭنىڭ ماڭىزدى نۇسقاۋىنا ساي، ورتالىق قىزمەت گرۋپپاسىن جەرگىلىكتى ورىنعا جىبەرىپ، ءبىر جاقتى ەتۋ قىزمەتىنە جەتەكشىلىك ەتتى، گۋاڭدۇڭ ولكەسى مەن جۋحاي قالاسى جارالىلاردى ەمدەۋ، دەلونى بارلاۋ، قوعامدىق ساقتانۋ، تىزگىندەۋ سياقتى قىزمەتتەردى بار كۇشپەن ويداعىداي ىستەۋدە. قازىر ءتۇرلى قىزمەتتەر جۇرگىزىلۋدە.

كەلۋ قاينارى: حالىق تورابى