جاڭالىق اشۋ ارقىلى دامۋعا دەم بەرۋگە تاباندى بولىپ، جاپپاي جاسىل تيپكە بۇرىلىس جاساۋدى جەدەلدەتىپ، بەيجيڭ - تيانجين - حىبەيدىڭ سايكەستى دامۋىن ىلگەرىلەتۋ بارىسىندا تىڭ ىسكەرلىك كورسەتۋ كەرەك

شينحۋا اگەنتتىگى، 11 - ايدىڭ 13 - كۇنى، شىجياجۋاڭ (ءتىلشى زوۋ ۋەي). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ 11 - ايدىڭ 13 - كۇنى حىبەيدە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ بەيجيڭ - تيانجين - حىبەيدىڭ سايكەستى دامۋى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭالىق اشۋ ارقىلى دامۋعا دەم بەرۋگە تاباندى بولىپ، جاپپاي جاسىل تيپكە بۇرىلىس جاساۋدى جەدەلدەتىپ، شيۇڭ - ان جاڭا رايونىن جوعارى ولشەممەن، جوعارى ساپامەن قۇرىپ، بەيجيڭ - تيانجين - حىبەيدىڭ سايكەستى دامۋىن ىلگەرىلەتۋ بارىسىندا تىڭ ىسكەرلىك كورسەتۋ كەرەك.

شيۇڭ - ان جاڭا رايونىندا لي چياڭ الدىمەن جۇڭگو جاساندى سەرىك تورابى توبىنا كەلىپ، كاسىپورىننىڭ قۇرىلىس جۇرگىزۋ، جاساندى سەرىك ينتەرنەت كاسىپ سالاسىن دامىتۋ سياقتى تانىستىرۋلارىن تىڭداپ، جۇلدىز تورابى جۇيەسىنىڭ اينالىمى مەن قولدانىس جاعدايىن كوزدەن كەشىردى. لي چياڭ بىلاي دەپ كورسەتتى: كاسىپ سالالارىنىڭ توپتالۋى − قالا دامۋىنىڭ نەگىزى. بەيجيڭنىڭ استاناعا جاتپايتىن فۋنكتسيالارىن جالعاستىرۋعا، جاڭالىق اشۋ فاكتورلارى بايلىعىن شوعىرلاندىرۋعا ءتيىمدى ءتۇزىلىس، مەحانيزمدى ۇزدىكسىز كەمەلدەندىرىپ، بوگەنايلىق سەيىلتۋ نىساندارىنىڭ تياناقتانۋىن بەلسەنە ىلگەرىلەتىپ، باسەكەلىك قۋاتى كۇشتى، جەتەكتەۋ قۋاتى كۇشتى ءتىپتى دە كوپ كاسىپورىندى ىرگە تەبۋگە باۋراپ، تاڭداۋلى دارىندىلاردى كەڭ كولەمدە قابىلداپ، جوعارى، جاڭا كاسىپ سالاسى جۇيەسىن جەتىلدىرىپ، شيۇڭ - ان جاڭا رايونىنىڭ دامۋىنا جاڭا قوزعاۋشى كۇش قوسۋ كەرەك. قىس باسىنداعى بايياڭديان جاسىل جەلەك جامىلعان. لي چياڭ بۇل جەرگە كەلىپ، بايياڭدياننىڭ ەكولوگيالىق ورتاسىن جونگە سالۋ، قورعاۋ احۋالىن ناقتى ۇعىسىپ، سۋ ساپاسىن ۇلگى الىپ تەكسەرۋ ناتيجەسىن كورىپ، بايياڭديان رايونىنىڭ سۋ ەكولوگيالىق ورتاسنىڭ ءۇرتىس جاقسارعاندىعىن القادى. لي چياڭ بىلاي دەدى: تاماشا ەكولوگيالىق ورتا − شيۇڭ - ان جاڭا رايونىنىڭ ماڭىزدى قۇن بەينەسى. ەكولوگيانى الدىمەن ەسكەرۋگە، جاسىل دامۋعا تاباندى بولىپ، بايياڭديان مەن جوعارعى، تومەنگى اعارداعى سايكەستى قورعاۋدى جانە ەكولوگيانى جالپى تۇلعالىق قالپىنا كەلتىرۋدى ىلگەرىلەتىپ، جاراتىلىستىق ەكولوگيالىق ابزالدىقتى ەكونوميكالىق، قوعامدىق دامۋدىڭ ابزالدىعىنا اينالدىرۋ كەرەك. لي چياڭ بىلاي دەپ باسا دارىپتەدى: پارتيا ورتالىق كوميتەتىنىڭ شيۇڭ - ان جاڭا رايونىن قۇرۋ جونىندەگى ستراتەگيالىق ورنالاستىرۋىن جاپپاي دايەكتىلەندىرىپ، تياناقتاندىرىپ، نەگىزدىك قۇرىلعىلار قۇرىلىسى مەن الەۋمەتتىك قىزمەت وتەۋ ورەسىن جوعارىلاتىپ، قالا فۋنكتسياسىن ۇزدىكسىز كەمەلدەندىرىپ، وسىزاماندانعان، قونىستانۋعا، كاسىپكە قولايلى ورتا جاراتىپ، جاڭا كاسىپ فورماسىن، جاڭا ۇلگىنى بەلسەنە دامىتىپ، جاڭا ارتۋ تۇيىندەرىن جەتىلدىرىپ، زەردەلى، جاسىل بولۋدى، جاڭالىق جاراتۋدى شيۇڭ - ان جاڭا رايونىنىڭ تاماشا تانىسقىسى ەتۋ كەرەك.

باۋديڭدە لي چياڭ تۇڭگۋاڭ جارتىلاي وتكىزگىش جارنا شەكتى سەرىكتەستىگىنە كەلىپ، كاسىپورىننىڭ عىلىم - تەحنيكادا جاڭالىق جاراتۋدى ىلگەرىلەتۋ جونىندەگى مالىمەتىن، كريستال ازىرلەۋ سەحىنا كەلىپ تەحنولوگيا بارىسىن ۇعىستى، قاتىستى تەحنيكالىق كورسەتكىشتەردى ناقتاپ سۇرادى. لي چياڭ كاسىپورىندى الدىڭعى لەك اۋقىمىن يگەرىپ، زەرتتەپ اشۋ ۇسىنىلىمىن ارتتىرىپ، وزەكتى تەحنيكا قيىن ماسەلەلەرىن قۇلشىنا جەڭىپ، باسەكە ابزالدىعىن ۇزدىكسىز نىعايتۋعا شابىتتاندىردى. لي چياڭ جوجوۋ قالاسى شياۋچيڭ وزەنى سەل ءبولۋ رايونىنىڭ وڭتۇستىك توسپا قۇرىلىسى ناق مايدانىنا كەلىپ، نىساننىڭ ەڭ جاڭا ىلگەرىلەۋ احۋالىن كوزدەن كەشىردى، حىبەي ولكەسىنىڭ اپاتتان كەيىنگى قايتا قۇرۋ ماڭىزدى سۋ قۇرىلعىسى سياقتى احۋالدار جونىندەگى مالىمەتىن تىڭدادى، جوبالاۋ، قۇرىلىس جۇرگىزۋ، باقىلاپ - باسقارۋ قىزمەتكەرلەرىمەن كەڭەستى. لي چياڭ بىلاي دەدى: بىلتىر حىبەي ولكەسى تاريحتا از ۇشىرايتىن ەرەكشە اۋىر نوسەر اپاتىنا تاپ بولدى، اپاتتان كەيىنگى قايتا قۇرۋدا ۋاقىت قىس، مىندەت اۋىر بولدى. ۇيلەردى قايتا سالۋ جانە جوندەۋ، بەكەمدەۋ، سۋ بۇلدىرگەن تاس جولداردى قالپىنا كەلتىرۋ، دەڭگەيىن جوعارىلاتۋ سياقتى مىندەتتەردى جەدەل ىلگەرىلەتىپ، تاسقىننان ساقتانۋ ينجەنەرياسى جۇيەسىن جوبالاۋ قۇرىلىسىن اناعۇرلىم كۇشەيتىپ، وزەن ارناسىن ارشۋ، توسپانى بەكەمدەۋ، سۋ قويمالارىن ورنالاستىرۋ سياقتى قىزمەتتەردى تىڭعىلىقتى ىستەپ، ساپا وتكەلىن قاتاڭ يگەرىپ، تاسقىن اپاتىنان ساقتانۋ، حاۋىپ - قاتەرگە توتەپ بەرۋ قابىلەتىن شىنايى جوعارىلاتۋ كەرەك. لي چياڭ سول ورىنداعى كادرلارعا بىلاي دەپ قاداعالاپ تاپسىردى: قىس مەزگىلى تاياپ قالدى، اپاتقا ۇشىراعان بۇقارانىڭ تۇرمىسىنا كەپىلدىك ەتۋ قىزمەتىن مۇقيات ويلاسىپ، ءبىر – بىردەن تياناقتاندىرىپ، ولاردىڭ قىستان حاۋىپسىز، جىلى وتۋىنە كەپىلدىك ەتۋ كەرەك.

لي چياڭ حىبەيدىڭ ەكونوميكالىق، قوعامدىق دامۋ ناتيجەلەرىن تولىق تۇراقتاندىردى، حىبەيدەن باس شۋجي شي جينپيڭنىڭ حىبەي قىزمەتى جونىندەگى ماڭىزدى نۇسقاۋىنىڭ رۋحىن جاپپاي دايەكتىلەندىرىپ، تياناقتاندىرىپ، قايراتتانا العا ۇمتىلىپ، قۇلشىنا ىسكە كىرىسىپ، بۇكىل ەلدىڭ دامۋ جالپى اۋقىمى ءۇشىن ءتىپتى دە زور ۇلەس قوسۋدى ءۇمىت ەتتى.

ۋ جىڭلۇڭ تەكسەرىپ - زەرتتەۋدە بىرگە بولدى.

كەلۋ قاينارى: حالىق تورابى