«كەدەيلىكتەن ارىلۋدىڭ» پورتۋگال تىلىندەگى باسىلىمىنىڭ تۇڭعىش تاراتىلۋ سالتى جانە جۇڭگو - برازيليا ەل باسقارۋ جونىندەگى زەرتتەۋ - تالقى ءماجىلىسى برازيليادا وتكىزىلدى

«حالىق گازەتى»، 11 - ايدىڭ 12 - كۇنى، ريو - دە جانە يرو (تىلشىلەر شۇي حايلين، ساۋ شى - يۇن، چىن حايچي) «كەدەيلىكتەن ارىلۋدىڭ» پورتۋگال تىلىندەگى باسىلىمىنىڭ تۇڭعىش تاراتىلۋ سالتى جانە جۇڭگو - برازيليا ەل باسقارۋ جونىندەگى زەرتتەۋ - تالقى ءماجىلىسى 11 - ايدىڭ 12 - كۇنى برازيليانىڭ ريو - دە جانە يرو قالاسىندا وتكىزىلدى. ماجىلىسكە قاتىناسقان قايراتكەرلەر بىلاي دەپ قارادى: جۇڭگو مەن برازيليانىڭ كەدەيلەردى ازايتۋ، كەدەيلىكتەن ارىلتۋ جانە ەل باسقارۋ تاجىريبەلەرىن اۋىستىرۋدى كۇشەيتىپ، ءوز ەلىنىڭ مەملەكەت جاعدايىنا ۇيلەسەتىن وسىزاماندانعان دامۋ جولىن بىرگە قاراستىرۋى ەكى ەلدىڭ جۇڭگو - برازيليا قاتىناسىنىڭ كەلەسى ”التىن 50 جىلدىعىن“ قول ۇستاسا اشۋى جونىنەن بەلسەندى مانگە يە. تۇڭعىش تاراتىلۋ سالتىندا جۇڭگولىق، برازيليالىق سيلى قوناقتار «كەدەيلىكتەن ارىلۋدىڭ» پورتۋگال تىلىندەگى باسىلىمى جاڭا كىتابىنىڭ شىمىلدىعىن بىرگە اشتى. تۇڭعىش تاراتىلۋ سالتىنان كەيىن ەكى ەلدىڭ مامان - وقىمىستىلارى جۇڭگو مەن برازيليانىڭ ەل باسقارۋ تاجىريبەلەرىن ارقاۋ ەتە وتىرىپ پىكىر اۋىستىرىپ، تالقى جۇرگىزدى.

قيمىلدى ۇيىمداستىرۋشى جاق بىلاي دەپ قارادى: «كەدەيلىكتەن ارىلۋ» اتتى كىتاپتا ءتوراعا شي جينپيڭنىڭ كەدەيلىكتى جويۋ، جەرگىلىكتى ورىنداردى باسقارۋ، رەفورما جاساۋ، دامۋ سياقتى جاقتارداعى كوزقاراستارى مەن بايىمداۋلارى ەستەلىككە الىنعان، وندا جۇڭگو ۇلگىسىندەگى وسىزامانداندىرۋدىڭ يدەيالىق ۇستانىمى قامتىلىپ، حالىقتى بارىنەن جوعارى قوياتىن قۇن بەتالىسى، رەفورما جاساپ، جاڭالىق اشۋدىڭ ىشكى قوزعاۋشى كۇشى، دەربەس، ءوز - وزىنە قوجا بولۋ جولىن تاڭداۋ جانە سەلبەسىپ تەڭ يگىلىككە كەنەلۋ سىندى ادامزاتتىق سۇيىسپەنشىلىك ايگىلەنگەن. جۇڭگو مەن برازيليانىڭ كەدەيلەردى ازايتۋ، كەدەيلىكتەن ارىلتۋ جانە وسىزاماندانعان دامۋدى قامتىعان ءار سالاداعى اۋىس - كۇيىس پەن سەلبەستىكتى كۇشەيتۋىنە تىڭ رۋحاني شابىت جانە امالياتتىق شابىت بەرەتىندىگىنە سەنەمىز.

برازيليانىڭ قوعامدىق دامۋ جانە كومەك، وتباسى جانە اشارشىلىققا قارسى تۇرۋ مينيسترلىگىنىڭ ۇنەمىلىك ىستەرگە جاۋاپتى ورىنباسار مينيسترى وسمار جۋنيور مىنانى ءبىلدىردى: 30 نەشە جىلدىڭ الدىندا ءتوراعا شي جينپيڭ كەدەي وڭىرلەردە قىزمەت ىستەگەن كەزدە جەرگىلىكتى بۇقارانى باستاپ كەدەيلىكپەن كۇرەسۋ جولىن تاپتى. دۇنيە ءجۇزى اۋمالى - توكپەلى وزگەرىس كەزەڭىندە تۇرعان بۇگىنگى تاڭدا «كەدەيلىكتەن ارىلۋ» ءوزىنىڭ ماڭىزدى قۇنىن ءتىپتى دە ايگىلەدى. ءتوراعا شي جينپيڭ كىتابىندا مەملەكەتتى باسقارۋ مەن قوعامدىق دامۋ جونىندەگى تەرەڭ كوزقاراسىن ءبولىسىپ، ءبىزدىڭ كەدەيلىكتى ازايتىپ، باياندى دامۋدى جۇزەگە اسىرۋدىڭ جاڭا ءتاسىلىن اناعۇرلىم ويداعىداي قاراستىرۋىمىزعا كومەكتەستى.

«كەدەيلىكتەن ارىلۋدىڭ» پورتۋگال تىلىندەگى اۋدارۋشىسى، برازيليا ۋاگاس قور قوعامى زاڭ شۋەيۋانىنىڭ پروفەسسورى ەۆاندرو كاۆاللو اۋدارما اسەرىن تىلگە تيەك ەتكەندە بىلاي دەپ اتاپ كورسەتتى: جۇڭگونىڭ كەدەيلىكتەن ارىلتۋدان قامال الۋ ۇلى امالياتىندا مادەنيەت ارقىلى جەتەكشىلىك ەتۋ ءتىپتى دە ماڭىزدى بولعان، جۇڭحۋانىڭ تاڭداۋلى ءداستۇرلى مادەنيەتىن ۋاكىل ەتكەن جۇڭگو اقىل - پاراساتى ءتوراعا شي جينپيڭنىڭ ەل باسقارۋ يدەياسىنا سىڭىرىلگەن.

برازيليا - جۇڭگو دوستىق قوعامىنىڭ باستىعى ەنريك دانوبرەگا بىلاي دەپ قارادى: «كەدەيلىكتەن ارىلۋ» اتتى كىتاپتا بايىمدالعان جۇڭگونىڭ تاجىريبەلەرى تەك مىزعىماس ساياسي ەرىك - جىگەرمەن جانە اسا ماشاقاتتى ساياساتتىق امالياتپەن عانا كەدەيلىكتەن ارىلۋعا بولاتىندىعىن دالەلدەدى. بۇل كىتاپ جۇڭگونىڭ كەدەيلىكتەن ارىلۋ امالياتى جونىندەگى تولعانىس قانا ەمەس، دۇنيە جۇزىنە جولداعان ارەكەت ۇندەۋى بولىپ، ءبىزدى كەدەيلىكتى ازايتىپ، كەدەيلىكتەن ارىلتۋ جاعىندا اناعۇرلىم زور كۇش قوسۋعا شابىتتاندىردى.

«كەدەيلىكتەن ارىلۋدىڭ» پورتۋگال تىلىندەگى نۇسقاسىن شەتەل تىلدەرى باسپاسى، فۋجيان حالىق باسپاسى جانە برازيليانىڭ كونتراپونتو باسپاسى بىرگە اۋدارىپ باسپادان شىعاردى. وسىدان بۇرىن «كەدەيلىكتەن ارىلۋدىڭ» اعىلشىنشا، فرانسۋزشا، يسپانشا، موڭعۇلشا (كيريل جازۋىندا)، حاۋساشا، سۋاحيليشە، وزبەكشە، لاوسشا نۇسقالارى باسىلىپ شىققان بولاتىن.

قيمىلدى مەملەكەتتىك كەڭەستىڭ اقپارات كەڭسەسى، جۇڭگو شەتەل تىلدەرى مەكەمەسى، جۇڭگونىڭ برازيليادا تۇراتىن ەلشىحاناسى، كونسۋلحاناسى جانە لۋلا عىلمي قوعامى سياقتى برازيليا جاقتىڭ قۇرىلىمدارى بىرگە وتكىزدى. جۇڭگو مەن برازيليانىڭ ءار سالا قايراتكەرلەرىنەن 300 گە جۋىق ادام قيمىلعا قاتىناستى.

كەلۋ قاينارى: حالىق تورابى