وقۋ – اعارتۋ مينيسترلىگى: جالعان قىزمەتكەر قابىلداۋ، جات نيەتپەن كەلىسىمدى كۇشىنەن قالدىرۋ قاتارلى زاڭعا، بەلگىلەمەگە قايشى ارەكەتتەرگە قاتاڭ سوققى بەرىلەدى

وقۋ – اعارتۋ مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى 11 – ايدىڭ 14 - كۇنى بىرلەسىپ قىزمەت ءماجىلىسىن اشىپ، جوعارى مەكتەپ بىتىرگەن ستۋدەنتتەردىڭ كاسىپتەنۋ، شارۋاشىلىق قۇرۋ قىزمەتىن ويداعىداي ىستەۋ جونىندە ورنالاستىرۋ جاسادى. ساناققا قاراعاندا، 2025 – جىلى بۇكىل ەل بويىنشا ادەتتەگى جوعارى مەكتەپتەردەن وقۋ بىتىرگەن وقۋشىلاردىڭ كولەمى 12 ميلليون 220 مىڭ ادامعا جەتىپ، وتكەن جىلدىڭ ۇقساس مەزگىلىندەگىدەن 430 مىڭ ادام ارتقان.

وقۋ – اعارتۋ مينيسترلىگى جەر – جەردىڭ، جوعارى مەكتەپتەردىڭ ”2025 – جىلعى مەملەكەت بويىنشا ادەتتەگى جوعارى مەكتەپ بىتىرگەن وقۋشىلاردىڭ كاسىپتەنۋىن، شارۋاشىلىق قۇرۋىن جەبەۋ جانە قىزمەت وتەۋ جۇيەسى قۇرىلىسى ارەكەتىن“ اتقارۋىن ورنالاستىردى، 9 – ايدان بەرى جەر – جەر، جوعارى مەكتەپتەر 55 مىڭ رەت قىزمەتكەر قابىلداۋ قيمىلىن ورىستەتىپ، 10 ميلليون 930 مىڭ قىزمەت ورنى ينفورماتسياسىمەن قامدادى.

وقۋ – اعارتۋ مينيسترلىگى بىلاي دەدى: جوعارى مەكتەپ بىتىرگەن وقۋشىلاردىڭ جۇمىستانۋ قىزمەتىن ويداعىداي ىستەپ، قاتىستى تاراۋلارمەن سايكەسىپ، جالعان قىزمەتكەر قابىلداۋ، جات نيەتپەن كەلىسىمدى كۇشىنەن قالدىرۋ سياقتى زاڭعا، بەلگىلەمەگە قايشى ارەكەتتەرگە زاڭ بويىنشا قاتاڭ سوققى بەرىپ، مەكتەپ بىتىرگەن وقۋشىلاردىڭ ۇقىق – مۇددەسىن شىنايى قورعايمىز.

كەلۋ قاينارى: حالىق تورابى