ءسىزدىڭ ەسەپشوتىڭىزعا اقشا سالىنعان بولۋى مۇمكىن 

قىس تۇسۋىنە بايلانىستى، ەلىمىزدىڭ سولتۇستىكتەگى وڭىرلەرىندە جىلۋمەن قامداۋ باستالدى. قاتىستى بەلگىلەمەلەرگە ساي، جىلۋمەن قامدالاتىن وڭىرلەردە جۇمىسشى – قىزمەتكەرلەرگە جىلۋمەن قامداۋ قوسىمشا قاراجاتى بەرىلەدى.

قىس مەزگىلىندە جىلۋمەن قامداۋ قوسىمشا قاراجاتىن بەرۋ — ەلىمىز الدىڭعى عاسىردىڭ 50 – جىلدارىنان بەرى اتقارىپ كەلە جاتقان ءتۇزىم. سول كەزدە جىلۋمەن قامداۋ قوسىمشا قاراجاتىنان مەملەكەت ورگاندارىنداعى، سونداي – اق، كاسىپورىندار (جالپى حالىقتىق مەنشىكتەگى كاسىپورىن) مەن ءىسورىندارداعى جۇمىسشى – قىزمەتكەرلەر يگىلىكتەنەتىن. جەكەلەر باسقارۋىنداعى، حالىق باسقارۋىنداعى كاسىپورىنداردىڭ جۇمىسشى – قىزمەتكەرلەرگە جىلۋمەن قامداۋ قوسىمشا قاراجاتىن بەرەتىن – بەرمەيتىنى تۋرالى ەلىمىز زاڭىندا ءماجبۇرلى اتقاراتىن بەلگىلەمە جوق، وسى توپتاعى كاسىپورىندار تيجارات جاعدايىنا قاراي ءوزى بەلگىلەسە بولادى.

قايسى ادامدار جىلۋمەن قامداۋ قوسىمشا قاراجاتىنا يە بولادى؟

بەيجيڭدى مىسالعا الساق، «بەيجيڭ قالاسىنداعى ورگاندار مەن ءىسورىنداردىڭ جۇمىسشى – قىزمەتكەرلەرىنە جىلۋمەن قامداۋ قوسىمشا قاراجاتىن بەرۋ ادىسىندە» بىلاي دەپ بەلگىلەنگەن: ورگاندار مەن ءىسورىندار ءار جىلى 10 – ايدىڭ سوڭىنان بۇرىن ءبىر رەتتە جۇمىسشى – قىزمەتكەرلەرگە كەلەسى جىلۋمەن قامداۋ ماۋسىمىنداعى (سول جىلى 11 – ايدىڭ 15 – كۇنىنەن كەلەسى جىلى 3 – ايدىڭ 15 – كۇنىنە دەيىن) جىلۋمەن قامداۋ قوسىمشا قاراجاتىن بەرەدى.

تيانجين قالاسىنىڭ قاتىستى بەلگىلەمەلەرىنە قاراعاندا، جىلۋمەن شوعىرلى قامداۋدان يگىلىكتەنەتىن جۇمىسشى – قىزمەتكەرلەرگە جىلۋمەن قامداۋ ماۋسىمىندا جىلۋمەن شوعىرلى قامداۋ قوسىمشا قاراجاتى رەتىندە 185 يۋان بەرىلەدى؛ جۇمىسشى – قىزمەتكەرلەردىڭ قىزمەتكە قاتىناسقان ۋاقىتى ءبىر جىلعا تولسا نەمەسە ودان جوعارى بولسا، قىس مەزگىلىندە جىلۋمەن قامداۋ قوسىمشا قاراجاتى ەسەبىنەن 335 يۋان قوسىمشا قاراجاتتان يگىلىكتەنەدى. جوعارىداعى ەكى ءتۇرلى قوسىمشا قاراجات جيىنى 520 يۋان بولادى.

جىلۋمەن قامداۋ قوسىمشا قاراجاتى يگىلىك سيپاتتى ىستەر رەتىندە بولىپ، ونى كاسىپورىندار دەربەس تۇراقتاندىرادى

«كاسىپورىنداردىڭ جۇمىسشى – قىزمەتكەرلەرگە يگىلىك قاراجات تاراتۋىن قازىنالىق جاقتان باسقارۋ جونىندەگى ۇقتىرۋعا» قاراعاندا، جىلۋمەن قامداۋ قوسىمشا قاراجاتى مەكەمەلەردىڭ يگىلىك سيپاتتى ىستەرى سانالادى، قازىر اتقارىلىپ وتىرعان ەڭبەكاقى ءتۇزىمى بويىنشا، كاسىپورىندار دەربەس تۇراقتاندىرادى، ادام ىستەتۋشى ورىن سول ورىننىڭ ءىس جۇزىندىك جاعدايىنا قاراي وتىرىپ، ىشكى جاقتا باسقارۋ ءتۇزىمىن بەلگىلەپ، سول ورىننىڭ جۇمىسشى – قىزمەتكەرلەرىنە جىلۋمەن قامداۋ قوسىمشا قاراجاتىن بەرۋدىڭ ناقتى كولەمىن، ءتاسىلىن جانە ولشەمىن بەلگىلەۋىنە بولادى.

كەلۋ قاينارى: حالىق تورابى