20 ەل توبى باسشىلارىنىڭ 19 - رەتكى باسشىلار ماجىلىسىنە قاتىناسادى ءارى برازيليادا مەملەكەتتىك ساپاردا بولادى

سول جەر ۋاقىتى 11 - ايدىڭ 17 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن ريو - دە - جانەيروعا باردى، برازيليا فەدەراتسيالىق رەسپۋبليكاسىنىڭ زۇڭتۇڭى لۋلانىڭ ۇسىنىسىمەن 20 ەل توبى باسشىلارىنىڭ 19 - رەتكى باسشىلار ماجىلىسىنە قاتىناسادى ءارى برازيليادا مەملەكەتتىك ساپاردا بولادى.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

«حالىق گازەتى»، 11 - ايدىڭ 17 - كۇنى، ريو - دە - جانەيرو (تىلشىلەر حوۋ لۋلۋ، ما فەي). سول جەر ۋاقىتى 11 - ايدىڭ 17 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن ريو - دە - جانەيروعا باردى، برازيليا فەدەراتسيالىق رەسپۋبليكاسىنىڭ زۇڭتۇڭى لۋلانىڭ ۇسىنىسىمەن 20 ەل توبى باسشىلارىنىڭ 19 - رەتكى باسشىلار ماجىلىسىنە قاتىناسادى ءارى برازيليادا مەملەكەتتىك ساپاردا بولادى.

ارناۋلى ۇشاق ريو - دە - جانەيرو گاريون اۋە ارمياسى بازاسىنا جەتكەن كەزدە، برازيليا ۇكىمەتىنىڭ جوعارى دارەجەلى ءمانساپتىلارى قىزۋ قارسى الدى. برازيليا اۋە ارمياسىنىڭ كەرنايشىسى كەرناي تارتىپ قۇرمەت ءبىلدىردى، قۇرمەت قاراۋىلى قىزىل كىلەمنىڭ ەكى جاعىنا ءتىزىلىپ تۇردى.

شي جينپيڭ اۋەجايدا جازباشا ءسوز سويلەپ، برازيليا ۇكىمەتىنە جانە برازيليا حالقىنا ىقىلاستى سالەم جولدادى جانە ىزگى تىلەك ءبىلدىردى.

شي جينپيڭ بىلاي دەپ اتاپ كورسەتتى: مەن برازيلياعا 4 رەت ساپارلاي كەلىپ، برازيليانىڭ 30 جىلعا تاياۋ ۋاقىتتان بەرگى دامۋ وزگەرىسىنە ءوز كوزىممەن كۋا بولدىم، وسى ىستىق ىقىلاستى جەرگە تاعى دا قادام تاستاپ، ايرىقشا جاقىندىق سەزىنىپ تىرمىن. جۇڭگو مەن برازيليا − مۇراتتاس جاقسى دوسردې، قول ۇستاسا العا باساتىن جاقسى سەرىكتەر. شىعىس، باتىس جارتى شارداعى ەكى ءىرى وركەندەپ كەلە جاتقان ەل رەتىندە، جۇڭگو مەن برازيليا مۇحيتپەن ءبولىنىپ، شالعايدا تۇرعانىمەن، ءبىرىن - ءبىرى باۋراپ، الىستان ۇندەستى. تاياۋ جىلداردان بەرى ەكى ەلدىڭ ساياسي ءوزارا سەنىمدىلىگى ۇزدىكسىز تەرەڭدەپ، ناقتى سەلبەستىگى سۇبەلى تابىستارعا قول جەتكىزىپ، گۋمانيتارلىق سەلبەستىگى جان - جاقتان گۇل اشىپ، ءداستۇرلى دوستىقتىڭ جاڭا داۋىرلىك ومىرشەڭدىك كۇشىن تاسقىنداتىپ، حالىقارادا دۇنيە ءجۇزىنىڭ وڭتۇستىگىنىڭ ادىلەت ءۇنىن بىرگە تاراتىپ، دۇنيە ءجۇزىنىڭ بەيبىتشىلىگى مەن دامۋىن جەبەۋگە ماڭىزدى ۇلەس قوستى.

شي جينپيڭ بىلاي دەپ اتاپ كورسەتتى: بيىل ەكى ەل ديپلوماتيالىق قارىم - قاتىناس ورناتۋدىڭ 50 جىلدىعىن سالتاناتپەن قۇتتىقتادى. بۇرىنعىعا مۇراگەر بولىپ، كەيىنگىگە جول اشۋدىڭ ماڭىزدى تاريحي ساتىندە مەن لۋلا زۇڭتۇڭمەن جۇڭگو - برازيليا قارىم - قاتىناسىن ونان ارى جوعارىلاتۋ، ەكى ەلدىڭ دامۋ ستراتەگياسىن ۇشتاستىرۋدى كۇشەيتۋ، سونداي - اق ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرۋدى ءۇمىت ەتەمىن. وسى رەتكى ساپاردىڭ ەكى ەلدىڭ ستراتەگيالىق ءوزارا سەنىمدىلىگىن ونان ارى كۇشەيتىپ، ەكى جاقتىڭ ءار سالاداعى اۋىس - كۇيىسىن، سەلبەستىگىن تەرەڭدەتىپ، جۇڭگو – برازيليا قارىم - قاتىناسىنىڭ كەلەسى ”التىن 50 جىلدىقتى“ باستاۋىنا جەتەكشىلىك ەتەتىندىگىنە سەنەمىن. مەن دە 20 ەل توبى باسشىلارىنىڭ 19 - رەتكى باسشىلار ماجىلىسىنە قاتىناسىپ، ءار جاقپەن بىرگە ۇلى جوسپاردى بىرگە اقىلداسىپ، دامۋدى بىرگە جوسپارلاپ، دۇنيە ءجۇزىنىڭ بارابار، ءتارتىپتى كوپ ۇيەكتەنۋىن، ەكونوميكانىڭ جالپىعا ءتيىمدى، سيىسىمدى جاھاندانۋىن بىرگە دارىپتەپ، 20 ەل توبىنىڭ حالىقارالىق ەكونوميكالىق سەلبەستىكتىڭ ماڭىزدى تۇعىرى رەتىندە اناعۇرلىم زور رول اتقارۋىن ىلگەرىلەتۋدى ءۇمىت ەتەمىن.

ساي چي، ۋاڭ ي قاتارلى ساپارلاستارى سول ۇشاقپەن بىرگە باردى.

جۇڭگونىڭ برازيليادا تۇراتىن باس ەلشىسى جۋ چيڭچياۋ دا اۋەجايعا بارىپ قارسى الدى.

شي جينپيڭ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 31 - رەتكى بەيرەسمي ماجىلىسىنە قاتىناسىپ بولىپ، پەرۋدەگى مەملەكەتتىك ساپارىن اياقتاتىپ، ليمادان اتتاناردا پەرۋ مينيسترلەر كەڭەسىنىڭ ءتوراعاسى ادريانسون، مەملەكەت قورعانىسى مينيسترى استۋديللو قاتارلىلار اۋەجايعا بارىپ اتتاندىرىپ سالدى.

شي جينپيڭ قونالقى قوناق ۇيدەن اۋەجايعا بارا جاتقان جولىندا، كوپتەگەن جەرگىلىكتى بۇقارا وزدىكتەرىنەن جولدىڭ ەكى جاعىنا جينالىپ، اۆتوكولىك اترەتىنە قول بۇلعاپ قۇرمەت ءبىلدىردى، جۇڭگولىق مۇھاجىرلاردىڭ، جۇڭگولىقتاردىڭ، جۇڭگو قارجىلاندىرعان قۇرىلىمداردىڭ، شەتەلدە وقىپ جاتقان وقۋشىلاردىڭ ۋاكىلدەرى جۇڭگو مەن پەرۋدىڭ مەملەكەت تۋىن بۇلعاپ، ءتوراعا شي جينپيڭنىڭ ساپارىنىڭ تابىستى بولعاندىعىن قۇتتىقتادى.

كەلۋ قاينارى: حالىق تورابى