شي جينپيڭ اۆستراليانىڭ زۇڭليى البانەسەمەن كەزدەستى

سول جەر ۋاقىتى 11 - ايدىڭ 18 - كۇنى تۇستەن بۇرىن مەملەكەت ءتوراعاسى شي جينپيڭ ريو - دە - جانەيرودا 20 ەل توبى باسشىلارىنىڭ باسشىلار ماجىلىسىنە قاتىناسۋ كەزىندە اۆستراليانىڭ زۇڭليى البانەسەمەن كەزدەستى.

سۋرەتتى شينحۋا اگەنتتىگىنىڭ ءتىلشىسى جاڭ ليڭ تۇسىرگەن

«حالىق گازەتى»، 11 - ايدىڭ 18 - كۇنى، ريو - دە - جانەيرو (تىلشىلەر ليۋ شاۋحۋا، چىن حايچي). سول جەر ۋاقىتى 11 - ايدىڭ 18 - كۇنى تۇستەن بۇرىن مەملەكەت ءتوراعاسى شي جينپيڭ ريو - دە - جانەيرودا 20 ەل توبى باسشىلارىنىڭ باسشىلار ماجىلىسىنە قاتىناسۋ كەزىندە اۆستراليانىڭ زۇڭليى البانەسەمەن كەزدەستى.

شي جينپيڭ بىلاي دەپ اتاپ كورسەتتى: بىلتىر 11 - ايدا ءبىز بەيجيڭدە جۇڭگو – اۆستراليا قارىم - قاتىناسىنىڭ ۇزاق بولاشاقتىق دامۋىنا ساياتىن ستراتەگيالىق، جالپى جاعدايلىق، باعىتتىق ماسەلەلەر جونىندە ىشكەرىلەي پىكىرلەستىك. ءبىر جىلدان استام ۋاقىتتان بەرى ەكى ەلدىڭ ءار جىگى تىعىز قارىم - قاتىناستى، بارىس - كەلىستى ساقتاپ، ءبىز كەلىسكەن ماڭىزدى ورتاق تانىمداردى تياناقتاندىرۋدى بەلسەنە ىلگەرىلەتىپ، بەلسەندى ىلگەرىلەۋشىلىككە قول جەتكىزدى. جۇڭگو مەن اۆستراليا اراسىندا ءتۇبىرلى مۇددە قاقتىعىسى جوق، ەكى جاق ءوزارا قۇرمەت ەتۋگە، تەڭ تۇرعىدا مامىلە جاساۋعا، پارىقتاردى ساقتاپ، ورتاقتىققا ۇمتىلۋعا تاباندى بولسا بولعانى، جۇڭگو - اۆستراليا قارىم - قاتىناسى، ءسوز جوق، ويداعىداي داميدى. جۇڭگو جاق اۆستراليا جاقپەن بىرگە جۇڭگو مەن اۆستراليانىڭ اناعۇرلىم تولىسقان، ورنىقتى، اناعۇرلىم ناتيجەلى جالپى بەتتىك ستراتەگيالىق سەرىكتەستىك قارىم - قاتىناسىن ورناتۋدى ىلگەرىلەتىپ، وڭىرگە جانە دۇنيە جۇزىنە اناعۇرلىم كوپ ورنىقتىلىق پەن تۇراقتىلىق ۇستەۋدى قالايدى.

شي جينپيڭ بىلاي دەپ اتاپ كورسەتتى: اۆستراليانىڭ 250 نەشە كاسىپورنى بيىلعى جۇڭگو حالىقارالىق يمپورت كورمەسىنە قاتىناسىپ، تاريحتاعى ەڭ جوعارى ورەنى جاراتتى، بۇل − اۆستراليا كاسىپورىندارىنىڭ جۇڭگو ەكونوميكاسىنا جانە ەكى ەلدىڭ سەلبەستىگىنە بەرگەن ”سەنىم بەلەتى“. ەكى جاق ءوزارا تيىمدىلىك جەتكىزىپ، تەڭ يگىلىككە كەنەلەتىن سەلبەستىك جاعدايىن كەڭەيتۋگە تاباندى بولۋى كەرەك. جۇڭگو جاق اۆستراليانىڭ ءتىپتى دە كوپ ساپالى ونىمدەرىن يمپورت ەتۋدى قالايدى، جۇڭگو كاسىپورىندارىن اۆسترالياعا بارىپ قارجى قوسىپ، شارۋاشىلىقتى گۇلدەندىرۋگە شابىتتاندىرادى، اۆستراليا جاقتىڭ جۇڭگو كاسىپورىندارىنا ءادىل، جاريالى، كەمسىتپەيتىن ساۋدا ورتاسىن جاراتۋىن ءۇمىت ەتەدى. جۇڭگو مەن اۆستراليا − ەكونوميكانىڭ جاھاندانۋى مەن ەركىن ساۋدانىڭ قولداۋشىلارى، قورعاۋشىلارى، ەكى جاق سايكەسۋ مەن سەلبەستىكتى كۇشەيتىپ، قورعانىمپازدىققا قارسى تۇرىپ، ءار ەلدىڭ ەسىك اشۋ بارىسىندا وراي مەن مۇددەدەن ورتاق يگىلىكتەنۋىن ىلگەرىلەتىپ، بىرگە دامۋدى جۇزەگە اسىرۋى كەرەك.

البانەسە مىنالاردى ءبىلدىردى: اۆستراليا مەن جۇڭگونىڭ جالپى بەتتىك ستراتەگيالىق ارىپتەستىك قارىم - قاتىناس ورناتقاندىعىنىڭ 10 جىلدىعى قارساڭىندا ءتوراعا شي جينپيڭمەن تاعى كەزدەسكەنىمە توتەنشە قۋانىشتامىن. بىلتىر جۇڭگوعا ساپارلاي بارعاننان بەرى اۆستراليا – جۇڭگو قارىم - قاتىناسى ساۋدانى قامتىعان ءار سالادا ادامدى شابىتتاندىراتىن ىلگەرىلەۋشىلىككە قول جەتكىزىپ، ەكى ەل حالقىنا ناقتى پايدا جەتكىزدى. اۆستراليا جاق ءبىر جۇڭگو ساياساتىنا تاباندى بولىپ، ”قول ۇزۋگە“ قارسى تۇرادى، ەكونوميكانىڭ جاھاندانۋىن ىلگەرىلەتۋدى دارىپتەيدى، جۇڭگومەن ەنەرگيادا بۇرىلىس جاساۋ، كليمات وزگەرىسى سياقتى جاقتارداعى سەلبەستىكتى كۇشەيتۋدى ءۇمىت ەتەدى. جۇڭگونىڭ دامۋى ازيا - تىنىق مۇحيت ءوڭىرىنىڭ ۇزاق ۋاقىت ورنىقتى بولۋى مەن ارتۋىنا ماڭىزدى ۇلەس قوستى، اۆستراليا جاق جۇڭگونىڭ ازيا - تىنىق مۇحيت ەكونوميكالىق سەلبەستىك ۇيىمى سياقتى كوپ جاقتى مەحانيزمدە اتقارعان ماڭىزدى رولىن القايدى، جۇڭگونىڭ 2026 - جىلعى ازيا - تىنىق مۇحيت ءوڭىرى ەكونوميكالىق سەلبەستىك ۇيىمىنىڭ وتاعاسى بولۋىن قولدايدى، جۇڭگومەن كوپ جاقتى قارىم - قاتىناستى كۇشەيتىپ، ءوڭىردىڭ بەيبىتشىلىگى مەن ورنىقتىلىعىن جانە گۇلدەنىپ - كوركەيۋىن، دامۋىن جەبەۋدى قالايدى.

ساي چي، ۋاڭ ي قاتارلىلار كەزدەسۋدە بىرگە بولدى.

كەلۋ قاينارى: حالىق تورابى