ءۇي قۇرىلىسىن كۇش سالا ىلگەرىلەتىپ، حالىق بۇقاراسىنىڭ جوعارى ساپالى قونىستانۋ قاجەتىن اناعۇرلىم ويداعىداي قاناعاتتاندىرۋ كەرەك

شينحۋا اگەنتتىگى، 11 - ايدىڭ 18 – كۇنى، بەيجيڭ (ءتىلشى زوۋ ۋەي). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ 11 - ايدىڭ 18 - كۇنى جۇڭگو قۇرىلىس عىلىم - تەحنيكاسى كورمەسىن ەكسكۋرسيالاپ، تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ تۇرعىن ءۇي جانە قالا - اۋىل قۇرىلىسى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، عىلىم - تەحنيكادا جاڭالىق اشۋ ارقىلى جۇڭگونىڭ قۇرىلىس سالۋىنا قۋات ۇستەپ، حاۋىپسىز، جايلى، جاسىل، زەردەلى جاقسى ءۇي سالۋعا كۇش سالىپ، ءۇي - جاي دامۋىنىڭ جاڭا ۇلگىسىن ورناتۋدى ىلگەرىلەتىپ، حالىق بۇقاراسىنىڭ جوعارى ساپالى تۇرعىن ءۇي قاجەتىن اناعۇرلىم ويداعىداي قاناعاتتاندىرۋ كەرەك.

”عىلىم - تەحنيكا ارقىلى تاماشا تۇرمىسقا دەم بەرۋ، جاڭالىق اشۋ ارقىلى جۇڭگونىڭ قۇرىلىس سالۋىنا جەتەكشىلىك ەتۋدى“ نەگىزگى تاقىرىپ ەتكەن جۇڭگو قۇرىلىس عىلىم - تەحنيكاسى كورمەسى بەيجيڭدە وتكىزىلدى. لي چياڭ كورمە زالىنا كەلىپ، جاڭادان سالىنعان جاقسى ۇيلەر جانە كونەدەن وزگەرتىلگەن جاقسى ۇيلەردىڭ ۇلگى ءۇيى، جاراسىمدى، كوركەم جاڭاشا اۋىل - قىستاق باسپانا ونىمدەرى سياقتىلاردى ەكسكۋرسيالادى. لي چياڭ بىلاي دەپ باسا دارىپتەدى: قازىر ەلىمىزدىڭ تۇرعىن ٷيلەرىنىڭ دامۋى ”بار ما، جوق پا“ دەگەننەن ”جاقسى ما، جوق پا“ دەگەنگە بۇرىلىس جاساۋدا ، تۇرعىنداردىڭ باسپانا ساپاسىن جانە باقىت سەزىمىن جوعارىلاتۋدى جەتەكشى ەتىپ، مولشەر، ساپا، سەزىنۋ سياقتى جاقتاردى شىعار ءتۇيىن ەتىپ، تۇرلىشە قونىس ادەتى، تۇرلىشە جاس كەزەڭى، تۇرلىشە ەكونوميكالىق قۋات سياقتى بۇقارانىڭ قاجەتىن، اسىرەسە، قارتتارعا بەيىمدەلۋ، بالالارعا ىڭعايلى بولۋ سياقتى جاڭا قاجەتتى تولىق ويلاسىپ، سول جەردىڭ جاعدايىنا قاراپ جاقسى ءٷي قۇرىلىسىن ىلگەرىلەتىپ، ولشەم ارقىلى جەتەكشىلىك ەتۋدى كۇشەيتىپ، تەحنيكا ارقىلى جاڭا ءۇيدى جاقسى ۇيگە اينالدىرۋمەن بىرگە، عىلمي جولمەن وزگەرتۋ ارقىلى كونە ءۇيدى دە جاقسى ۇيگە اينالدىرۋ كەرەك.

تەكسەرۋ - زەرتتەۋ بارىسىندا لي چياڭ ”ءۇي - اۆتوموبيل - توراپ“ توعىسقان جاسىل زەردەلى تۇرعىن ءۇي ونىمدەرىنىڭ ۇلگى ءۇيى، فوتوۆولتتىق داۋال سياقتىلاردى كوزدەن كەشىرىپ، قۇلتەمىر، بيىك كەڭىستىكتە عيمارات سالۋ ماشيناسى سياقتى جاڭا تەحنيكالار، جاڭا قولدانىستار جونىندەگى تانىستىرۋلاردى تىڭداپ، ءۇي جوبالاۋ، سالۋ تەحنيكاسى، قۇرىلىستىڭ وزىندىك قۇنى، سايكەستى قىزمەت وتەۋ سياقتى جاعدايلاردى ەگجەي - تەگجەيلى ۇعىستى. لي چياڭ بىلاي دەپ اتاپ كورسەتتى: جاڭا بۋىن ينفورماتسيا تەحنيكاسى، جاڭا ماتەريال، جاڭا ەنەرگيا، جابدىق جاساۋ سياقتى وزىق تەحنيكالاردىڭ قولدانىلۋى قۇرىلىس توڭكەرىسىنە، ەنەرگيا توڭكەرىسىنە تۇرتكى بولۋدا. عىلىم - تەحنيكادا جاڭالىق اشۋدى كۇش سالا ىلگەرىلەتىپ، جاسىلدانۋعا، زەردەلىلەنۋگە، ونەركاسىپتەنۋگە بۇرىلىس جاساۋعا اناعۇرلىم زور كۇش سالىپ، جوبالاۋ، جاساۋ جانە قورعاۋ دەڭگەيىن جاپپاي جوعارىلاتىپ، ءۇي - جاي كاسىبى مەن قۇرىلىس كاسىبىنىڭ جوعارى ساپالى دامۋىن جەبەۋ كەرەك.

لي چياڭ شاڭحاي جيانگو شىعىس جولىنىڭ تاريحي بەينەسىن قورعاۋ جانە قالانى جاڭالاۋ قۇرىلىسى، بەيجيڭ حۋاپيچاڭ حۋتۇڭ 8 - ءنومىرلى ”ءوز ورنىندا بۇزىپ، ءوز ورنىندا سالۋ“ قالىپ ۇلگىسىندەگى جاقسى ۇيلەر سياقتى كورگىزبەلەردى كورگەندە مىنالاردى ءبىلدىردى: قالانى جاڭالاۋ − قازىرگى قالا قۇرىلىسىندا ءدوپ كەلگەن ماڭىزدى مىندەت، وندا اسا زور دامۋ كومەسكى كۇشى بار. حالىق تۇرمىسىن جاقسارتۋ مەن ىشكى سۇرانىمدى ۇلعايتۋدى ۇشتاستىرىپ، ءار جاقتىڭ سايكەسۋىن، سەلبەسۋىن كۇشەيتىپ، جوبادا جاڭالىق اشۋدى ىلگەرىلەتىپ، ولشەمدى ارناعا ءتۇسىرۋدى كەمەلدەندىرىپ، جاقسى ءۇي قۇرىلىسىن ساياساتتىق قولداۋ سەرپىنىن ارتتىرىپ، قالا - قالاشىقتارداعى كونە، شاعىن اۋماقتاردى، قالا ىشىندەگى قىستاقتاردى جانە قاتەرلى، كونە ۇيلەردى جاڭالاۋدى مىقتى يگەرىپ، قونىس ورتاسىن جاقسارتۋ كەرەك. قالانى جاڭالاۋ بارىسىندا بۇقارانىڭ پىكىرىن تولىق تىڭداپ جانە وعان قۇرمەت ەتىپ، تاريحي مادەنيەتتى قورعاۋدى، جالعاستىرۋدى كۇشەيتىپ، جاراسىمدى قالانى بىرگە قۇرىپ، تاماشا تۇرمىستان بىرگە يگىلىكتەنۋ كەرەك.

ۋ جىڭلۇڭ سەرىك بولدى.

كەلۋ قاينارى: حالىق تورابى