شي جينپيڭ مەكسيكانىڭ زۇڭتۇڭى شەينباۋممەن كەزدەستى

سول جەر ۋاقىتى 11 - ايدىڭ 18 - كۇنى تۇستەن كەيىن مەملەكەت ءتوراعاسى شي جينپيڭ ريو - دە - جانەيرودا 20 ەل توبى باسشىلارىنىڭ باسشىلار ماجىلىسىنە قاتىناسۋ كەزىندە مەكسيكانىڭ زۇڭتۇڭى شەينباۋممەن كەزدەستى.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

«حالىق گازەتى»، 11 - ايدىڭ 18 - كۇنى، ريو - دە - جانەيرو (تىلشىلەر شۇي حايلين، چۇي پەي). سول جەر ۋاقىتى 11 - ايدىڭ 18 - كۇنى تۇستەن كەيىن مەملەكەت ءتوراعاسى شي جينپيڭ ريو - دە - جانەيرودا 20 ەل توبى باسشىلارىنىڭ باسشىلار ماجىلىسىنە قاتىناسۋ كەزىندە مەكسيكانىڭ زۇڭتۇڭى شەينباۋممەن كەزدەستى.

شي جينپيڭ شەينباۋمنىڭ مەكسيكا تاريحىنداعى تۇڭعىش ايەل زۇڭتۇڭ بولعاندىعىن تاعى ءبىر رەت قۇتتىقتادى. شي جينپيڭ بىلاي دەپ اتاپ كورسەتتى: 2013 - جىلى مەن مەكسيكادا ساپاردا بولىپ، ەستەن كەتپەس تەرەڭ اسەر الدىم. جۇڭگو مەن مەكسيكا ۇزاق دوستىق داستۇرگە يە، ەكى جاق بارىس - كەلىستى ۇزدىكسىز كۇشەيتىپ، دوستىقتى جالعاستىرىپ، ەكى ەل ەكونوميكاسىنىڭ وسكەلەڭ ءوزارا تولىقتاۋ سيپاتىنان ويداعىداي پايدالانىپ، ناقتى سەلبەستىكتى ۇزدىكسىز ىلگەرىلەتىپ، ەكى ەل قارىم - قاتىناسىنىڭ جاڭا داۋىردە جان - جاقتى دامۋىن ىلگەرىلەتۋى كەرەك. جۇڭگو مەن مەكسيكانىڭ كوپتەگەن حالىقارالىق ماسەلە جونىندەگى كوزقاراسى ۇقساس، ۇستانىمى قابىسقان، ءبارى دە ەكونوميكانىڭ جالپىعا ءتيىمدى، سيىسىمدى جاھاندانۋىن دارىپتەيدى. جۇڭگو مەكسيكامەن بىرگە كوپ جاقتىلىقتى جانە حالىقارالىق ادىلدىك پەن ادىلەتتىلىكتى قورعاپ، دۇنيە ءجۇزى ەكونوميكاسىنىڭ دامۋىن ىلگەرىلەتۋگە وڭ ەنەرگيا قوسۋدى قالايدى.

شەينباۋم مىنالاردى ءبىلدىردى: ءتوراعا شي جينپيڭمەن دوستىق قاتىناس ورناتقانىما وتە قۋانىشتىمىن، مەن ءسىزدىڭ ەكى ەل قارىم - قاتىناسىنا بەرگەن باعاڭىزدى بۇكىلدەي قۇپتايمىن. مەكسيكا مەن جۇڭگونىڭ ارالىعى الىس بولعانىمەن، بايلانىسى توتەنشە تىعىز. كوپتەگەن جۇڭگو كاسىپورىندارى مەكسيكادا كاسىپتىك جۇمىستار ورىستەتۋدە، بۇل مەكسيكا قالاسىنىڭ ماڭىزدى نەگىزدىك قۇرىلعى نىسان قۇرىلىسىنا قاتىناسۋدى قامتيدى. جۇڭگو جاقتىڭ مەكسيكا سۇراپىل داۋىلعا تاپ بولعاندا، تاعى سول سياقتى قيىن - قىستاۋ ساتتەردە زور كۇشپەن شىنايى كومەكتەسكەندىگىنە العىس ايتامىن، بۇل − ەكى ەل حالىقتارىنىڭ دوستىعىنىڭ پارمەندى ايعاعى. مەكسيكا مەن جۇڭگو ەكەۋى دە كوپ جاقتىلىقتى قورعاۋعا كۇش سالادى، مەكسيكا جاق جۇڭگو جاقپەن كومەسكى كۇشتەردى اشىپ، ءار سالاداعى سەلبەستىكتى اناعۇرلىم كەڭەيتۋدى قالايدى.

ساي چي، ۋاڭ ي قاتارلىلار كەزدەسۋدە بىرگە بولدى.

كەلۋ قاينارى: حالىق تورابى