جۇڭگو مۇگەدەكتەر بىرلەستىگى قاتارلى 5 تاراۋ ” مۇگەدەكتەرگە قىس مەزگىلىندەگى كومەكتەسۋ“ قيمىلىن ورىستەتۋ جونىندە ورنالاستىرۋ جاسادى 

حالىق گازەتىنىڭ ءتىلشىسى ي شۋران 12 – ايدىڭ 29 – كۇنى بەيجيڭنەن حابارلايدى. جۋىردا جۇڭگو مۇگەدەكتەر بىرلەستىگى، حالىق ىستەرى مينيسترلىگى، مەملەكەتتىك باس جۇمىسشىلار ۇيىمى، كوممۋنيستىك جاستار وداعى ورتالىق كوميتەتى، مەملەكەتتىك ايەلدەر بىرلەستىگى «”مۇگەدەكتەرگە قىس مەزگىلىندەگى كومەكتەسۋ“ قيمىلىن ورىستەتۋ، قيىنشىلىعى بار اۋىر دارەجەدەگى مۇگەدەكتەرگە كومەكتەسۋ قىزمەتىن كۇشەيتۋ جونىندەگى ۇقتىرۋدى» بىرگە باسىپ تاراتىپ، جەر – جەردىڭ جاڭا جىل، كوكتەم مەرەكەسى مەزگىلىندە ” مۇگەدەكتەرگە قىس مەزگىلىندەگى كومەكتەسۋ قيمىلىن“ شوعىرلى ورىستەتۋى جونىندە ورنالاستىرۋ جاسادى.

ۇقتىرۋدا مىنالار باسا دارىپتەلگەن: ءار دارەجەلى مۇگەدەكتەر بىرلەستىگى، حالىق ىستەرى تاراۋلارى، جۇمىسشىلار ۇيىمى، كوممۋنيستىك جاستار وداعى، ايەلدەر بىرلەستىگى جاڭا جىل مەن كوكتەم مەرەكەسى مەزگىلىندە قيىنشىلىعى بار اۋىر دارەجەدەگى مۇگەدەكتەرگە كومەكتەسۋ قيمىلىن شوعىرلى ورىستەتۋى، پارتيا مەن ۇكىمەتتىڭ مۇگەدەكتەرگە بولعان قامقورلىعى مەن كوڭىل ءبولۋىن جەتكىزۋى كەرەك. قيىنشىلىعى بار اۋىر دارەجەدەگى مۇگەدەكتەردىڭ وتباسىنا، مۇگەدەكتەرگە قىزمەت وتەۋ قۇرىلىمدارىنا بارىپ، مۇگەدەكتەردىڭ ءوندىرىسى مەن تۇرمىسى، ۇقىعىن قورعاۋ جاعدايى، امانات بويىنشا كۇتىمدەلۋى، قوعامدىق كومەككە يە بولۋى، ساۋىقتىرۋ جاعىنداعى قىزمەتتەن يگىلىكتەنۋى، ەمدەلۋى جانە وقۋى قاتارلى جاقتارداعى ناقتى جاعدايلاردى بەتپە – بەت ۇعىسۋى كەرەك، وتە – موتە، تۇتقيىل تۋىلعان، ۋاقىتتىق، شۇعىل شەشۋ قاجەتتى بولعان قيىنشىلىقتارى بار – جوقتىعىنا نازار اۋدارۋى كەرەك.

جەرگىلىكتى ورىنداعى قوعامدىق قامتاماسىزداندىرۋ ساياساتى، مۇگەدەكتەرگە كومەكتەسىپ، مۇگەدەكتەرگە تيىمدىلىك جاساۋ ساياساتى قاتارلىلارمەن سالىستىرا وتىرىپ، بارلىق ءادىس - امالداردى قولدانىپ، مۇگەدەكتەردىڭ شۇعىل، قيىن، ۋايىمداتقان، زارىقتىرعان ماسەلەلەرىن، وتە – موتە، جۋىردا شەشىم ەتۋدى شۇعىل قاجەت ەتىپ وتىرعان ناقتى قيىنشىلىقتارىن شەشۋ كەرەك. ” مۇگەدەكتەرگە قىس مەزگىلىندەگى كومەكتەسۋ“ قيمىلى بارىسىندا مۇگەدەك قارتتار، مۇگەدەك جۇمىسشى – قىزمەتكەرلەر، مۇگەدەك جاستار، مۇگەدەك ايەلدەر، مۇگەدەك بالالار قاتارلى توپتارعا باعىتتامالى تۇردە نازار اۋدارىپ، ءارقايسى ورىندار وزدەرىنىڭ ابزالدىلىعىن ساۋلەلەندىرىپ، قىزمەتتە بىرىككەن كۇش قالىپتاستىرىپ، قامقورلىق جاساۋ جانە سۇيەمەلدەۋ قىزمەتىن دالمە – ءدال، ويداعىداي ورىستەتۋى كەرەك.

كەلۋ قاينارى: حالىق تورابى