حالىق ىستەرى مينيسترلىگى شارت – جاعدايى بار جەرلەردى جاڭا جىل مەرەكەسى مەن كوكتەم مەرەكەسى قارساڭىندا ءبىر رەتتىك تۇرمىستىق قوسىمشا قاراجاتتى كوبەيتىپ تاراتۋعا شابىتتاندىردى 

شينحۋا اگەنتتىگىنىڭ ءتىلشىسى گاۋ لەي 12 – ايدىڭ 28 – كۇنى بەيجيڭنەن حابارلايدى. حالىق ىستەرى مينيسترلىگى جۋىردا ۇقتىرۋ باسىپ تاراتىپ، جەر – جەردىڭ 2025 – جىلعى جاڭا جىل مەن كوكتەم مەرەكەسى مەزگىلىندە قيىنشىلىعى بار جۇرتشىلىقتىڭ تۇرمىسىن قامتاماسىزداندىرۋ قىزمەتىن ويداعىداي ىستەۋى جونىندە ورنالاستىرۋ جاسادى. ۇقتىرۋدا شارت – جاعدايى بار جەرلەردى جاڭا جىل مەن كوكتەم مەرەكەسى قارساڭىندا كومەك قاراجاتى تاراتۋعا نەمەسە ءبىر رەتتىك تۇرمىستىق قوسىمشا قاراجاتتى كوبەيتىپ تاراتۋعا شابىتتاندىرىپ، جەرگىلىكتى ورىنداعى دامۋ – رەفورما تاراۋلارىمەن بىرگە قوعامدىق قۇتقارۋ جانە قامتاماسىزداندىرۋ ولشەمىن زات باعاسىنىڭ جوعارىلاۋىمەن ۇشتاستىرۋ مەحانيزمىن دەر كەزىندە بەلگىلەمە بويىنشا ىسكە قوسۋدى، باعاعا قاتىستى ۋاقىتتىق قوسىمشا قاراجاتتى تاراتۋدى، زات باعاسىنىڭ قىمباتتاۋىنا بايلانىستى قيىنشىلىعى بار بۇقارانىڭ نەگىزدىك تۇرمىسىنىڭ ىقپالعا ۇشىراۋىن مۇمكىندىگىنشە ازايتۋدى تالاپ ەتكەن.

ۇقتىرۋدا مىنالاردى دا تالاپ ەتكەن: جەر – جەر ەڭ تومەنگى تۇرمىس دەڭگەيى قامتاماسىزداندىرىلاتىن وبيەكتىلەردى، ەرەكشە قيىنشىلىعى بار ادامداردى تۇراقتاندىرۋ قىزمەتىن ويداعىداي ىستەۋ نەگىزىندە، ەڭ تومەنگى تۇرمىس دەڭگەيىن قامتاماسىزداندىرۋ ولشەمىنە تاياعان وتباسىلاردى، تۇراقتى شىعىمدى وتەۋدە قيىنشىلىققا ۇشىراعان وتباسىلاردى تۇراقتاندىرۋ قىزمەتىن جاپپاي ورىستەتىپ، تۇراقتاندىرۋ شارتىن اناعۇرلىم ناقتىلاندىرۋ، كومەكتەسۋ – سۇيەمەلدەۋ شارتىنا ۋاقىتشا تولمايتىن ەڭ تومەنگى تۇرمىس دەڭگەيىن قامتاماسىزداندىرۋ ولشەمىنە تاياعان وتباسىلار مەن تۇراقتى شىعىمدى وتەۋدە قيىنشىلىققا ۇشىراعان وتباسىلاردى ۇدايى بايقاۋ كولەمىنە ەنگىزۋ، كومەكتەسۋ – سۇيەمەلدەۋ شارتىنا ۇيلەسەتىندەرگە دەر كەزىندە سايكەستى كومەكتەسۋ – سۇيەمەلدەۋ شارالارىن اتقارۋ كەرەك.

كەلۋ قاينارى: حالىق تورابى