شي جينپيڭ جيممي كارتەردىڭ قايتىس بولۋىنا بايلانىستى ا ق ش - نىڭ زۇڭتۇڭى بايدەنگە كوڭىل ايتۋ تەلەگرامماسىن جولدادى

شينحۋا اگەنتتىگى، 12 - ايدىڭ 30 - كۇنى، بەيجيڭ. 12 - ايدىڭ 30 - كۇنى مەملەكەت ءتوراعاسى شي جينپيڭ ا ق ش - نىڭ بۇرىنعى زۇڭتۇڭى جيممي كارتەردىڭ قايتىس بولۋىنا بايلانىستى ا ق ش - نىڭ زۇڭتۇڭى بايدەنگە كوڭىل ايتۋ تەلەگرامماسىن جولدادى. شي جينپيڭ جۇڭگو ۇكىمەتى جانە جۇڭگو حالقى اتىنان، سونداي - اق ءوز اتىنان بۇرىنعى زۇڭتۇڭ كارتەردىڭ قايتىس بولعاندىعىنا قايعىلى ازا ءبىلدىردى، ونىڭ وتباسىنداعىلاردان شىنايى حال سۇرايتىندىعىن ءبىلدىردى.

شي جينپيڭ مىنالاردى ءبىلدىردى: بۇرىنعى زۇڭتۇڭ جيممي كارتەر − جۇڭگو مەن ا ق ش - نىڭ ديپلوماتيالىق قارىم - قاتىناس ورناتۋىن ىلگەرىلەتۋشى جانە شەشىم جاساۋشى، ۇزاق ۋاقىتتان بەرى جۇڭگو - ا ق ش قارىم - قاتىناسىنىڭ دامۋىن جانە ەكى ەلدىڭ دوستىق اۋىس - كۇيىسى مەن سەلبەستىگىن جەبەۋگە ماڭىزدى ۇلەس قوستى. مەن ونىڭ قايتىس بولعاندىعىنا قاتتى قايعىرامىن. جۇڭگو - ا ق ش قارىم - قاتىناسى − دۇنيە جۇزىندەگى ەڭ ماڭىزدى ەكى جاقتى قارىم - قاتىناستاردىڭ ءبىرى. جۇڭگو جاق ا ق ش جاقپەن بىرگە قۇلشىنىپ، ەكى ەل حالقىنىڭ ءتۇبىرلى مۇددەسىن كوزدەپ، حالىقارالىق قوعامنىڭ جالپى بەتتىك تىلەگىنە سايكەسىپ، جۇڭگو - ا ق ش قارىم - قاتىناسىنىڭ اقاۋسىز، ورنىقتى، باياندى دۇرىس ارنامەن العا دامۋىن ىلگەرىلەتۋدى قالايدى.

كەلۋ قاينارى: حالىق تورابى