شي جينپيڭ مەملەكەت بويىنشا ماداقتالىپ - سيلانعان دەمالىسقا، زەينەتكە شىققان كادرلار وزات كوللەكتيۆتەرى مەن وزات جەكەلەر ۋاكىلدەرىن قابىلدادى

12 - ايدىڭ 31 - كۇنى پارتيا مەن مەملەكەت باسشىلارىنان شي جينپيڭ، ساي چي، ديڭ شۋەشياڭ قاتارلىلار بەيجيڭدەگى حالىق سارايىندا مەملەكەت بويىنشا ماداقتالىپ - سيلانعان دەمالىسقا، زەينەتكە شىققان كادرلار وزات كوللەكتيۆتەرى مەن وزات جەكەلەر ۋاكىلدەرىن قابىلدادى.

سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن

«حالىق گازەتى»، 12 - ايدىڭ 31 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 12 - ايدىڭ 31 - كۇنى تۇستەن بۇرىن بەيجيڭدەگى حالىق سارايىندا مەملەكەت بويىنشا ماداقتالىپ - سيلانعان دەمالىسقا، زەينەتكە شىققان كادرلار وزات كوللەكتيۆتەرى مەن وزات جەكەلەر ۋاكىلدەرىن ىقىلاسپەن قابىلداپ، ولاردى قىزۋ قۇتتىقتادى، ولاردىڭ داڭقتى ءداستۇردى اسقاقتاتىپ، ساياسي قاسيەتتى ماڭگى ساقتاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە ۇزدىكسىز بەلسەندى ۇلەس قوسۋىن ءۇمىت ەتتى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ قابىلداۋعا قاتىناستى.

تۇستەن بۇرىن ساعات 11 دەن 30 مينۋت وتكەندە شي جينپيڭ قاتارلىلار حالىق سارايىنىڭ سولتۇستىك زالىنا كىرگەندە تۇتاس زالدا قىزۋ شاپالاق ءۇنى كوتەرىلدى. شي جينپيڭ قاتارلىلار ۋاكىلدەرمەن ىقىلاسپەن قول الىسىپ، ءالسىن - ءالى اڭگىمەلەستى ءارى توپتىق ەستەلىك سۋرەتكە ءتۇستى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇيىمداستىرۋ ءبولىمىنىڭ باستىعى لي گانجيە قابىلداۋعا قاتىناستى ءارى 12 - ايدىڭ 30 - كۇنى تۇستەن بۇرىن اشىلعان مەملەكەت بويىنشا دەمالىسقا، زەينەتكە شىققان كادرلار وزات كوللەكتيۆتەرى مەن وزات جەكەلەردى ماداقتاۋ - سيلاۋ جينالىسىندا ءسوز سويلەدى. ول مىنالاردى ءبىلدىردى: باس شۋجي شي جينپيڭنىڭ قارت كادرلار قىزمەتى جونىندەگى ماڭىزدى بايىمداۋلارىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، جاڭا ءداۋىردىڭ جاڭا جورىعىندا قارت كادرلار قىزمەتىن جوعارى ولشەممەن، جوعارى ساپامەن ويداعىداي ىستەۋ كەرەك.

جينالىستا دەمالىسقا، زەينەتكە شىققان كادرلاردان 150 وزات كوللەكتيۆ جانە 450 وزات جەكە ماداقتالىپ - سيلاندى. شاڭحاي قالاسى ياڭپۋ رايونى ”لاۋياڭشۋ ۇگىت لەكسيا ۇيىرمەسىنىڭ“ ۇجىم جاۋاپتىسى ني لايدي، شانشي ولكەسى يۇيلين قالاسى جياشيان اۋداندىق حالىق شيپاحاناسىنىڭ زەينەتكە شىققان كادرى لۋ شىڭمەي، شىنجوۋ الەم كەمەسىنىڭ تۇڭعىش باس جوبالاۋشىسى چي فارىن قاتارلىلار جەكە - جەكە جينالىستا ءسوز سويلەدى.

حى ۋەيدۇڭ، شىن ي - چين قابىلداۋعا قاتىناستى، جياڭ شينجى قابىلداۋعا قاتىناستى ءارى جينالىستى باسقاردى.