مەملەكەتتىك ساياسي كەڭەس جاڭا جىل شاي ءماجىلىسىن وتكىزدى

12 - ايدىڭ 31 - كۇنى مەملەكەتتىك ساياسي كەڭەس بەيجيڭدە جاڭا جىل شاي ءماجىلىسىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاي ماجىلىسىندە ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

12 - ايدىڭ 31 - كۇنى مەملەكەتتىك ساياسي كەڭەس بەيجيڭدە جاڭا جىل شاي ءماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار شاي ماجىلىسىنە قاتىناستى ءارى كونسەرتتى تاماشالادى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

شينحۋا اگەنتتىگى، 12 - ايدىڭ 31 - كۇنى، بەيجيڭ. جۇڭگو حالىق ساياسي ءماسليحات كەڭەسى مەملەكەتتىك كوميتەتى 12 - ايدىڭ 31 - كۇنى تۇستەن بۇرىن مەملەكەتتىك ساياسي كەڭەس زالىندا جاڭا جىل شاي ءماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ءارقايسى دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن، ورتالىق پەن مەملەكەت ورگاندارىنىڭ قاتىستى جاقتارىنىڭ جاۋاپتىلارىمەن، سونداي - اق استاناداعى ءار ۇلت، ءار سالا قايراتكەرلەرىنىڭ ۋاكىلدەرىمەن ءبىر ارادا شاتتىقپەن باس قوسىپ، 2025 - جىلعى جاڭا جىلدى بىرگە قارسى الدى.

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى (ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار). ول بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋ بارىسىندا ارايلى كۇندەر عانا ەمەس، داۋىلدى نوسەر، اۋەلى، سۇراپىل تولقىن دا بولادى. ءبىز ستراتەگيالىق تاباندىلىقتى ساقتاپ، بۇكىل جۇڭحۋا پەرزەنتتەرىنىڭ ىنتىماقتاسا كۇرەس جاسايتىن قۋاتتى بىرىككەن كۇشىن ۇيىستىرىپ، تولقىن جارا ىلگەرىلەپ، ەرلىكپەن العا تارتىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسىن ۇزدىكسىز العا ىلگەرىلەتۋىمىز كەرەك.

شي جينپيڭ جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس جانە ورتالىق اسكەري ىـستـەر كومـيتەتى اتىنان ءارقايسى دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بۇكىل ەلدەگى ءار ۇلت حالقىنا، شياڭگاڭدىق باۋىرلاستارعا، اۋمىندىق باۋىرلاستارعا، تايۋاندىق باۋىرلاستارعا جانە مەملەكەت سىرتىنداعى چياۋمين باۋىرلاستارعا، جۇڭگونىڭ وسىزامانداندىرۋ قۇرىلىسىنا كوڭىل بولگەن جانە قولداۋ كورسەتكەن ءار ەلدەگى دوستارعا جاڭا جىل بايلانىسىمەن ىزگى تىلەك تىلەدى!

شي جينپيڭ بىلاي دەپ اتاپ كورسەتتى: 2024 - جىل − ”14 - بەسجىلدىق“ جوبانىڭ نىسانا - مىندەتتەرىن جۇزەگە اسىرۋداعى شەشۋشى ءبىر جىل. ءبىر جىلدان بەرى ەل ءىشى - سىرتىنىڭ جاعدايى اكەلگەن سىن - سايىس الدىندا ءبىز وزگەرىسكە بايىپتىلىقپەن توتەپ بەرىپ، كەشەندى شارا قولدانىپ، تۇتاس جىلداعى ەكونوميكالىق، قوعامدىق دامۋدىڭ باستى نىسانا - مىندەتتەرىن ءساتتى ورىنداپ، جۇڭگو ۇلگىسىندەگى وسىزامانداندىرۋدا جاڭا نىق قادام تاستادىق. ءبىر جىلدان بەرگى دامۋ بارىسى اسا وزگەشە بولىپ، ناتيجەسى ادامدى جەلپىندىرىپ، ءبىزدىڭ جۇڭگو ۇلگىسىندەگى وسىزامانداندىرۋدى ىلگەرىلەتۋ بەكىمىمىز بەن سەنىمىمىزدى اناعۇرلىم بەكەمدەدى.

شي جينپيڭ بىلاي دەپ باسا دارىپتەدى: ءبىر جىلدان بەرى حالىق ساياسي كەڭەسى جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، وزەكتى مىندەتپەن تىعىز بايلانىستىرىپ مىندەتىن اتقارىپ، جاۋاپكەرشىلىگىن ادا ەتىپ، ءوز قۇرىلىسىن كۇشەيتىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى.

شي جينپيڭ بىلاي دەپ اتاپ كورسەتتى: 2025 - جىل − ”14 - بەسجىلدىق“ جوبا اياقتالاتىن جىل. ءبىز ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى تىڭعىلىقتى ىلگەرىلەتىپ، رەفورمانى ونان ارى جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، اناعۇرلىم بەلسەندى دە ءونىمدى ماكرولىق ساياسات اتقارىپ، ەكونوميكانىڭ ۇزدىكسىز قايتا ورلەۋىن، جاقسارۋىن ىلگەرىلەتىپ، حالىقتىڭ تۇرمىس دەڭگەيىن ۇزدىكسىز جوعارىلاتىپ، قوعامنىڭ جاراسىمدىلىعىن، ورنىقتىلىعىن ساقتاپ،”14 - بەسجىلدىق“ جوبانىڭ نىسانا - مىندەتتەرىن جوعارى ساپامەن ورىنداپ، ”15 - بەسجىلدىقتىڭ“ تاماشا باستاماسىن جۇزەگە اسىرۋعا بەرىك نەگىز قالاۋىمىز كەرەك.

شي جينپيڭ بىلاي دەپ باسا دارىپتەدى: حالىق ساياسي كەڭەسى پارتيا باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، وزەكتى ارقاۋ ەتىپ، كەلەلى جاعدايعا قىزمەت وتەپ، ارناۋلى كەڭەس قۇرىلىمىندىق رولىن تولىق ساۋلەلەندىرىپ، يدەيالىق - ساياسي جەتەكشىلىكتى كۇشەيتىپ، بەلسەنە اقىل - كەڭەس، سىندارلى پىكىر بەرىپ، ءتىپتى دە كەڭ كولەمدە جۇرت تىلەگىن ۇيىستىرۋى، ورتاق تانىم ۇيىستىرۋى، اقىل - پاراسات ۇيىستىرۋى، كۇش - قۋات ۇيىستىرۋى كەرەك.

شاي ءماجىلىسىن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ باسقاردى. ول بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جۇڭگو كوممۋنيستىك پارتياسىنىڭ جاپپاي باسشىلىعىنا تيتتەي دە اۋىتقىماي تاباندى بولىپ، حالىق ساياسي كەڭەسىنىڭ سيپاتىن، ورنىن مىقتاپ يگەرىپ، وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، رەفورما جاساپ، جاڭالىق اشۋ رۋحىمەن مىندەت وتەۋ قابىلەتى قۇرىلىسىن ىلگەرىلەتىپ، سەنىمدى بەكەمدەپ، ىنتىماقتاسا ەكپىندەي ىلگەرىلەپ، 2025 - جىلعى ەلىمىزدىڭ ەكونوميكالىق، قوعامدىق دامۋ نىسانا - مىندەتتەرىن جاپپاي ورىنداۋعا كەڭ كولەمدە زەيىن - زەردە، كۇش - قۋات ۇيىستىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزۋ كەرەك.

جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين ءارقايسى دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ءسوز سويلەپ مىنانى ءبىلدىردى: شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر نيەت، ءبىر تىلەكتە بولىپ، ىنتىماقتاسا كۇرەس جاساپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى نىساناسىنا قاراي بۇلجىماي ەرلىكپەن العا ىلگەرىلەيمىز.

شاي ماجىلىسىندە شي جينپيڭ قاتارلىلار ءار سالا قايراتكەرلەرىنىڭ اراسىنا كەلىپ، كوپشىلىكپەن ىقىلاسپەن قول الىسىپ، ءوزارا سالەمدەستى. مەملەكەتتىك ساياسي كەڭەستىڭ مۇشەلەرى مەن ادەبيەت - كوركەمونەر قىزمەتكەرلەرى تارتىمدى كونسەرت قويدى. سوڭىندا بۇكىل زالداعىلار ورىندارىنان تۇرىپ «ىنتىماق - كۇش» ءانىن اسقاقتاتا شىرقادى. ءماجىلىس الاڭى شات - شادىمان، بەرەكەلى مەرەكە بەينەسىنە شومدى.

بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى ءبىر ءبولىم باسشى جولداستار، مەملەكەتتىك ساياسي كەڭەستەگى باسشى جولداستار جانە بۇرىن مەملەكەتتىك ساياسي كەڭەس ءتوراعاسىنىڭ ورىنباسارى مىندەتىن اتقارعان بەيجيڭدەگى ساقا جولداستار شاي ماجىلىسىنە قاتىناستى.

كەلۋ قاينارى: حالىق تورابى