جاڭادان 91 ءتۇرلى ءدارى ارتتىرىلدى، ەمدەۋدى قامسىزداندىرۋ كولەمىندەگى ءدارى – دارمەكتەردىڭ جاڭا نۇسقاداعى تىزىمدىگى 1 – ايدىڭ 1 – كۇنىنەن باستاپ اتقارىلدى 

«مەملەكەتتىك نەگىزدىك ەمدەۋدى قامسىزداندىرۋ، جۇمىس ۇستىندە جارالانۋدان قامسىزداندىرۋ جانە تۋىتتان قامسىزداندىرۋ كولەمىندەگى ءدارى – دارمەكتەر تىزىمدىگى (2024 – جىلعى)» 1 – ايدىڭ 1 – كۇنى رەسمي اتقارىلدى، قامسىزداندىرۋعا قاتىناسۋشىلار ەمحانالار مەن ءدارىحانالاردان ءدارى ساتىپ العان كەزدە، جاڭا نۇسقاداعى تىزىمدىك بويىنشا اتقارىلادى. وسى رەت رەتتەلگەننەن سوڭ، 91 ءتۇرلى ءدارى مەملەكەتتىك ەمدەۋدى قامسىزداندىرۋ كولەمىندەگى ءدارى – دارمەكتەردىڭ تىزىمدىگىنە جاڭادان قوسىلدى، سونىمەن بىرگە، كلينيكادا باسقا دارىگە اۋىستىرىلعان نەمەسە ۇزاق ۋاقىت بويى وندىرىلمەگەن 43 ءتۇرلى ءدارى تىزىمدىكتەن شىعارىلدى.

بىرنەشە كۇننەن بەرى، قامسىزداندىرۋعا قاتىناسۋشىلار ەمدەلگەن كەزدە قاتىستى ەمدەۋ سالاسىنان وسى تىزىمدىككە ەنگەن ەڭ جاڭا نۇسقاداعى دارىلەردى سۇراستىردى. بەيجيڭ داشۋەسى حالىق ەمحاناسىنىڭ ىشكى سەكرەتسيا بولىمىندە ەمدەلىپ جاتقان قانتتى نەسەپ اۋرۋىنا شالدىققان ناۋقاستار جاڭا نۇسقاداعى تىزىمدىككە ەنگىزىلگەن ينسۋلين اپتالىق جاساۋلى ۋكولىنە ىقىلاس تانىتتى، بۇل ۋكولدى ءبىر رەت سالۋ ارقىلى ءبىر اپتا ىشەتىن دارىدەن پايدالانۋ قاجەتىن قاناعاتتاندىراتىن بولىپ، ۋكول سالدىرۋشىلاردىڭ اۋىرتپالىعىن جەڭىلدەتەدى. ەمدەۋدى قامسىزداندىرۋ كولەمىنە ەنگىزىلگەن سوڭ، بۇرىنعىمەن سالىستىرعاندا الدە قايدا قول جەتىمدى بولۋمەن بىرگە، دارىگە جۇمسايتىن قاراجات تا بارىنشا ازايادى.

كەلۋ قاينارى: حالىق تورابى