تۇرعىن ءۇي الەۋمەتتىك جيناق قورىنان العان قارىزدىڭ ءوسىمى 1 – ايدىڭ 1 – كۇنىنەن باستاپ تومەندەتىلەدى 

2024 – جىلى 5 – ايدىڭ 17 – كۇنى، جۇڭگو حالىق بانكەسى جەكەلەردىڭ تۇرعىن ءۇي جيناق قورىنان العان قارىزىنىڭ ءوسىمىن تومەندەتۋ تۋرالى ۇقتىرۋدى جاريالاپ، جەكەلەردىڭ تۇرعىن ءۇي جيناق قورىنان العان قارىزىنىڭ ءوسىمىن 0.15 پايىزعا تومەندەتۋدى جاريالاعان. بەلگىلەمەگە ساي، وسىنىڭ الدىندا تۇرعىن ءۇي جيناق قورىنان جەكەلەرگە تاراتىلىپ بولعان قارىزعا 2025 – جىلى 1 – ايدىڭ 1 – كۇنىنەن باستاپ جاڭا ءوسىم اتقارىلادى.

تۇرعىن ءۇي جيناق قورىنان العان قارىزدىڭ ءوسىمى قالاي رەتتەلەدى

تۇرعىن ءۇي جيناق قورىنان العان قارىز دەگەنىمىز 2024 – جىلى 5 – ايدىڭ 18 – كۇنىنەن بۇرىن تۇرعىن ءۇي جيناق قورىنان جەكەلەردىڭ ءۇي ساتىپ الۋىنا بەرىلگەن قارىزدى كورسەتەدى، 2025 – جىلى 1 – ايدىڭ 1 – كۇنىنەن باستاپ، العاشقى ءۇي جانە ەكىنشى ءۇي بويىنشا ءوسىمى جەكە – جەكە رەتتەلەدى، اتاپ ايتقاندا:

ءوزى تۇرۋعا العان العاشقى تۇرعىن ءۇي: 5 جىلدان تومەن (5 جىلدى قامتيدى) قارىزدىڭ ءوسىمى %2.35 بولادى، 5 جىلدان جوعارعى قارىزدىڭ ءوسىمى %2.85 بولادى.

ءوزى تۇرۋعا العان ەكىنشى ءۇي: 5 جىلدان تومەن (5 جىلدى قامتيدى) قارىزدىڭ ءوسىمى %2.775 بولادى، 5 جىلدان جوعارعى قارىزدىڭ ءوسىمى %3.325 بولادى.

ەسكەرتەرلىك ءىس، تۇرعىن ءۇي جيناق قورىنان جاڭادان تاراتىلعان قارىزدىڭ ءوسىمى اۆتوماتتى رەتتەلەدى، ءوتىنىش بەرۋدىڭ قاجەتى جوق. قازىرگى جاعدايدان الىپ قاراعاندا، تۇرعىن ءۇي جيناق قورىنان بەرىلگەن قارىزدىڭ ءوسىمى قازىر تاريحتاعى ەڭ تومەنگى رەكوردتى جاڭالادى.

كەلۋ قاينارى: حالىق تورابى