پارتيانى رەفورما رۋحىمەن جانە قاتاڭ ولشەممەن باسقارۋعا، جونگە سالۋعا تاباندى بولىپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىل ويداعىداي جۇرگىزۋ كەرەك

1 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

«حالىق گازەتى»، 1 - ايدىڭ 6 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 6 - كۇنى تۇستەن بۇرىن جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە ماڭىزدى ءسوز سويلەدى. ول بىلاي دەپ باسا دارىپتەدى: جاڭا داۋىردەن بەرى پارتيانى جاپپاي قاتاڭ جونگە سالۋدى جانە شىرىكتەسۋگە قارسى تۇرۋ كۇرەسىن ىلگەرىلەتۋدىڭ تەبىنى بۇرىن بولماعان دارەجەدە زورايدى، ناتيجەسى جۇرتقا ايان. شىرىكتەسۋگە قارسى تۇرۋ ماڭگى جالعاسادى دەيتىن قايسارلىقتى، تاباندىلىقتى جانە تەگەۋرىندى كۇيدى باستان - اياق ساقتاپ، قادامدى استە توقتاتپاي، شەگىنشەكتەمەي، شىرىكتەسۋگە باتىلى بارماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، وسى قامال الۋ شايقاسىن، ۇزاققا سوزىلاتىن شايقاستى، جالپى تۇلعالىق شايقاستى باتىل ويداعىداي جۇرگىزۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ ماجىلىسكە قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي ءماجىلىستى باسقاردى.

شي جينپيڭ بىلاي دەپ اتاپ كورسەتتى: 2024 - جىلى پارتيا ورتالىق كوميتەتى پارتيانىڭ وزىندىك توڭكەرىسى ارقىلى قوعامدىق توڭكەرىسكە جەتەكشىلىك ەتۋگە تاباندى بولىپ، پارتيانى جاپپاي قاتاڭ جونگە سالۋدى دايەكتى ىلگەرىلەتىپ، تىڭ ىلگەرىلەۋشىلىككە جانە ونىمدىلىككە قول جەتكىزدى. بۇكىل پارتياداعىلار وزىنە توڭكەرىس جاساۋ سىندى كەلەلى ماسەلەدە تانىمدى اناعۇرلىم ايقىنداپ، ارەكەتتە اناعۇرلىم بەكەمدەلە ءتۇستى؛ پارتيا ءتارتىبى جونىندەگى ۇيرەنۋ تاربيەسى تىڭعىلىقتى ورىستەتىلگەندىكتەن، بۇكىل پارتياداعى جولداستاردىڭ ەرەجەگە، تارتىپكە بويسۇنۋ تانىمى كورنەكتى كۇشەيدى؛ شىرىكتەسۋگە قارسى تۇرۋ تەبىنى ۇزدىكسىز نىعايعاندىقتان، شىرىكتەسۋدىڭ ءوسىپ - ونەتىن ورتاسى مەن شارت - جاعدايى الاستالدى؛ بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى وڭاۋ ىشكەرىلەي ورىستەتىلگەندىكتەن، بۇقارانىڭ اڭىسى كۇشتى بولعان ءبىر توپ كورنەكتى ماسەلە شەشىلدى؛ پارتيانى ءتۇزىم ارقىلى جونگە سالۋ، پارتيانى ەرەجە بويىنشا جونگە سالۋ تەرەڭدەتىلگەندىكتەن، پارتيانىڭ شىرىكتەسۋگە قارسى تۇرۋ كۇرەسىنە باسشىلىق ەتۋ، پارتيانى جاپپاي قاتاڭ جونگە سالۋدى ىلگەرىلەتۋ قابىلەتى اناعۇرلىم جوعارىلاتىلدى.

شي جينپيڭ بىلاي دەپ باسا دارىپتەدى: شىرىكتەسۋ − پارتيامىز ءدوپ كەلگەن ەڭ ۇلكەن قاتەر، شىرىكتەسۋگە قارسى تۇرۋ − ەڭ تۇبەگەيلى وزىندىك توڭكەرىس. جاڭا داۋىرگە قادام تاستاعاننان كەيىن، پارتيا ىشىندەگى پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىندەگى كورنەكتى ماسەلەلەر الدىندا، ءبىز شىرىكتەسۋ بولادى ەكەن، ءسوزسىز، قارسى تۇرۋعا، قياناتشىلدىق بولادى ەكەن، ءسوزسىز، الاستاۋعا تاباندى بولىپ، كادرلار قوسىنىن ۇزدىكسىز كىرشىكسىزدەندىرىپ، پارتيانىڭ وبرازىن قورعاپ، قىزىل بيلىكتى بەكەمدەپ، پارتيانىڭ ساپاسىن وزگەرتپەۋ، ءتۇسىن وزگەرتپەۋ سىندى تاريحي ىرىقتىلىققا قول جەتكىزدىك، پارتيا بۇكىل حالىقتى ىنتىماقتاستىرىپ جانە باستاپ، مەملەكەتتى قۇدىرەتتەندىرۋ قۇرىلىسى، ۇلتتىڭ گۇلدەنۋى ۇلى ءىسى ءۇشىن بىرگە كۇرەس جاسايتىن تاريحي ىرىقتىلىققا قول جەتكىزدىك.

شي جينپيڭ بىلاي دەپ اتاپ كورسەتتى: قازىر شىرىكتەسۋگە قارسى تۇرۋ كۇرەسىنىڭ جاعدايى ءالى دە قاتاڭ، كۇردەلى. شىرىكتەسۋدىڭ مولشەرى ءالى الاستالىپ بولعان جوق، ارتۋ مولشەرى ءالى دە ۇزدىكسىز تۋىلۋدا، شىرىكتەسۋدىڭ ءوسىپ - ءوربيتىن ورتاسى مەن شارت - جاعدايىن الاستاۋ مىندەتى ءالى دە جاپالى، اۋىر. شىرىكتەسۋگە قارسى تۇرۋ كۇرەسىن تانۋدا، ءسوز جوق، تاريحي كورەگەندىك، ستراتەگيالىق ورە بولۋ، پارتيانىڭ بورىشى مەن مىندەتىن جۇزەگە اسىرۋدى كوزدە ۇستاۋ كەرەك. شىرىكتەسۋگە قارسى تۇرۋ كۇرەسىنە، ءسوز جوق، اۋىتقىماستان تاباندى بولۋ كەرەك، ءارى - ءسارى بولۋعا، سولقىلداقتىق ىستەۋگە، بوساڭسۋعا، جۇمساق قولدىلىق ىستەۋگە نەمەسە ورتا جولدا تاستاپ قويۋعا بولمايدى، ويتپەگەندە، ءبارى دە ويرانداۋ سيپاتتى قاتەلىككە اپارىپ سوعادى. ءتۇرلى قاتە تانىمداردى، يدەيالىق الجاسۋدى باتىل الاستاپ، شىرىكتەسۋگە قارسى تۇرۋ كۇرەسىنىڭ بەكىمى مەن سەنىمىن ونان ارى بەكەمدەۋ كەرەك.

شي جينپيڭ بىلاي دەپ باسا دارىپتەدى: جاڭا ءداۋىردىڭ جاڭا جورىعىندا پارتيانى رەفورما رۋحىمەن جانە قاتاڭ ولشەممەن باسقارۋعا، جونگە سالۋعا تاباندى بولىپ، اناعۇرلىم زور ونىمدىلىككە قول جەتكىزۋگە قۇلشىنىپ، پارتيانىڭ 20 - قۇرىلتايى مەن پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ ورنالاستىرۋلارىنىڭ ناقتىلانۋىنا، تياناقتانۋىنا كەپىلدىك ەتىپ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيىتقىسى بولۋىنا كەپىلدىك ەتىپ، جۇڭگو ۇلگىسىندەگى وسىزامانداندىرۋدىڭ ورنىقتى، باياندى دامۋىن ىلگەرىلەتۋ كەرەك.

شي جينپيڭ بىلاي دەپ اتاپ كورسەتتى: ساياسي باقىلاۋدى ناقتىلاندىرۋدى، دالمە - دالدەندىرۋدى، ۇدايىلاندىرۋدى ىلگەرىلەتۋ كەرەك. پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋدى، ءسوز جوق، ورىنداۋ كەرەك. يدەيالىق جاقتا پارتيانىڭ جاڭالىق اشۋ نازارياسىمەن قارۋلانۋدى قاجىماي - تالماي كۇشەيتىپ، پارتيا ورتالىق كوميتەتىنىڭ ءوز رايونىنا، ءوز تاراۋىنا، ءوز سالاسىنا قاراتقان رەفورما، دامۋ نىساناسى مەن تالابىن دۇرىس يگەرىپ، يدەيانىڭ بىرلىككە كەلۋىنە، بەتالىستىڭ بىرلىككە كەلۋىنە كەپىلدىك ەتۋ كەرەك. ساياسي جاقتا پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، ساياسي ءتارتىپ پەن ساياسي قاعيدانى قاتايتىپ، ”جەتى ءتۇرلى نىسايعا“ استە جول بەرمەۋ، ءسوزى مەن ارەكەتىنىڭ بىردەي بولۋىنا، بۇيرىقتى بۇلجىتپاي اتقارۋعا كەپىلدىك ەتۋ كەرەك. ارەكەت جاعىندا پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ تياناقتانۋ جاعدايىن ساياسي باقىلاۋدىڭ ءتۇيىنى ەتۋگە تاباندى بولىپ، رەفورمادا قامال الۋدى كۇش بىرىكتىرە ىلگەرىلەتىپ، جوعارى ساپالى دامۋدى جەبەۋ كەرەك.

شي جينپيڭ بىلاي دەپ باسا دارىپتەدى: پارتيانىڭ ءتارتىپ قۇرىلىسىن كۇشەيتۋ − ۇدايىلىق قىزمەت، پارتيا مۇشەلەرىن، كادرلاردى ىرىقسىز تەجەمدى ىرىقتى تەجەمگە اينالدىرۋعا، پارتيا ءتارتىبىن كۇندەلىكتى ءسوز - ارەكەت ولشەمىنە اينالدىرۋعا جەتەكتەۋ كەرەك. ۇدايىلانعان، باياندى ءتارتىپ تاربيەسى مەحانيزمىن ورناتىپ، ءتارتىپ تاربيەسىن كادرلاردىڭ ءوسىپ - جەتىلۋىنىڭ جالپى ۋاقىت مەزەتىنە، ۇيىمدىق باسقارۋدىڭ تۇتاس بارىسىنا ءسىڭىرۋ كەرەك. پارتيا ءتارتىبىن قاتاڭ اتقارىپ، ”ءتورت ءتۇرلى كۇيدەن“ دۇرىس پايدالانىپ، شىندىقتى ءىس جۇزىنەن ىزدەۋ، بەيكۇنالاردى ناقاق جازالاماۋ، شىرىكتەسكەندەردى ىرقىنا جىبەرمەۋ، ەرتە باستان، كىشكەنە ماسەلەدەن باستاپ يگەرۋ، اسقىنۋدان ساقتاۋ، قاتاڭ باسقارۋ، باقىلاۋ مەن جاۋاپكەرشىلىك ارقالاۋعا، ىسكەرلىك كورسەتۋگە شابىتتاندىرۋدى بىرلىككە كەلتىرۋ، كادرلاردىڭ ەرەجەگە، تارتىپكە بويسۇنۋ بارىسىندا رەفورما جاساپ، جاڭالىق اشۋىنا، ءىس تىندىرىپ، يگىلىك جاراتۋىنا مۇمكىندىك جاساۋ كەرەك.

شي جينپيڭ بىلاي دەپ اتاپ كورسەتتى: شىرىكتەسۋدى بىرگە تەكسەرۋدى، بىرگە جونگە سالۋدى ىشكەرىلەي ىلگەرىلەتۋ كەرەك. استە راقىم ەتپەۋگە باستان - اياق تاباندى بولىپ، ورتالىقتىڭ سەگىز ءتۇرلى بەلگىلەمەسىن بۇلجىماس قاعيدا، قاتاڭ ولشەم ەتىپ، تارتىپكە قاسارىسا قايشىلىق جاساعان، كومەسكى، ءتۇرى وزگەرگەن ”ءتورت ءتۇرلى بۇرىس ستيل“ ماسەلەلەرىن قاتاڭ تەكسەرىپ ءبىر جاقتى ەتىپ، پارتيا مۇشەلەرىن، كادرلاردى ەرەكشە ۇقىق يدەياسى مەن ەرەكشە ۇقىق قۇبىلىسىنا باتىل قارسى تۇرىپ، دۇرىس ۇقىق كوزقاراسىن، ساياسي ناتيجە كوزقاراسىن، ءىس كوزقاراسىن بەرىك ورناتۋعا قۋزاۋ كەرەك. شىرىكتەسۋگە قارسى تۇرۋدىڭ تەگەۋرىندى كۇيىن باستان - اياق ساقتاپ، ءتۇيىندى ماسەلەلەردى، ءتۇيىندى سالالاردى، ءتۇيىندى وبيەكتىلەردى باسا يگەرىپ، كۇش سالا تەكسەرىپ، پارا الۋ مەن پارا بەرۋدى بىرگە تەكسەرۋدى تەرەڭدەتىپ، شىرىكتەسۋدىڭ جۇيەلىك حاۋىپ - قاتەرى مەن كومەسكى قاتەرىن باتىل الاستاۋ كەرەك. مىسال ارقىلى رەفورمانى جەبەۋدى، ناقتى ونىمدىلىكتى جەبەۋدى كۇشەيتىپ، ۇقىقتى ورنالاستىرۋ، جۇرگىزۋدەگى تەجەۋ جانە باقىلاۋ مەحانيزمىن كەمەلدەندىرۋدى ىلگەرىلەتىپ، جاڭاشا شىرىكتەسۋ مەن كومەسكى شىرىكتەسۋدەن ساقتانۋدىڭ ءونىمدى ءادىسىن بايىتۋ كەرەك. ستيلدى دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى ءوزارا ساباقتاستىرۋعا تاباندى بولىپ، ”بىرگە تەكسەرۋ“ ارقىلى شىرىكتەسۋدى قاتاڭ جازالاپ، شىرىكتەسۋدىڭ ورتاق قاينارىن ”بىرگە وڭاۋ“ ارقىلى الاستاۋ كەرەك.

شي جينپيڭ بىلاي دەپ باسا دارىپتەدى: پارتيانى جاپپاي قاتاڭ جونگە سالۋدىڭ نەگىزگى تۇلعالىق جاۋاپكەرشىلىگى مەن باقىلاۋ جاۋاپكەرشىلىگىن كۇشەيتۋ كەرەك. پارتكوم ىرىقتىلىقپەن يگەرۋى، ىرىقتىلىقپەن باسقارۋى، ءتارتىپ تەكسەرۋ كوميتەتى ارناۋلى باقىلاۋدى ويداعىداي اتقارۋى، نازاردى نەگىزگى جاۋاپكەرشىلىككە شوعىرلاندىرىپ، نەگىزگى كاسىپتى ويداعىداي ىستەۋى، ءارقايسى جاۋاپكەرشىلىك تۇلعالارى تۇگەلدەي جاۋاپكەرشىلىگىن ءبىلۋى، جاۋاپكەرشىلىگىن ارقالاۋى، جاۋاپكەرشىلىگىن وتەۋى كەرەك. جاۋاپكەرشىلىكتى تياناقتاندىرۋدى باعالاۋ مەحانيزمىن ساپالىلاندىرىپ، مىندەتىن، جاۋاپكەرشىلىگىن اتقارماۋدى دالمە - ءدال، عىلمي جاۋاپقا تارتۋ كەرەك.

شي جينپيڭ بىلاي دەپ اتاپ كورسەتتى: پارتيانى جاپپاي قاتاڭ جونگە سالۋدىڭ نەگىزگى ساتىعا قاراي كەڭەيۋىن ۇزدىكسىز ىلگەرىلەتۋ كەرەك. ءار دارەجەلى پارتكومدار، وتە - موتە، قالالىق، اۋداندىق پارتكومدار بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن جونگە سالۋدى ماڭىزدى مىندەت رەتىندە ۇدايىلاندىرا يگەرىپ، بۇقارانىڭ سەزىنۋىنە مۇمكىندىك جاساۋ كەرەك. نەگىزگى ساتىنىڭ باقىلاۋ ءتۇزىلىس، مەحانيزمى رەفورماسىن تەرەڭدەتىپ، ءتارتىپ تەكسەرۋ، باقىلاۋ - تەكسەرۋدى نەگىزگى ساتىنى شارلاۋمەن ۇشتاستىرۋ، ءار جاقتاعى باقىلاۋمەن ءبىر تۇتاس جوسپارلاۋ كەرەك. فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ باياندى مەحانيزمىن تياناقتاندىرىپ، قالىڭ نەگىزگى ساتى كادرلارىنىڭ تياناقتاندىرۋدى اناعۇرلىم كوپ زەيىن - زەردەمەن يگەرۋىنە مۇمكىندىك جاساۋ كەرەك.

شي جينپيڭ بىلاي دەپ باسا دارىپتەدى: ءتارتىپ تەكسەرۋ، باقىلاۋ - تەكسەرۋ ورگاندارى − پارتيانىڭ وزىندىك توڭكەرىس جاساۋىن ىلگەرىلەتەتىن ماڭىزدى كۇش، پارتيا مەن حالىق بۇل قوسىنعا تولىق سەنەدى، زور ءۇمىت ارتادى. ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن تەرەڭدەتىپ، ۇقىق بەرۋ مەن ۇقىقتى تىزگىندەۋدى ءوزارا ۇشتاستىرۋعا تاباندى بولىپ، ۇقىقتى ءتۇزىم تەجەمىنە ەنگىزۋ كەرەك. ءتارتىپ تەكسەرۋ، باقىلاۋ - تەكسەرۋ قىزمەتىن جۇيەلىلەندىرۋ، زاڭمەن جونگە سالۋ، ارناعا ءتۇسىرۋ قۇرىلىسىن كۇش سالا نىعايتىپ، ستيلدى دۇرىستاپ، ءتارتىپتى قاتايتۋ قابىلەتىن ۇزدىكسىز جوعارىلاتۋ كەرەك. نەگىزگى تاقىرىپتىق تاربيە مەن تاربيەلەۋ، رەتكە سالۋدىڭ جەتىستىكتەرىن بەكەمدەپ جانە كەڭەيتىپ، تەمىر سوقساڭ قۇرىش بول دەگەنگە تاباندى بولىپ، قاتاڭ باسقارۋدى، باقىلاۋدى كۇشەيتىپ، ادال، كىرشىكسىز، جاۋاپكەرشىلىك ارقالايتىن، كۇرەس جۇرگىزۋگە باتىل، شەبەر ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قۇرۋ كەرەك.

لي شي جىيىندى باسقارعاندا مىنالاردى كورسەتتى: باس شۋجي شي جينپيڭنىڭ ماڭىزدى ءسوزى وتكەن ءبىر جىلداعى پارتيانى جاپپاي قاتاڭ جونگە سالۋداعى جاڭا ىلگەرىلەۋشىلىكتەردى، جاڭا ناتيجەلەردى تولىق تۇراقتاندىرىپ، شىرىكتەسۋگە قارسى تۇرۋ كۇرەسىنىڭ نەگىزگى زاڭدىلىعىن بيىك تاريحي تۇرعىدان تەرەڭ يگەرىپ، قازىرگى شىرىكتەسۋگە قارسى تۇرۋ كۇرەسىنىڭ جاعدايىنا تەرەڭ تالداۋ جاساپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىل ويداعىداي جۇرگىزۋ جونىندە ايقىن تالاپتار قويىپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتۋ جونىندە ستراتەگيالىق ورنالاستىرۋ جاسادى. ءسوز الىستى بولجاعان، يدەياسى تەرەڭ، ماسەلەگە بەتپە - بەت كەلىپ، قاتاڭ ەسكەرتۋ بەرىپ، پارتيانى جاپپاي قاتاڭ جونگە سالۋ مەن شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋگە ماڭىزدى تياناق ازىرلەدى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، سەنىمدى بەكەمدەپ، باتىلدىقپەن كۇرەس جۇرگىزىپ، پارتيانى جاپپاي قاتاڭ جونگە سالۋ ساياسي جاۋاپكەرشىلىگىن مۇقيات اتقارىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، شىرىكتەسۋگە قارسى تۇرۋ كۇرەسىن تاباندىلىقپەن ىشكەرىلەي ىلگەرىلەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار، سونداي - اق ورتالىق اسكەري ىستەر كوميتەتىنىڭ مۇشەلەرى ماجىلىسكە قاتىناستى.

ورتالىق ءتارتىپ تەكسەرۋ كوميتەتىنىڭ مۇشەلەرى، ورتالىق پەن مەملەكەت ورگاندارىنىڭ ءارقايسى تاراۋلارىنداعى، ءارقايسى حالىقتىق ۇيىمدارداعى، ارميانىڭ قاتىستى ورىندارىنداعى نەگىزگى جاۋاپتى جولداستار قاتارلىلار ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا وتكىزىلدى، ولكە، اۆتونوميالى رايون، توتە قاراستى قالالاردا جانە شينجياڭ ءوندىرىس - قۇرىلىس بيڭتۋانىندا، سونداي - اق ارميانىڭ قاتىستى ورىندارىندا بولىمشە ءماجىلىس الاڭى ورنالاستىرىلدى.

جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ءماجىلىسى 1 - ايدىڭ 6 - كۇنى بەيجيڭدە اشىلدى. ورتالىق ءتارتىپ تەكسەرۋ كوميتەتىنىڭ تۇراقتى كوميتەتى ءماجىلىستى باسقاردى. 1- ايدىڭ 6 - كۇنى تۇستەن كەيىن لي شي ورتالىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان «پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، پارتيانى جاپپاي قاتاڭ جونگە سالۋدىڭ جاڭا ناتيجەلەرى ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى كەپىلدىك ازىرلەيىك» دەگەن تاقىرىپتا قىزمەت بايانداماسىن جاسادى.

كەلۋ قاينارى: حالىق تورابى