ۋاڭ حۋنيڭ پەرۋ پارلامەنتىنىڭ ءتوراعاسى سالۋانامەن كەزدەستى

شينحۋا اگەنتتىگى، 1 - ايدىڭ 6 - كۇنى، بەيجيڭ. مەملەكەتتىك ساياسي كەڭەستىڭ ءتوراعاسى ۋاڭ حۋنيڭ 1 - ايدىڭ 6 - كۇنى بەيجيڭدە پەرۋ پارلامەنتىنىڭ ءتوراعاسى سالۋانامەن كەزدەستى.

ۋاڭ حۋنيڭ مىنالاردى ءبىلدىردى: تاياۋدا ءتوراعا شي جينپيڭ پەرۋگە بارىپ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 31 - رەتكى بەيرەسمي ماجىلىسىنە قاتىناستى ءارى پەرۋدە ءساتتى مەملەكەتتىك ساپاردا بولىپ، جۇڭگو مەن پەرۋدىڭ جان - جاقتى ستراتەگيالىق سەرىكتەستىك قارىم - قاتىناسىنىڭ تاريحي تىڭ پاراعىن اشتى. جۇڭگو جاق پەرۋ جاقپەن بىرگە قۇلشىنىپ، جۇڭگو - پەرۋ قارىم - قاتىناسىندا ۇزدىكسىز اناعۇرلىم كوپ جەتىستىكتەرگە قول جەتكىزىپ، ەكى ەل حالقىن اناعۇرلىم باقىتقا كەنەلتۋدى قالايدى. جۇڭگو مەملەكەتتىك ساياسي كەڭەسى پەرۋ جاقپەن اۋىس - كۇيىستى، سەلبەستىكتى كۇشەيتىپ، ەكى ەلدىڭ مەملەكەتتى وسىزامانداندىرۋ جولىندا قول ۇستاسا العا باسۋىن جەبەۋگە ۇلەس قوسۋدى قالايدى.

سالۋانا مىنالاردى ءبىلدىردى: پەرۋ مەن جۇڭگو − وركەنيەتتى بايىرعى ەلدەر. پەرۋ جۇڭگو جاقپەن بىرگە ەكونوميكا - ساۋدا، قارجى قوسۋ، ەنەرگيا، گۋمانيتارلىق سياقتى سالالارداعى سەلبەستىكتى ونان ارى ىلگەرىلەتۋدى، چيانكاي پورتىنىڭ دامۋىن بىرگە ىلگەرىلەتۋدى، ”ءبىر بەلدەۋ، ءبىر جولدى“ بىرگە قۇرۋ سەلبەستىگىن ۇزدىكسىز تەرەڭدەتۋدى قالايدى. پەرۋ پارلامەنتى جۇڭگو جاقپەن اۋىس - كۇيىستى، ءوزارا ۇلگى الۋدى كۇشەيتىپ، ەكى ەل قوعامىنىڭ ءار سالاسىنداعىلاردىڭ ءوزارا ءتۇسىنىسۋى مەن دوستىعىن جەبەۋدى قالايدى.

جوۋ چياڭ، ۋاڭ دۇڭفىڭ قاتارلىلار كەزدەسۋگە قاتىناستى.

كەلۋ قاينارى: حالىق تورابى