ادامداردى ىزدەۋ - قۇتقارۋدى بار كۇشپەن ورىستەتىپ، ءولىم - ءجىتىمدى مۇمكىندىكتىڭ بارىنشا ازايتىپ، اپاتقا ۇشىراعان بۇقارانى لايىقتى ورنالاستىرىپ، قىستان حاۋىپسىز، جىلى وتۋىنە كەپىلدىك ەتۋ كەرەك

شينحۋا اگەنتتىگى، 1 - ايدىڭ 7 - كۇنى، بەيجيڭ. 1 - ايدىڭ 7 - كۇنى ساعات 9 دان 5 مينۋت وتكەندە، شيزاڭنىڭ رىكازى قالاسىنىڭ ديڭرى اۋدانىندا 6.8 بال جەر سىلكىنىپ، اۋىر ءولىم - ءجىتىم بولىپ، قىرۋار ءۇي قۇلادى.

جەر سىلكىنگەننەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا ءمان بەردى ءارى ماڭىزدى نۇسقاۋ بەرىپ بىلاي دەپ اتاپ كورسەتتى: شيزاڭنىڭ رىكازى قالاسى ديڭرى اۋدانىندا 6.8 بال جەر سىلكىنىپ، اۋىر ءولىم - ءجىتىم بولدى. ادامداردى ىزدەۋ - قۇتقارۋدى بار كۇشپەن ورىستەتىپ، جارالانعانداردى بار كۇشپەن قۇتقارىپ، ەمدەپ، ءولىم - ءجىتىمدى مۇمكىندىكتىڭ بارىنشا ازايتىپ، قوسالقى اپاتتىڭ تۋىلۋىنان ساقتانىپ، اپاتقا ۇشىراعان بۇقارانى ۇيلەسىمدى ورنالاستىرىپ، سوڭعى جۇمىس سياقتىلاردى جاقسى ىستەۋ كەرەك. جەر سىلكىنىسى جاعدايىن باقىلاۋ - تەكسەرۋدى، ساقتاندىرۋدى كۇشەيتىپ، قاتەردەن اراشالاۋ، قۇتقارۋ - كومەكتەسۋ زاتتىق ماتەريالدارىن دەر كەزىندە جوتكەپ، بۇلىنگەن نەگىزدىك قۇرىلعىلاردى جەدەل جوندەپ، بۇقارانىڭ نەگىزگى تۇرمىسىن ويداعىداي ورنالاستىرىپ، قىستان حاۋىپسىز، جىلى وتۋىنە كەپىلدىك ەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، بىلاي دەپ اتاپ كورسەتتى: اپات جاعدايى مەن ءولىم - ءجىتىم جاعدايىن جەدەل انىقتاپ، قاتەردەن اراشالاۋعا، قۇتقارۋ - كومەكتەسۋگە بار كۇشپەن ۇيىمداستىرۋ ءارى سىلكىنىس جاعدايىن باقىلاۋ - ولشەۋدى كۇشەيتىپ، ءتۇرلى قوسالقى اپاتتاردان ساقتانىپ، ءولىم - ءجىتىمدى مۇمكىندىكتىڭ بارىنشا ازايتۋ كەرەك. جەر سىلكىنىسى اپاتى تۋىلعان ءوڭىر ءۇستىرتتى سۋىق وڭىرگە ورنالاسقان، ءدال قىس مەزگىلى، اپاتقا ۇشىراعان رايونداعى بۇقارانىڭ نەگىزگى تۇرمىسى مەن قىستان جىلى ءوتۋىن امالدىڭ بارىنشا قامتاماسىز ەتۋ كەرەك.

شي جينپيڭنىڭ ماڭىزدى نۇسقاۋى مەن لي چياڭنىڭ تالابىنا ساي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گوچيڭ قاتىستى تاراۋلارداعى جاۋاپتى جولداستاردى باستاپ ناق مايدانعا بارىپ قۇتقارۋ، ءبىر جاقتى ەتۋ قىزمەتىنە جەتەكشىلىك ەتتى، مەملەكەتتىك كەڭەستىڭ جەر سىلكىنىسىنە قارسى اتتانىپ، اپاتتان قۇتقارۋ قولباسشىلىق شتابى كەڭسەسى، شۇعىل جاعدايعا توتەپ بەرۋدى باسقارۋ مينيسترلىگى مەملەكەتتىك جەر سىلكىنىسىنە شۇعىل توتەپ بەرۋدىڭ 3 - دارەجەلى ۇندەۋىن ىسكە قوستى، شيزاڭ اۆتونوميالى رايونى كۇش ۇيىمداستىرىپ، قاتەردەن اراشالاپ، اپاتتان قۇتقارۋ قىزمەتىن بار كۇشپەن ورىستەتىپ، اپاتقا ۇشىراعان بۇقارانى ۇيلەسىمدى ورنالاستىردى. جەر سىلكىنىسى اپاتىنا قارسى اتتانىپ، اپاتتان قۇتقارۋدىڭ ءتۇرلى قىزمەتتەرى شۇعىل، ءتارتىپتى ىستەلۋدە.

كەلۋ قاينارى: حالىق تورابى