مەملەكەتتىك حالىق قۇرىلتايـى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن تىڭدادى، ورتالىق كوميتەت شۋجيچۋىنىڭ قىزمەت بايانداماسىن تىڭدادى

شينحۋا اگەنتتىگى، 1 - ايدىڭ 9 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 1 - ايدىڭ 9 - كۇنى تولىق كۇن ءماجىلىس اشىپ، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن تىڭدادى، ورتالىق كوميتەت شۋجيچۋىنىڭ قىزمەت بايانداماسىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

ءماجىلىس بىلاي دەپ اتاپ كورسەتتى: پارتيانىڭ جاپپاي باسشىلىعىنا تاباندى بولۋ − ءبىزدىڭ ەڭ ۇلكەن ساياسي ارتىقشىلىعىمىز. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ − ءبىزدىڭ ۇزدىكسىز جەڭىسكە جەتۋىمىزدىڭ ءتۇبىرلى تياناعى. پارتيا ورتالىق كوميتەتىنىڭ مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن جانە ورتالىق كوميتەت شۋجيچۋىنىڭ قىزمەت بايانداماسىن تىڭداۋى − پارتيانىڭ جاپپاي باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋدىڭ جانە ونى كۇشەيتۋدىڭ ماڭىزدى تۇزىمدىك ورنالاستىرۋى. اماليات مىنانى دالەلدەدى: وسى ماڭىزدى تۇزىمدىك ورنالاستىرۋ پارتيانىڭ جالپى جاعدايدى مەڭگەرىپ، ءار جاقتى سايكەستىرەتىن باسشىلىق ۇيىتقىلىق رولىن تولىق ساۋلەلەندىرىپ، پارتيانىڭ باسشىلىعىن پارتيا مەن مەملەكەت ىستەرىنىڭ ءار سالاسىندا، ءار جاعىندا، ءار بۋىنىندا تياناقتاندىرىپ، نىسانانىڭ بىردەيلىگىنە، اياق الىستىڭ بىركەلكىلىگىنە، بىرىككەن كۇش قالىپتاستىرۋعا كەپىلدىك ەتۋ توتەنشە قاجەتتى، وعان، ءسوز جوق، ۇزاق ۋاقىت تاباندى بولۋ كەرەك.

ءماجىلىس بىلاي دەپ قارادى: وتكەن ءبىر جىلدا مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، ناقتى ءىس ىستەۋدى ماڭداي الدى ورىنعا قويۋ بەتالىسىن بەرىك ورناتىپ، بورىش پەن جاۋاپكەرشىلىكتى كۇشەيتىپ، تىڭعىلىقتى مىندەت اتقارىپ، جاۋاپكەرشىلىكتى ادا ەتىپ، پارتيا باسشىلىق گرۋپپاسىنىڭ وزىندىك قۇرىلىسىن كۇشەيتىپ، پارتيانى جاپپاي قاتاڭ باسقارۋدىڭ تۇلعالىق جاۋاپكەرشىلىگىن مۇقيات اتقارىپ، ءار جاقتاعى قىزمەتتە تىڭ ىلگەرىلەۋشىلىككە قول جەتكىزىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ ۇلەس قوستى.

ءماجىلىس بىلاي دەپ قارادى: وتكەن ءبىر جىلدا ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا، ورتالىق كوميتەت شۋجيچۋى مىندەتىن اتقارىپ، جاۋاپكەرشىلىگىن ادا ەتىپ، بەلسەنە ىسكەرلىك كورسەتىپ، پارتيا ورتالىق كوميتەتىنىڭ قاتىستى شەشىمدەرىنىڭ، ورنالاستىرۋلارىنىڭ تياناقتانۋىن ىلگەرىلەتۋ، پارتيا ىشىندەگى زاڭ - ەرەجە قۇرىلىسىن كۇشەيتۋ، بۇقارالىق ۇيىمداردىڭ ۇيىمدىق قۇرىلىسىنا جانە رەفورماسىنا جەتەكشىلىك ەتۋ، فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ سياقتى جاقتاردا قىرۋار قىزمەت ىستەدى.

ءماجىلىس بىلاي دەپ باسا دارىپتەدى: بيىل − ”14 - بەسجىلدىق“ جوبا اياقتالاتىن جىل، سونداي - اق رەفورمانى اناعۇرلىم جاپپاي تەرەڭدەتۋدەگى ماڭىزدى ءبىر جىل. مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى سىندى وسى ەڭ جوعارى ساياسي پرينسيپتەن جازباي، دۇرىس قىزمەت ناتيجەسى كوزقاراسىن ورناتىپ جانە امالياتتا ايگىلەپ، ىستەۋدى ماڭداي الدى ورىنعا قويۋعا تاباندى بولىپ، قايراتتانا ءىس تىندىرىپ، قامال الىپ، قيىنشىلىقتاردى جەڭىپ، پارتيا ورتالىق كوميتەتىنىڭ ءتۇرلى شەشىمدەرىنىڭ، ورنالاستىرۋلارىنىڭ ناقتى تياناقتانۋىنا شىنايى كەپىلدىك ەتىپ، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدىڭ تىڭ ساپارىندا جاڭا جاۋاپكەرشىلىك ارقالاۋدى، جاڭا ىسكەرلىك كورسەتۋدى ايگىلەۋى كەرەك.

ءماجىلىس بىلاي دەپ باسا دارىپتەدى: جاڭا ءبىر جىلدا ورتالىق كوميتەتتىڭ شۋجيچۋى ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسى تۇراقتى كوميتەتىنىڭ ورنالاستىرۋلارى مەن تالاپتارىن ارقاۋ ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ءوز قىزمەت جاۋاپكەرشىلىگىن تياناق ەتىپ، ساياسي جاۋاپكەرشىلىك ارقالاۋدى كۇشەيتىپ، پارتيا ىشىندەگى زاڭ - ەرەجە، بۇقارالىق ۇيىمداردىڭ ۇيىمدىق قۇرىلىسى جانە رەفورماسى، فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ سياقتى ءتۇيىندى قىزمەتتەردى تياناقتاندىرۋدى ويداعىداي يگەرىپ، وزىندىك قۇرىلىستى قاتاڭ كۇشەيتىپ، پارتيا ورتالىق كوميتەتى تاپسىرعان ءتۇرلى مىندەتتەردى جوعارى ساپامەن ورىنداۋى كەرەك.

كەلۋ قاينارى: حالىق تورابى