شيزاڭ ديڭرىدا جەر سىلكىنىسى اپاتىنا بايلانىستى قۇتقارۋ - كومەك بەرۋ قىزمەتى ءتارتىپتى ورىستەتىلۋدە

«حالىق گازەتى»، 1 - ايدىڭ 9 – كۇنى، رىكازى. شيزاڭدا كۇن 6.8 بال جەر سىلكىنىسى تۋىلعاننان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قاتىستى جەرلەر مەن تاراۋلار دەرەۋ اتتانىسقا كەلىپ، ءىس جۇزىندىك ارەكەتتەرى ارقىلى ءتۇرلى شارالاردى ەگجەي - تەگجەيلى تياناقتاندىردى. قازىر جەر سىلكىنىسىنە قارسى اتتانىپ، اپاتتان قۇتقارۋ قىزمەتى ءتارتىپتى ىلگەرىلەتىلىپ، ءار جاقتاعى كۇشتەر اپاتتان كەيىنگى قۇتقارۋ قىزمەتىن ۇزدىكسىز ورىستەتىپ، اپاتقا ۇشىراعان بۇقارانىڭ قىستان امان - ەسەن، توڭباي وتۋىنە كەپىلدىك ەتتى.

شيزاڭداعى 6.8 بال جەر سىلكىنىسى اپاتىنا قارسى اتتانىپ، اپاتتان قۇتقارۋ قىزمەتى جونىندەگى اقپار جاريالاۋ ماجىلىسىندە بىلاي دەلىندى: 1 - ايدىڭ 9 – كۇنى ساعات 6 عا دەيىن جەر سىلكىنىسىندە 126 ادام قازا بولدى، اپاتقا ۇشىراعان بۇقارا 61 مىڭ 500 ادام بولدى. بىرنەشە كۇننەن بەرى مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنى، ازاتتىق ارميا، قارۋلى ساقشى بولىمدەرى، قوعام حاۋىپسىزدىگى كادر - ساقشىلارى جانە قوعامدىق شۇعىل جاعدايعا توتەپ بەرۋ، قۇتقارۋ - كومەكتەسۋ كۇشتەرىنەن 15 مىڭنان استام ادام سىلكىنىس ورتالىعى وڭىرىندە ىزدەۋ، قۇتقارۋ جۇمىسىن ورىستەتتى. اپاتقا ۇشىراعان رايوندا 224 ورنالاستىرۋ ورنى قۇرىلىپ، 12 مىڭنان استام شاتىر تىگىلىپ، اپاتقا ۇشىراعان 47 مىڭ 500 ادام ورنالاستىرىلدى؛ 12 مىڭنان استام جىلىتقىش، 3000 نان استام ەلەكترلى ءاديال سياقتى زاتتار ارت - ارتىنان جەتكىزىلدى ءارى تاراتىلدى. قازىر قوعامداعى ءار سالانىڭ كومەگىندە قۇتقارۋ زاتتارىمەن قامداۋ جەتكىلىكتى بولىپ، بۇقارانىڭ نەگىزگى تۇرمىسى قامتاماسىز ەتىلدى. بار كۇشپەن شۇعىل جوندەۋ ارقىلى اپاتقا ۇشىراعان رايونداردىڭ ەلەكتر، حابار - بايلانىسى نەگىزىنەن قالپىنا كەلدى، مەملەكەتتىك، ولكەلىك نەگىزگى جولدار تۇگەل جوندەلدى، اۋىل - قىستاقتاعى بۇلىنگەن جول بولەكتەرىنىڭ قاتىناۋى قالپىنا كەلدى، لحاسادان رىكازىعا باراتىن تەمىر جول قىزمەت وتەۋى قالپىنا كەلدى.

تانىستىرۋعا قاراعاندا، ءار دارەجەلى ەمدەۋ قۇرىلىمدارى جيىنى 337 جارالىنى ەمدەپ، ەمدەلگەننەن كەيىن 246 ادام بولنيتسادان شىققان. جارالىلاردىڭ جاقسى ەمدەلۋىنە كەپىلدىك ەتۋ ءۇشىن، ءار دارەجەلى ەمدەۋ ماماندارى رىكازى قالاسىندا جارالىلاردى ءبىر - بىردەن تەكسەرىپ، ”ءبىر ادامعا ءبىر شارا“ بويىنشا قۇتقارۋ جوباسىن جاسادى؛ بىرلەسىپ جۇقپالى اۋرۋدان ساقتانۋ بىرلەسپە اترەتى جەر سىلكىنىسى ورتالىعى وڭىرىنە بارىپ دەنساۋلىق ساقتاۋ جاعىنان قامتاماسىزداندىرۋ قىزمەتىن ورىستەتتى؛ شيزاڭ شەكارادان كىرىپ - شىعۋ شەكارا قورعانىس تەكسەرۋ باس پۋنكتى دەنساۋلىق ساقتاۋ قىزمەتكەرلەرىن جىبەرىپ، ۋاقىتتىق ورنالاستىرۋ تۇيىنىندە اپاتقا ۇشىراعان بۇقارانى ەمدەدى.

1 – ايدىڭ 9 – كۇنى مەملەكەتتىك اپاتتان ساقتانۋ، اپات زيانىن ازايتۋ، اپاتتان قۇتقارۋ كوميتەتى كەڭسەسى، شۇعىل جاعدايعا توتەپ بەرۋدى باسقارۋ مينيسترلىگى ساۋدا مينيسترلىگىمەن، ونەركاسىپ جانە ينفورماتسيالاندىرۋ مينيسترلىگىمەن بىرگە شۇعىل جاعدايعا توتەپ بەرۋ زاتتىق ماتەريالدارىن ۇكىمەتپەن، قوعامدىق ۇيىمدارمەن سەلبەسىپ قامتاماسىزداندىرۋ مەحانيزمى ارقىلى 10 مىڭ توننا بيولوگيالىق تۇيىرشىك سياقتى بيولوگيالىق جانار زاتتاردى، سونداي - اق 5000 شۇعىل جاعدايعا توتەپ بەرۋ جارىقتاندىرۋ شىراعى سياقتى زاتتاردى سايكەستىرىپ جەتكىزدى. وسىدان بۇرىن ورتالىقتىڭ ەكى توپتاعى اپاتتان قۇتقارۋ بۇيىمدارى تۇگەلدەي اپات تۋىلعان رايونعا جەتكىزىلدى.

اپات تۋىلعان رايونىنا كومەككە بەرىلگەن قۇراستىرما ۇيلەر اۆتوموبيلمەن (پويەز) جەتكىزىلدى، سىچۋان سياقتى ورىنداردا جۇك پويەزى قاتىناپ، زاتتاردى اپات رايونىنا ەڭ تەز قارقىنمەن جەتكىزىپ تۇردى.

(«حالىق گازەتىنىڭ» تىلشىلەرى لين يۋان، ياڭ چياۋچۋ، ليۋ ۋىنشين، ني ي، جاڭ تيانپەيلەردىڭ جيناق حابارى)

كەلۋ قاينارى: حالىق تورابى