ەلىمىزدە مايمىل شەشەگىنە قاتىستى ءبىر رەتكى شوعىرلى ىندەت جاعدايى بايقالدى 

جۇڭگو اۋرۋدان ساقتانۋ جانە ونى تىزگىندەۋ ورتالىعى تورابىنىڭ 1 – ايدىڭ 9 – كۇنى حابارلاۋىنشا، جۋىردا ەلىمىزدە مايمىل شەشەگى ۆيرۋسىنىڭ Ib قوسالقى تارماعىنا قاتىستى ءبىر رەتكى شوعىرلى ىندەت جاعدايى بايقالدى، جۇعۋ قاينارى شەتەلدىك ءبىر ادام بولىپ، ول وسىنىڭ الدىندا كونگودا (كينشاسا) ساپاردا بولعان.

ىندەت تۋىلعان سوڭ، مەملەكەت جانە جىجياڭ، گۋاڭدۇڭ، بەيجيڭ، تيانجين قاتارلى ولكەلەر (قالالار) بىرلەسىپ ساقتانۋ – تىزگىندەۋ مەحانيزمىن دەرەۋ ىسكە قوسىپ، ەپيدەميولوگيالىق جولمەن تەگىن تەكتەۋ، حاۋىپ – قاتەردى ءبىر – بىرلەپ تەكسەرۋ، ناۋقاستارعا دياگنوز قويۋ جانە ەمدەۋ قاتارلى قىزمەتتەردى ورىستەتىپ، جاقىننان ارالاسقانداردان وسىمەن بايلانىستى 4 ناۋقاستى بايقاعان، ولاردىڭ بارلىعى جاقىننان جۋىسقان سوڭ جۇعىمدالعان. قاتىستى ناۋقاستاردان تەرىسىنە بورتكەن شىعۋ، ۇشىق شىعۋ قاتارلى اۋرۋ بەلگىلەرى بايقالعان، اۋرۋ بەلگىلەرى ءبىرشاما جەڭىل. قازىر جايشا ارالاسقانداردىڭ اراسىنان جۇعىمدالعاندار بايقالماعان، قاتىستى جۇعىمدالۋشىلار مەن جۇعىمدالۋ حاۋپى بار ادامدار ەمدەلۋدە جانە دەنساۋلىعىن باقىلاۋدا، ىندەت ءونىمدى تىزگىندەلدى.

كەلۋ قاينارى: حالىق تورابى