قىستىق دەمالىس مەزگىلىندە ينتەرنەت ارقىلى 12 رەت ارناۋلى قىزمەتكەر قابىلداۋ قيمىلى وتكىزىلەدى 

حالىق گازەتىنىڭ ءتىلشىسى ديڭ ياسۇڭ 1 – ايدىڭ 15 – كۇنى بەيجيڭنەن حابارلايدى. جەر - جەردەگى ءارقايسى جوعارى مەكتەپتەردىڭ قىستىق دەمالىس مەزگىلىنەن تولىق پايدالانىپ، جۇمىستانۋعا جەتەكشىلىك ەتۋىن، قىزمەت وتەۋدى اناعۇرلىم ساپالىلاندىرۋىن ىلگەرىلەتۋ ءۇشىن، جۋىردا وقۋ – اعارتۋ مينيسترلىگى ۇقتىرۋ باسىپ تاراتىپ، جەر - جەردەگى ءارقايسى جوعارى مەكتەپتەردى 2025 - جىلى جوعارى مەكتەپتەردەن وقۋ بىتىرەتىن ستۋدەنتتەرگە باعىتتالعان «قىستىق دەمالىستا جۇمىستانۋدى جەبەپ، مەيىرگە بولەۋ ارەكەتىن» ىشكەرىلەي ورىستەتۋگە ۇيىمداستىردى.

ۇقتىرۋدا مىنالار ايقىن بەلگىلەندى: قىستىق دەمالىس مەزگىلىندە، مەملەكەتتىك ستۋدەنتتەردى جۇمىستاندىرۋ جاعىندا قىزمەت وتەۋ تەكشەسى ءتۇيىندى رايون، ءتۇيىندى كاسىپتەر، ءتۇيىندى سالالار بويىنشا ينتەرنەت ارقىلى 12 رەت ارناۋلى قىزمەتكەر قابىلداۋ قيمىلىن جالعاستى ورىستەتەدى. وقۋ – اعارتۋ مينيسترلىگى مەملەكەتتىك ارناۋلى ۇتىس بەلەتى الەۋمەتتىك يگىلىك قورى ”حۇڭجى جول سىلتەپ كومەكتەسۋ جوسپارى“ بۇكىل ەلدەگى جوعارى مەكتەپ بىتىرەتىن ستۋدەنتتەردىڭ جۇمىستانۋ قابىلەتىن جەتىلدىرۋ ينتەرنەت تەكشەسى ينتەرنەتتىك كۋرس ساباقتارىن جالعاستى دايىندايدى.

ۇقتىرۋدا مىنالار تالاپ ەتىلدى: جەر ـ جەردەگى جوعارى مەكتەپتەر وقۋ – اعارتۋ مينيسترلىگىنىڭ ”ينتەرنەت + جۇمىستانۋعا جەتەكشىلىك ەتۋ“ الەۋمەتتىك يگىلىك سيپاتىنداعى تىكە تاراتىلىم ساباعى قاتارلى بايلىقتاردان تولىق پايدالانىپ، مەملەكەتتىك 2 ـ كەزەكتى ستۋدەنتتەردىڭ كاسىپتىك جوسپار جارىسى قاتارلى قيمىلدارمەن ۇشتاستىرىپ، ساياساتتى ءتۇسىندىرۋ، قىسقاشا ءومىر بايانىن جاساۋ، بەتپە ـ بەت ەمتيحان بەرۋگە جەتەكشىلىك ەتۋ، جۇمىس ىزدەۋ شەبەرلىگى قاتارلى جاقتاردان مەكتەپ بىتىرەتىن وقۋشىلارعا باعىتتامالى تۇردە ”بۇلتتىق ساباقحانا“، ”بۇلتتىق جەتەكشىلىك ەتۋدى“ ازىرلەۋى كەرەك. قىستىق دەمالىستا مەكتەپ بىتىرەتىن ستۋدەنتتەردىڭ مەكتەپتەن اتتانىپ، اۋىلىنا قايتقان مەزگىلىن مىقتى يگەرىپ، مەكتەپ بىتىرەتىن ستۋدەنتتەردى كاسىپورىن، ءىسورىن، عىلىم ـ تەحنيكا باقشا رايونى، پراكتيكا بازاسى، نەگىزگى ساتىداعى ءبىرىنشى شەپ قاتارلىلارعا بارىپ پراكتيكا جاساۋ، قوعامدىق تەكسەرۋ ـ زەرتتەۋ جۇرگىزۋ، ەرىكتى قىزمەت وتەۋ، كاسىپتىك كۋرس قاتارلى قيمىلدارعا قاتىناسۋعا بەلسەنە ۇيىمداستىرۋى كەرەك.

كەلۋ قاينارى: حالىق تورابى