”14 – بەسجىلدىق“ مەزگىلىنەن بەرى بەرى ەلىمىزدە تۇياق كەستى بولعان جايلىم اۋماعى 700 ميلليون مۋعا جۋىق ازايدى 

حالىق گازەتىنىڭ ءتىلشىسى دۇڭ سىيۇي 1 – ايدىڭ 15 – كۇنى بەيجيڭنەن حابارلايدى. ءتىلشىنىڭ جۇڭگو ورمان شارۋاشىلىعى عىلىمي زەرتتەۋ اكادەمياسى ۇيىمداستىرعان 4 - كەزەكتى «جايلىمدى جوعارى ساپالى كوركەيتۋ» عىلىمي زەرتتەۋ - تالقى ماجىلىسىنەن ۇعىسۋىنشا، «14 - بەسجىلدىق» مەزگىلىنەن بەرى، ەلىمىز جايلىمدى قالپىنا كەلتىرۋدى، وڭالتۋدى ۇزدىكسىز ىلگەرىلەتىپ، جىلىنا ورنىقتى تۇردە ورتا ەسەپپەن 40 ميلليون مۋدان استام جەرگە ءشوپ ەگىپ، شۇرايلاندىرعان، تۇياق كەستى بولعان جايلىم كولەمى 700 ميلليون مۋعا جۋىق ازايعان.

جايىلىم — ەلىمىزدىڭ ماڭىزدى ەكولوگيالىق جۇيەسى جانە جاراتىلىستىق بايلىعى. ”14 – بەسجىلدىق“ مەزگىلىنەن بەرى، ەلىمىزدىڭ جايلىمدى قالپىنا كەلتىرۋ، جونگە سالۋ اياق الىسى كورنەكتى جەدەلدەپ، بۇكىل ەلىمىزدەگى جايىلىمداردىڭ ءتۇرلى وسىمدىك جامىلعىلارىمەن كومكەرىلۋ مولشەرى ورنىقتى تۇردە %50 تەن جوعارى بولعان. ەلىمىز اعاش قالامشاسى مەن ءشوپتىڭ تۇقىمىن جەتىلدىرۋ جوسپارىن بەلگىلەپ، 600 مىڭ جەردە ءشوپ تۇقىمىن جەتىلدىرۋ بازاسىن قۇرىپ، ءشوپ تۇقىمىن ءوندىرۋ كولەمىن بىرتىندەپ كەڭەيتىپ، كوپ جىلدىق ەكولوگيالىق ءشوپ تۇقىمىمەن قامداۋ قۋاتىن 20 مىڭ تونناعا جەتكىزدى.

مەملەكەتتىك ورمان شارۋاشىلىعى جانە جايىلىم مەڭگەرمەسىنىڭ ورىنباسار باستىعى تاڭ فاڭلين: ”مەملەكەتتىك ورمان شارۋاشىلىعى جانە جايىلىم مەڭگەرمەسى الدا جايىلىم ەكولوگياسى، ءوندىرىس، تۇرمىس قاتارلىلاردى ءبىر تۇتاس جوسپارلاپ، تاۋ، سۋ، ورمان، ەگىستىك، كول، جايىلىم، قۇمدى ءبىر تۇلعالاندىرىپ قورعاۋعا جانە جۇيەلى جونگە سالۋعا تاباندى بولىپ، رايوندارعا ءبولىپ شارا قولدانۋدى، تۇرلەر بويىنشا باسقارۋ ـ مەڭگەرۋدى، دارەجەگە ءبولىپ جونگە سالۋدى اتقارىپ، جايىلىم سانىن ارتتىرىپ، جايىلىم ساپاسىن جوعارىلاتىپ، زاپاس جايىلىمداردى ىسكە قوسادى“ دەدى. مەملەكەتتىك ورمان شارۋاشىلىعى جانە جايىلىم مەڭگەرمەسى الدا وسىزاماندانعان ءشوپ شارۋاشىلىعىنىڭ دامۋىن بەلسەندى جەبەپ، جايىلىمعا قاتىستى عىلىم ـ تەحنيكا سالاسىندا جاڭالىق اشۋ قۋاتى قۇرىلىسىن كۇشەيتىپ، جايىلىمدى جوعارى دەڭگەيدە قورعاۋدى جانە ءشوپ شارۋاشىلىعىنىڭ جوعارى ساپالى دامۋىن ىلگەرىلەتەدى.

كەلۋ قاينارى: حالىق تورابى