”وقۋشىلاردى قورعاۋعا جاۋاپتى قىزمەت ورنىنان“ جيىنى 413 مىڭنان استام ورىندى قۇردى 

حالىق گازەتىنىڭ ءتىلشىسى جاڭ تيانپەي 1 – ايدىڭ 15 – كۇنى بەيجيڭنەن حابارلايدى. ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، 2024 – جىلى قوعام حاۋىپسىزدىگى ورگاندارى قاتىستى تاراۋلارمەن بىرگە «مەكتەپ اۋلاسىنىڭ اماندىعىن قورعاۋ» ارناۋلى ارەكەتىن ءۇرتىس ىشكەرىلەي ورىستەتىپ، ءتۇرلى حاۋىپسىزدىك تۇزىمدەرى مەن مەكتەپ اۋلاسىنىڭ حاۋىپسىزدىگىن قورعاۋ شارالارىنىڭ تياناقتاندىرىلۋىن، ناتيجەلى بولۋىن ىلگەرىلەتىپ، بۇكىل ەلىمىزدەگى ورتا، باستاۋىش مەكتەپتەردەگى، بالالار باقشالارىنداعى 240 ميلليون وقۋشىنىڭ حاۋىپسىزدىگىن كۇش سالا قامتاماسىزداندىرعان.

2024 - جىلى قوعام حاۋىپسىزدىگى ورگاندارى حاۋىپسىزدىك جاعىنداعى كومەسكى قاتەرلەردى جاپپاي ءبىر ـ بىرلەپ تەكسەرۋگە، تۇزەتۋگە تاباندى بولىپ، قاتىستى تاراۋلارمەن بىرگە بۇكىل ەلىمىزدەگى ورتا، باستاۋىش مەكتەپتەردە، بالالار باقشالارىندا كوكتەم، كۇز ماۋسىمدارىندا وقۋ باستاۋدان بۇرىن حاۋىپسىزدىكتى جاپپاي تەكسەرۋدى ۇيىمداستىرىپ، ءتۇيىندى وڭىرلەرگە، ءتۇيىندى ورىندارعا قۋزاۋ ـ جەتەكشىلىك ەتۋ، تەكسەرۋ جۇرگىزىپ، مەكتەپ اۋلاسىنىڭ توڭىرەگىندەگى ورتانى ۇزدىكسىز اداقتاپ جونگە سالعان. حالىق بۇقاراسىنىڭ اڭىسى كۇشتى بولعان مەكتەپ اۋلاسىنداعى زورلىق - زومبىلىق، وقۋشىلاردىڭ ءبىر – ءبىرىن جابىرلەۋى قاتارلى وقۋشىلاردى زاقىمداۋعا ساياتىن دەلولارعا باعىتتاي وتىرىپ، قوعام حاۋىپسىزدىگى ورگاندارى قاتىستى ادامداردى زاڭ بويىنشا قاتاڭ جازالاپ، قاتىستى تاراۋلارمەن بىرگە وقۋشىلاردى جابىرلەۋ ماسەلەسىن ءتۇيىندى تۇردە جونگە سالىپ، ءتۇزىمنىڭ تياناقتاندىرىلۋىن جەبەدى.

قوعام حاۋىپسىزدىگى ورگاندارى ”وقۋشىلاردى قورعاۋعا جاۋاپتى قىزمەت ورنى“ مەن ”ءتۇيىندى مەزگىلدەردە مىندەت وتەۋ“ مەحانيزمىن ىشكەرىلەي تياناقتاندىرىپ، تۇراقتى ورىندا كەزەكشىلىك ىستەۋدى جانە شارلاۋ ـ مەڭگەرۋدى، ساقتانۋدى ۇزدىكسىز كۇشەيتىپ، مەكتەپ اۋلاسىنداعى ”ەڭ كىشى - گىرىم شۇعىل جاعدايعا توتەپ بەرۋ بىرلىگىنە“ باعىتتاي وتىرىپ، شۇعىل جاعدايعا توتەپ بەرۋ، توسىن وقيعالاردى ءبىر جاقتى ەتۋ جاعىنداعى جاتتىعۋدى ۇيىمداستىرىپ، قوعام حاۋىپسىزدىگى ورگاندارىنداعى حالىق ساقشىلارى مەن بۇقارالىق ساقتانۋ، بۇقارالىق جونگە سالۋ كۇشتەرىن ءبىر تۇتاس جوسپارلاپ ورنالاستىرىپ، ءتۇيىندى ۋاقىت كەزەڭدەرىندە، ءتۇيىندى ورىنداردا بەلگىلەنگەن ورىندا كەزەكشىلىك ىستەۋدى، شارلاپ ساقتانۋ – مەڭگەرۋدى كۇشەيتىپ، مەكتەپ اۋلاسىنىڭ توڭىرەگىندەگى حاۋىپسىزدىك قورعانىس شەڭبەرىن بەرىك ساقتادى. قازىرگە دەيىن، ەلىمىز بويىنشا قوعام حاۋىپسىزدىگى ورگاندارى ”وقۋشىلاردى قورعاۋعا جاۋاپتى قىزمەت ورنىنان“ جيىنى 413 مىڭنان استام ورىندى قۇرىپ، شۇعىل جاعدايعا توتەپ بەرۋ، توساتتان تۋىلعان وقيعالاردى ءبىر جاقتى ەتۋ جاعىنداعى جاتتىعۋلاردان ءبىر ميلليون رەتكى جاتتىعۋدى ورىستەتۋگە جەتەكشىلىك ەتتى.

كەلۋ قاينارى: حالىق تورابى