«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

شينحۋا اگەنتتىگى، 1 - ايدىڭ 15 – كۇنى، بەيجيڭ. 1 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 2 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «رەفورمانى ونان ارى جاپپاي تەرەڭدەتۋ بارىسىنداعى بىرنەشە كەلەلى نازاريالىق جانە امالياتتىق ماسەلە» اتتى ماڭىزدى ماقالاسى جاريالانادى.

ماقالادا بىلاي دەپ باسا دارىپتەلدى: پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى جاڭا داۋىردە رەفورمانى جاپپاي تەرەڭدەتۋدىڭ جاڭا ساپارىن باستاپ، رەفورمانى جۇيەلى، جالپى تۇلعالىق جوبالاپ ىلگەرىلەتۋدىڭ جاڭا ساپارىن باستاپ، ەلىمىزدىڭ رەفورما جاساپ، ەسىك اشۋىنىڭ شىت جاڭا جاعدايىن اشتى، بۇل ءداۋىر بولگىش مانگە يە. جاڭا داۋىردە رەفورمانى جاپپاي تەرەڭدەتۋدە كەلەلى امالياتتىق جەتىستىككە، تۇزىمدىك جەتىستىككە، نازاريالىق جەتىستىككە قول جەتتى، بۇل ەلىمىزدىڭ رەفورما جاساپ، ەسىك اشۋ تاريحي ۇردىسىندەگى ەڭ ايبىندى تاراۋدىڭ ءبىرى بولىپ، جاپپاي دوڭگەلەك داۋلەتتى قوعام ورناتۋعا، ”ەكى كەرەمەتتى“ ۇزدىكسىز جازۋعا قۇدىرەتتى قوزعاۋشى كۇش جانە تۇزىمدىك قامتاماسىزدىق ازىرلەدى ءارى جاڭا جورىقتا رەفورمانى ونان ارى جاپپاي تەرەڭدەتۋگە بەرىك نەگىز جانە باعالى تاجىريبە ازىرلەدى.

ماقالادا مىنالار اتاپ كورسەتىلدى: دۇرىس جولدان تايماي جاڭالىق اشۋعا تاباندى بولۋ − رەفورمانى جاپپاي تەرەڭدەتۋدە، ءسوز جوق، مىقتاپ يگەرۋگە، باستان - اياق تاباندى بولۋعا ءتيىستى ماڭىزدى پرينسيپ. تۋراشىلدىقتان جازباۋ مەن جاڭالىق جاراتۋ ديالەكتيكالىق بىرلىككە يە، تۋراشىلدىقتان جازباعاندا عانا جاڭالىق جاراتۋدىڭ باستان - اياق دۇرىس بەتالىسپەن العا باسۋىنا كەپىلدىك ەتۋگە بولادى، تەك ۇزدىكسىز جاڭالىق جاراتقاندا عانا دۇرىس جولدان جازباۋدى ءتىپتى دە ويداعىداي ورىنداۋعا بولادى. ءبىزدىڭ رەفورمامىزدىڭ باعىتى، پرينسيبى بار. پارتيانىڭ جالپى بەتتىك باسشىلىعىنا تاباندى بولۋ، ماركسيزمگە تاباندى بولۋ، جۇڭگوشا سوتسياليزمگە تاباندى بولۋ، حالىق دەموكراتياسى ديكتاتۋراسىنا تاباندى بولۋ، قوعامدىق ادىلدىك پەن ادىلەتتىلىكتى جەبەۋدى، حالىقتىڭ ىرىسىن ارتتىرۋدى شىعار ءتۇيىن جانە تياناق ەتۋ، بۇلاردىڭ بارلىعى ءتۇبىرلى نەگىزگە، بەتالىسقا، ۇزاق بولاشاققا سايادى، پارتيانىڭ سيپاتى مەن تۇپكى ماقساتىن ايگىلەيدى، ەلىمىزدىڭ جاعدايىنا، حالىقتىڭ ءتۇبىرلى مۇددەسىنە ۇيلەسەدى، ءارقانداي ۋاقىتتا، ءارقانداي جاعدايدا تيتتەي دە سولقىلداقتىق ىستەۋگە بولمايدى. جۇڭگوشا سوتسياليستىك ءتۇزىمدى كەمەلدەندىرۋ جانە دامىتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ سىندى رەفورما باس نىساناسىنا تاباندى بولىپ، باستان - اياق باس نىسانا نۇسقاعان بەتالىسقا قاراي ىلگەرىلەپ، وزگەرتۋگە تيىستىلەرىن باتىل تۇزەتۋ، وزگەرتپەۋگە تيىستىلەرىن وزگەرتپەۋ كەرەك. العان بەتىنەن قايتپايتىن بەكىم جانە باتىلدىق ارقىلى نازاريادا، امالياتتا، تۇزىمدە، مادەنيەتتە، سونداي - اق باسقا دا جاقتاردا جاڭالىق اشۋدى زور كۇشپەن ىلگەرىلەتىپ، جۇڭگو ۇلگىسىندەگى وسىزامانداندىرۋدى قۇدىرەتتى قوزعاۋشى كۇشپەن جانە تۇزىمدىك كەپىلمەن قامداۋ كەرەك. ەكونوميكالىق ءتۇزىلىس رەفورماسى سىندى ماڭىزدى ءتۇيىندى كورنەكتىلەندىرىپ، سوتسياليستىك بازار شارۋاشىلىعىنىڭ رەفورما بەتالىسىنا تاباندى بولىپ، ”ەكىدەن استە اۋىتقىماۋعا“ تاباندى بولىپ جانە ونى تياناقتاندىرىپ، جوعارى ساپالى دامۋعا ىقپال جاسايتىن جانە ونى تەجەيتىن تۇزىلىستىك، مەحانيزمدىك كىناراتتاردى باتىل الاستاپ، جاپپاي جاڭالىق اشۋعا ىقپال جاسايتىن جانە تۇساۋ بولاتىن بوگەتتەردى باتىل اشۋ كەرەك. جۇڭگو ۇلگىسىندەگى وسىزامانداندىرۋدىڭ مازمۇنى توتەنشە باي، رەفورمانى ونان ارى جاپپاي تەرەڭدەتۋ دە، ءسوز جوق، جان - جاقتى بولادى. ءار جاقتاعى رەفورمانى جاپپاي سايكەستى ىلگەرىلەتىپ، جالپى تۇلعالىق ونىمدىلىك قالىپتاستىرۋعا كۇش سالۋ كەرەك.

ماقالادا مىنالار اتاپ كورسەتىلدى: رەفورماعا عىلمي ادىسپەن جەتەكشىلىك ەتۋگە جانە ونى ىلگەرىلەتۋگە تاباندى بولۋ كەرەك. رەفورما − جۇيەلى ينجەنەريا، ول ءار جاقتىڭ قاتىناسىن ويداعىداي ءبىر جاقتى ەتۋدى، عىلمي ادىسكە ءمان بەرۋدى قاجەت ەتەدى. ءبىرىنشى، رەفورما مەن زاڭمەن باسقارۋدىڭ بىرلىگىنە تاباندى بولۋ كەرەك. زاڭمەن جونگە سالۋ سالاسىنداعى رەفورمانى ونان ارى تەرەڭدەتىپ، زاڭمەن جونگە سالۋدىڭ رولىن، ءورىسىن ونان ارى كەڭەيتىپ، زاڭمەن جونگە سالۋ وي جەلىسى مەن زاڭمەن جونگە سالۋ تاسىلىنەن پايدالانىپ رەفورمانى ىلگەرىلەتۋگە شەبەر بولىپ، زاڭ الدىندا بارلىق ادامنىڭ تەرەزەسى تەڭ بولۋعا تاباندى بولۋ كەرەك. ەكىنشى، كۇشىنەن قالدىرۋ مەن ورناتۋدىڭ ديالەكتيكالىق بىرلىگىنە تاباندى بولۋ كەرەك. رەفورما − كونەنى تالقانداپ، جاڭانى ورناتۋ بارىسى، كۇشىنەن قالدىرۋ − ءتاسىل، ورناتۋ − ماقسات. ءتۇزىم قۇرىلىسىن نەگىزگى جەلى ەتۋگە تاباندى بولىپ، كۇشىنەن قالدىرۋ مەن ورناتۋدى قاتار جۇرگىزۋدى، الدىمەن ورناتىپ، ونان سوڭ كۇشىنەن قالدىرۋدى ءتىپتى دە كورنەكتىلەندىرىپ، كۇشىنەن قالدىرۋ، ورناتۋ بارىسىندا رەفورمانىڭ تەز، ورنىقتى قادامىن جۇزەگە اسىرۋ كەرەك. ءۇشىنشى، رەفورما مەن ەسىك اشۋدىڭ بىرلىگىنە تاباندى بولۋ كەرەك. تۇزىمدىك ەسىك اشۋدى ورنىقتى كەڭەيتىپ، ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن اتقارۋ كەرەك. ءتورتىنشى، ورنالاستىرۋ مەن تياناقتاندىرۋدىڭ قاتىناسىن ويداعىداي شەشۋ كەرەك. رەفورما جوباسىن جوبالاۋدا، ءسوز جوق، وبيەكتيۆ زاڭدىلىقتى يگەرىپ، ءتۇرلى رەفورما شارالارىن سايكەستىرۋگە، ۇشتاستىرۋعا ءمان بەرىپ، رەفورما بەتالىسىنىڭ بىردەيلىگىن كۇشەيتۋ كەرەك. جاۋاپكەرشىلىگى ايقىن، تىزبەكتەرى تولىق، ءوزارا قابىسقان قىزمەت مەحانيزمىن ورناتىپ، اقاۋسىزداندىرىپ، قۇجات شىعارۋعا ءمان بەرۋ، تياناقتاندىرۋدى قۋزاۋعا نەمقۇرايدى قاراۋ سياقتى جايتتەردەن ساقتانۋ، ”قايراڭدا اعىن سۋ سوڭىنا جەتپەي قالۋدان“ ساقتانۋ كەرەك. باسشى كادرلار، اسىرەسە، جوعارى دارەجەلى كادرلار قيىندىقتاردى جەڭىپ، قيىندىقتاردان تايسالمايتىن ساياسي باتىلدىقپەن قايشىلىقتار مەن ماسەلەلەردەن تايساقتاماي، ەسكىلىكتى دەرتتەردى الاستاۋى، حاۋىپ - قاتەر مەن سىن - سايىسقا توتەپ بەرۋدە شەگىنبەۋى، رەفورمانىڭ، دامۋدىڭ جاڭا ءورىسىن قۇلشىنا اشۋى كەرەك.

ماقالادا بىلاي دەپ اتاپ كورسەتىلدى: رەفورمانى اناعۇرلىم جاپپاي تەرەڭدەتەتىن تاماشا راي قالىپتاستىرۋ كەرەك. ورتاق تانىمدى كەڭىنەن ۇيىستىرۋ، بارلىق بەلسەندى فاكتوردى تولىق جۇمىلدىرۋ رەفورمانى ءساتتى ىلگەرىلەتۋ جونىنەن توتەنشە ماڭىزدى. جالپى ءماجىلىس «قارارىنىڭ» رۋحىن دۇرىس ءتۇسىنىپ جانە ءتۇسىندىرىپ، بۇكىل پارتيانىڭ، بۇكىل قوعامنىڭ رەفورمانى بىرگە يگەرۋدەگى يدەيالىق نەگىزىن، بۇقارالىق نەگىزىن بەكەمدەۋ كەرەك. رەفورما مەجەسىنە ۇيلەسىمدى جەتەكشىلىك ەتىپ، كادرلاردى، بۇقارانى رەفورما بارىسىنداعى مۇددە قاتىناسىن رەتكە سالۋ مەن جەكە باسىنىڭ پايدا - زيانىنا دۇرىس مامىلە جاساۋعا جەتەكتەۋ؛ ادامدى نەگىز ەتۋگە تاباندى بولىپ، ناقتى ونىمدىلىك پەن حالىق بۇقاراسىنىڭ ريزا بولۋ دارەجەسىنە قاراپ رەفورمانى سىننان وتكىزۋ كەرەك. دۇرىس قوعامدىق پىكىر بەتالىسىن يگەرىپ، قوعامدىق پىكىر بىرىككەن كۇشىن قالىپتاستىرۋ كەرەك.