شينجياڭدا  ۇكىمەت قىزمەتكەرلىگىنە 6116 ادام قابىلداۋ جوسپارلاندى، تىزىمدەلۋگە دايىندالىڭىزدار! 

ءتىلشىنىڭ شينجياڭ ۇيعۇر اۆتونوميالى رايوندىق ۇكىمەت قىزمەتكەرلەرىن باسقارۋشى تاراۋلاردان ۇعىسۋىنشا، اۆتونوميالى رايون 2025 – جىلى ۇكىمەت قىزمەتكەرى مەن ۇكىمەت قىزمەتكەرى زاڭى بويىنشا باسقارىلاتىن قىزمەتكەرلەردەن 6116 ادامدى قوعامنان اشىق تۇردە ەمتيحان ارقىلى قابىلداۋدى جوسپارلاعان. ەمتيحانعا تىزىمدەلۋ 2 – ايدىڭ 10 – كۇنىنەن باستالىپ، 2 – ايدىڭ 15 – كۇنى اياقتايدى؛ 3 – ايدىڭ 15 – كۇنىنەن باستاپ جازباشا ەمتيحان الىنادى، سوڭىنان تولىمدىلىعىن تەكسەرۋ، بەتپە - بەت ەمتيحان الۋ، دەنساۋلىق تەكسەرۋ، باقىلاپ تەكسەرۋ، اشىق جاريالاۋ، قابىلداۋ قىزمەتى ورىستەتىلەدى. قىزمەتكەر قابىلداۋ ەمتيحانى جونىندەگى قۇلاقتاندىرۋ مەن ورىندارىنىڭ ەگجەي – تەگجەيلى جاعدايى 1 – ايدىڭ 24 – كۇنى شينجياڭ پارتيا قۇرىلىسى تورابىندا (http://www.xjkunlun.cn)، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ تورابىندا (http://rst.xinjiang.gov.cn) شينجياڭ كادرلار قىزمەتى جانە ەمتيحان ورتالىعىنىڭ تورابىندا (http://www.xjrsks.com.cn) جاريالاندى، ەمتيحان بەرۋشىلەر نازار اۋدارىڭىزدار ءارى تەكسەرىپ كورىڭىزدەر.

ەمتيحان بەرۋشىلەرگە ەسكەرتە كەتۋگە ءتيىستى ىستەر: بىرىنشىدەن، ەمتيحان بەرۋشىلەردى قىزمەتكەر قابىلداۋعا قاتىستى شارتتاردى سالىستىرىپ كورىپ، ءوز جاعدايىن دۇرىس يگەرىپ، ينتەرنەت ارقىلى ەرتەرەك تىزىمدەلگەنى ءجون. ەكىنشىدەن، ەمتيحان بەرۋشىلەر ەگەر تاڭداپ تىزىمدەلەتىن قىزمەت ورنىنىڭ ناقتى تالابىن ەگجەي - تەگجەيلى ۇعىسپاقشى بولسا، قىزمەتكەر قابىلدايتىن ورىنداردىڭ تىزىمدىگىندە جاريالانعان قىزمەتكەر قابىلداۋشى ورگانعا (ورىنعا) تىكەلەي تەلەفون سوعىپ، قاتىستى ساياساتتار جونىندە كەڭەس سۇراۋىنا بولادى.

قاتىستى جاقتاردىڭ جاۋاپتىسى بىلاي دەدى: وسى رەتكى ەمتيحاندا پىسىقتاۋ كىتاپتارى بەلگىلەنبەيدى، ءارقانداي قۇرىلىمعا ەمتيحانعا قاتىستى پىسىقتاۋ كلاستارىن نەمەسە كۋرستارىن اشۋ مىندەتتەلمەيدى. قازىر قوعامدا ۇكىمەت قىزمەتكەرىن قابىلداۋ ەمتيحانىنا قاتىستى وتكىزىلىپ جاتقان ءتۇرلى كۋرستارى مەن تاراتىلعان ءتۇرلى باسىلىمداردىڭ بارلىعى وسى رەتكى ەمتيحاندى ۇيىمداستىرۋشى جاقپەن قاتىسسىز. ەمتيحان بەرۋشىلەردىڭ قىراعىلىقتى ارتتىرىپ، ەمتيحانعا سابىرلىلىقپەن دايىندالىپ، ءوز مۇددەسىنىڭ زيانعا ۇشىراۋىنان ساقتانۋىن ءۇمىت ەتەمىز، قوعامنىڭ ءار سالاسىنداعىلاردىڭ باقىلاۋدى كۇشەيتۋىن ءۇمىت ەتەمىز، ەگەر ەمتيحان بەرۋشىلەردىڭ زاڭدى ۇقىق - مۇددەسىنە قول سۇعۋ قاتارلى ماسەلەلەر بايقالسا، قاتىستى ورىندارعا مالىمدەۋىنە بولادى.

كەلۋ قاينارى: حالىق تورابى